ರಶ್ಮಿಕಾ ಮಂದಣ್ಣ ಎಷ್ಟು ಓದಿದ್ದಾರೆ? ಎಜುಕೇಶನ್ ಕ್ವಾಲಿಫಿಕೇಶನ್ ಏನು ಗೊತ್ತಾ?

Rashmika Mandanna Unknown Facts: ಆಡಿಷನ್ ಇಲ್ಲದೆ ಚಿತ್ರರಂಗದಲ್ಲಿ ಛಾಪು ಮೂಡಿಸುತ್ತಿರುವ ರಶ್ಮಿಕಾ 1996 ರ ಏಪ್ರಿಲ್ 5 ರಂದು ಕರ್ನಾಟಕದ ವಿರಾಜಪೇಟೆಯಲ್ಲಿ ಜನಿಸಿದರು. ಬಾಲ್ಯದಿಂದಲೂ ನಟನೆಯತ್ತ ಒಲವು ಬೆಳೆಸಿಕೊಂಡ ರಶ್ಮಿಕಾ, ಅಧ್ಯಯನವನ್ನು ನಿರ್ಲಕ್ಷಿಸಿ ನಟಿಯಾಗಬೇಕೆಂದು ಕನಸು ಕಂಡಿರಲಿಲ್ಲ. ರಶ್ಮಿಕಾ ಮಂದಣ್ಣ ಅಧ್ಯಯನದಲ್ಲಿ ಅಗ್ರಸ್ಥಾನ ಪಡೆಯುವ ಮೂಲಕ ತನ್ನ ಹೆತ್ತವರಿಗೆ ಗೌರವವನ್ನು ತಂದಿದ್ದಾರೆ. ರಶ್ಮಿಕಾ ಮಂದಣ್ಣ ತಮ್ಮ ಶಾಲಾ ಶಿಕ್ಷಣವನ್ನು ಕೊಡಗಿನ ಕೂರ್ಗ್ ಪಬ್ಲಿಕ್ ಸ್ಕೂಲ್‌ನಲ್ಲಿ ಪೂರ್ಣಗೊಳಿಸಿದ್ದಾರೆ.

ತನ್ನ ಶಾಲಾ ಶಿಕ್ಷಣವನ್ನು ಪೂರ್ಣಗೊಳಿಸಿದ ನಂತರ, ರಶ್ಮಿಕಾ ಟಿವಿ ಜಾಹೀರಾತುಗಳು ಮತ್ತು ಮಾಡೆಲಿಂಗ್ ಕಾರ್ಯಕ್ರಮಗಳಲ್ಲಿ ಕೆಲಸ ಮಾಡಲು ಪ್ರಾರಂಭಿಸಿದರು. ಆದಾಗ್ಯೂ, ತನ್ನ ಅಧ್ಯಯನದಲ್ಲಿ ಮುಂದುವರಿಯುತ್ತಾ, ರಶ್ಮಿಕಾ ಮೈಸೂರಿನ ಇನ್‌ಸ್ಟಿಟ್ಯೂಟ್ ಆಫ್ ಕಾಮರ್ಸ್ ಮತ್ತು ಆರ್ಟ್ಸ್‌ನಲ್ಲಿ ಪ್ರಿ-ಯೂನಿವರ್ಸಿಟಿ ಕೋರ್ಸ್ ಮಾಡಲು ಪ್ರವೇಶ ಪಡೆದರು. ಇದೆಲ್ಲವನ್ನೂ ಮುಗಿಸಿದ ನಟಿ ಬೆಂಗಳೂರಿನ ರಾಮಯ್ಯ ಕಾಲೇಜ್ ಆಫ್ ಆರ್ಟ್ಸ್ ಸೈನ್ಸ್ ಅಂಡ್ ಕಾಮರ್ಸ್‌ಗೆ ಸೇರಿಕೊಂಡರು ಮತ್ತು ಮುಂದಿನ ಶಿಕ್ಷಣವನ್ನು ಪೂರ್ಣಗೊಳಿಸಿದರು. ಕಾಲೇಜಿನಲ್ಲಿ, ರಶ್ಮಿಕಾ ಮನೋವಿಜ್ಞಾನ, ಇಂಗ್ಲಿಷ್ ಸಾಹಿತ್ಯ ಮತ್ತು ಪತ್ರಿಕೋದ್ಯಮದಲ್ಲಿ ಪದವಿ ಪಡೆದರು.

ಇದನ್ನೂ ಓದಿ : ಪ್ರಭಾಸ್ ಆಧಾರ್ ಕಾರ್ಡ್ ಸಿಕ್ಕಾಪಟ್ಟೆ ವೈರಲ್! ನಿಜವಾದ ವಯಸ್ಸು ರಿವೀಲ್‌

ಇಷ್ಟೆಲ್ಲ ಮಾಡುತ್ತಲೇ ರಾಷ್ಟ್ರಮಟ್ಟದ ಸ್ಪರ್ಧೆಯಲ್ಲಿ ಗೆದ್ದು ಸೌತ್ ಸಿನಿಮಾದತ್ತ ಹೆಜ್ಜೆ ಹಾಕಿದರು ರಶ್ಮಿಕಾ. ಅದನ್ನು ಗೆದ್ದ ನಂತರ ಪತ್ರಿಕೆಯಲ್ಲಿ ರಶ್ಮಿಕಾ ಅವರ ಚಿತ್ರ ಬಂದಾಗ ಕನ್ನಡ ಚಿತ್ರರಂಗದವರು ಆಕೆಯ ಮುದ್ದು ಮುಗುಳ್ನಗೆಗೆ ಮರುಳಾಗಿದ್ದರು. ಹೀಗಿರುವಾಗ ರಶ್ಮಿಕಾ ಅವರನ್ನು ಸಂಪರ್ಕಿಸಿದ್ದಾರೆ. ಆಮೇಲೆ ನಡೆದದ್ದು ನಟಿಯ ಚಿತ್ರರಂಗಕ್ಕೆ ಎಂಟ್ರಿ. ಯಾವುದೇ ರೀತಿಯ ಆಡಿಷನ್ ನೀಡದೆ ರಶ್ಮಿಕಾ 2016 ರಲ್ಲಿ 'ಕಿರಿಕ್ ಪಾರ್ಟಿ' ಚಿತ್ರದ ಮೂಲಕ ಸಿನಿಮಾ ಲೋಕಕ್ಕೆ ಪದಾರ್ಪಣೆ ಮಾಡಿದರು. 

ಇದಾದ ನಂತರ ಒಂದರ ಹಿಂದೆ ಒಂದರಂತೆ ಸಿನಿಮಾ ಮಾಡುತ್ತಾ ಮುಂದೆ ಸಾಗಿದರು. 2021ರಲ್ಲಿ ತೆರೆಕಂಡ ‘ಪುಷ್ಪ’ ಸಿನಿಮಾದಲ್ಲಿ ‘ಶ್ರೀವಲ್ಲಿ’ ಆಗಿ ಭಾರತದಾದ್ಯಂತ ಮೆಚ್ಚುಗೆ ಗಳಿಸಿದ ರಶ್ಮಿಕಾ ವೃತ್ತಿ ಬದುಕಿಗೆ ರೆಕ್ಕೆಪುಕ್ಕ ನೀಡುವ ಕೆಲಸ ಮಾಡಿತ್ತು. ಇತ್ತೀಚೆಗೆ, ರಶ್ಮಿಕಾ ಬಾಲಿವುಡ್‌ನಲ್ಲಿ 'ಗುಡ್‌ಬೈ' ಚಿತ್ರದ ಮೂಲಕ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು.

ಇದನ್ನೂ ಓದಿ : ಖುಷಿ ಚಿತ್ರಕ್ಕಾಗಿ ಅತಿ ಹೆಚ್ಚು ಸಂಭಾವನೆ ಪಡೆದಿದ್ದು ವಿಜಯ್ OR ಸಮಂತಾ?