ಕೆಜಿಎಫ್ 3 ಚಿತ್ರದಲ್ಲಿ ವಿಲನ್ ಪಾತ್ರದಲ್ಲಿ ನಟಿಸಲಿದ್ದಾರೆಯೇ ರಾಣಾ ದಗ್ಗುಬಟಿ..?

ಬೆಂಗಳೂರು: ಕೆಜಿಎಫ್ ಫ್ರಾಂಚೈಸಿನ  ಮೊದಲ ಎರಡು ಅಧ್ಯಾಯಗಳು ಯಶಸ್ವಿಯಾಗಿರುವ ಹಿನ್ನಲೆಯಲ್ಲಿ ಈಗ ಮೂರನೇ ಚಾಪ್ಟರ್ ನಲ್ಲಿ ರಾಣಾ ದಗ್ಗುಬಟಿ ನಟಿಸಲಿದ್ದಾರೆ ಎನ್ನುವ ಸುದ್ದಿ ಈಗ ಹರಿದಾಡುತ್ತಿದೆ.ಈಗಾಗಲೇ ಕೆಜಿಎಫ್ 2 ಚಿತ್ರದಲ್ಲಿ ಅಧೀರಾ ಪಾತ್ರ ಸತ್ತಿರುವುದರಿಂದ ಮುಂಬರುವ ಕೆಜಿಎಫ್ 3 ನಲ್ಲಿ ರಾಣಾ ದಗ್ಗುಬಟಿ ಪ್ರಮುಖ ಖಳನಾಯಕನ ಪಾತ್ರವೊಂದನ್ನು ನಿರ್ವಹಿಸಲಿದ್ದಾರೆ ಎನ್ನಲಾಗುತ್ತಿದೆ.

ಇದನ್ನೂ ಓದಿ: 'ಪ್ರಶಾಂತ್ ನೀಲ್ ಭಾರತೀಯ ಚಿತ್ರರಂಗದ ವೀರಪ್ಪನ್ ಇದ್ದ ಹಾಗೆ'

ಸುದ್ದಿ ಮೂಲಗಳ ಪ್ರಕಾರ "ಕೆಜಿಎಫ್‌ 2 ನಲ್ಲಿ ಅಧೀರ ಸಾವನ್ನಪ್ಪಿರುವುದರಿಂದ ಮೂರನೇ ಭಾಗದಲ್ಲಿ ಪ್ರಬಲ ಖಳನಾಯಕನ ಪಾತ್ರಕ್ಕಾಗಿ ರಾಣಾ ದಗ್ಗುಬಟಿ ಅವರನ್ನು ಸಂಪರ್ಕಿಸಲಾಗುತ್ತಿದೆ ಎಂದು ವರದಿ ಹೇಳಿದೆ.ಇನ್ನೊಂದೆಡೆಗೆ ರಾಣಾ ಅವರು ಇತ್ತೀಚಿಗೆ ಕೆಜಿಎಫ್ ೨ ಚಿತ್ರದ ಯಶಸ್ಸಿನ ಹಿನ್ನೆಲೆಯಲ್ಲಿ ಚಿತ್ರದ ಬಗ್ಗೆ ಪ್ರಶಂಸೆ ವ್ಯಕ್ತಪಡಿಸಿದ್ದರು.ಈಗ ಶೀಘ್ರದಲ್ಲೇ ಚಿತ್ರದ ನಿರ್ದೇಶಕ ಪ್ರಶಾಂತ್ ನೀಲ್ ಅವರು ಹೈದರಾಬಾದ್ ನಲ್ಲಿ ರಾಣಾ ಅವರನ್ನು ಭೇಟಿ ಮಾಡಲಿದ್ದಾರೆ ಎನ್ನಲಾಗಿದೆ.ಕೇವಲ 3 ವಾರಗಳಲ್ಲಿ 1084.37 ಕೋಟಿ ರೂ ಗಳಿಸಿದ ಕೆಜಿಎಫ್ 2..!

ಆದರೆ ಈ ವಿಚಾರವಾಗಿ ಅಧಿಕೃತವಾಗಿ ರಾಣಾ ದಗ್ಗುಬಟಿಯಾಗಲಿ, ನಿರ್ದೇಶಕ ಪ್ರಶಾಂತ್ ನೀಲ್, ಮತ್ತು ಹೊಂಬಾಳೆ ಫಿಲಂಸ್ ಖಚಿತಪಡಿಸಿಲ್ಲ ಎನ್ನಲಾಗಿದೆ.ಈಗ ಪ್ರಶಾಂತ್ ನೀಲ್ ಅವರು ಸಲಾರ್ ಚಿತ್ರೀಕರಣ ಪೂರ್ಣಗೊಂಡ ನಂತರ ಕೆಜಿಎಫ್ 3 ಚಿತ್ರೀಕರಣಕ್ಕೆ ಚಾಲನೆ ನೀಡುವ ಸಾಧ್ಯತೆ ಇದೆ ಎನ್ನಲಾಗಿದೆ.

ಇನ್ನೂ ಚಿತ್ರದ ಬಾಕ್ಸ್ ಆಫೀಸ್ ವಿಚಾರಕ್ಕೆ ಬಂದರೆ ಕೆಜಿಎಫ್ 2 ಚಿತ್ರವು ವಿಶ್ವದಾದ್ಯಂತ 1100 ಕೋಟಿ ರೂ.ಗಳನ್ನು ಬಾಚಿದ್ದು, ಹಿಂದಿ ಬೆಲ್ಟ್ ನಲ್ಲಿ ಸುಮಾರು 400 ಅಧಿಕ ಕೋಟಿ.ರೂ ಗಳನ್ನು ಗಳಿಸಿದೆ. ಆ ಮೂಲಕ ಈಗ ಬಾಹುಬಲಿ 2 ಚಿತ್ರದ ನಂತರ ಭಾರತೀಯ ಬಾಕ್ಸ್ ಆಫೀಸ್ ನಲ್ಲಿ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಸಿನಿಮಾ ಎನ್ನುವ ಹೆಗ್ಗಳಿಕೆಗೆ ಕೆಜಿಎಫ್ ೨ ಚಿತ್ರವು ಪಾತ್ರವಾಗಿದೆ.ಅಷ್ಟೇ ಅಲ್ಲದೆ ನಾಲ್ಕು ಭಾಷೆಗಳಲ್ಲಿ 100 ಕೋಟಿ ರೂ ಸಂಪಾದನೆ ಮಾಡಿದ ಭಾರತದ ಮೊದಲ ಸಿನಿಮಾ ಎನ್ನುವ ಹಿರಿಮೆಗೂ ಚಿತ್ರ ಪಾತ್ರವಾಗಿದೆ.