ಶ್ರೀಲೀಲಾ ಜಾಗಕ್ಕೆ ರಶ್ಮಿಕಾ...! ನ್ಯಾಷನಲ್‌ ಕ್ರಶ್‌ ಕಮ್‌ ಬ್ಯಾಕ್‌

Rashmika Mandanna: ಗೋಪಿಚಂದ್ ಮಲಿನೇನಿ ನಿರ್ದೇಶನದಡಿಯಲ್ಲಿ ಮೂಡಿಬರುತ್ತಿರುವ ಮಾಸ್ ಮಹರಾಜ ರವಿತೇಜ ನಟನೆಯ ಹೊಸ ಸಿನಿಮಾಗೆ ಶ್ರೀಲೀಲಾ ಅವರನ್ನು ನಾಯಕಿಯಾಗಿ ಆಯ್ಕೆ ಮಾಡಲಾಗಿದೆ ಎನ್ನಲಾಗಿತ್ತು. ಆದರೆ ಇದೀಗ ಆ ಜಾಗಕ್ಕೆ ಬೇರೆ ಟಾಪ್‌ನಟಿಯನ್ನು ರಿಪ್ಲೇಸ್‌ ಮಾಡಲಾಗಿದೆ ಎನ್ನುವ ಸುದ್ದಿಗಳು ಹರಿದಾಡುತ್ತಿವೆ. 

ಹೌದು ಶ್ರೀಲೀಲಾ ನಾಯಕಿಯಾಗಿ ನಟಿಸಬೇಕಿದ್ದ ಸಿನಿಮಾದಿಂದ ಹೊರನಡೆದಿದ್ದಾರೆ. ಆ ಪಾತ್ರಕ್ಕೆ ನ್ಯಾಷನಲ್‌ ಕ್ರಶ್‌ ರಶ್ಮಿಕಾ ಮಂದಣ್ಣ ಅವರನ್ನು ಆಯ್ಕೆಮಾಡಲಾಗಿದೆ. ಈ ಹಿಂದೆ ಶ್ರೀಲೀಲಾ ಧಮಾಕಾ ಚಿತ್ರದಲ್ಲಿ ರವಿತೇಜ ಜೊತೆ ನಾಯಕಿಯಾಗಿ ಕಾಣಿಸಿಕೊಂಡು ಮೋಡಿ ಮಾಡಿದ್ದರು. ಈಗಲೂ ಅವರಿಬ್ಬರೇ ಮತ್ತೆ ಜೋಡಿಯಾಗಬಹುದು ಎನ್ನುವ ನಿರೀಕ್ಷೆಯಿತ್ತು ಆದರೆ ಅದು ಸುಳ್ಳಾಗಿದೆ. 

ಇದನ್ನೂ ಓದಿ-ಗೆಳೆಯ ವಿಜಯ್‌ ಆಂಟೋನಿ ಪುತ್ರಿ ನೆನೆದು ಕಣ್ಣೀರಿಟ್ಟ ನಟ ವಿಶಾಲ್‌..! 

ಇನ್ನು ರವಿತೇಜ ಅವರ ಹೊಸ ಚಿತ್ರಕ್ಕೆ ಹೊಸ ಜೋಡಿ ಇರಲಿ ಎನ್ನುವ ಉದ್ದೇಶದಿಂದ ಕಿರಿಕ್‌ ಬೆಡಗಿಯನ್ನು ತಂಡ ಫೈನಲ್ ಮಾಡಿದೆ. ನಟಿಯ ಸಂಭಾವನೆ ಎಷ್ಟೇ ಇರಲಿ ನಾವು ಭರಿಸುತ್ತೇವೆ ಎಂದು ಚಿತ್ರತಂಡ ನಿರ್ಧರಿಸಿದೆ. ಈ ಚಿತ್ರಕ್ಕೆ ರಶ್ಮಿಕಾ ಸಹ ಗ್ರೀನ್‌ ಸಿಗ್ನಲ್‌ ನೀಡಿದ್ದು...ಸದ್ಯದಲ್ಲೇ ಶೂಟಿಂಗ್ ಕೂಡ ಶುರುವಾಗಲಿದೆ ಎನ್ನಲಾಗುತ್ತಿದೆ. 

ಇದಲ್ಲದೇ ಈ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ವರಲಕ್ಷ್ಮಿ ಶರತ್ ಕುಮಾರ್ ನಟಿಸಲಿದ್ದು, ರವಿ ತೇಜ, ರಶ್ಮಿಕಾ, ಗೋಪಿಚಂದ್ ಮಲಿನೇನಿ ಕಾಂಬಿನೇಷನ್‌ನಲ್ಲಿ ಮೊದಲ ಬಾರಿಗೆ ಸಿನಿಮಾ ಮೂಡಿ ಬರಲಿದ್ದು, ಚಿತ್ರಕ್ಕಾಗಿ ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದಾರೆ.