ಡಿಸೆಂಬರ್‌ನಲ್ಲೇ ರಿಲೀಸ್ ಆಗಲಿದೆ ಸಲ್ಮಾನ್ ಖಾನ್, ರಶ್ಮಿಕಾ ಮಂದಣ್ಣ ಸಿನಿಮಾ ಟೀಸರ್.. ಈ ದಿನವೇ ರಿಲೀಸ್ ಯಾಕೆ ಗೊತ್ತಾ..?

Rashmika Mandanna Salman Khan Bollywood Movie: ಬಾಲಿವುಡ್ ಬಾಕ್ಸಆಫೀಸ್ ಸುಲ್ತಾನ ಸಲ್ಮಾನ್ ಖಾನ್ ಮತ್ತು ನ್ಯಾಷನಲ್ ಕ್ರಷ್ ರಶ್ಮಿಕಾ ಮಂದಣ್ಣ ಅಭಿನಯದ ‘ಸಿಕಂದರ್’ ಸಿನಿಮಾ ಬಗ್ಗೆ ಈಗಾಗಲೇ ಸಿಕ್ಕಾಪಟ್ಟೆ ಕುತೂಹಲ ನಿರ್ಮಾಣವಾಗಿದೆ. ಈ ಬಗ್ಗೆ ಎಲ್ಲೆಡೆ ಟಾಕ್ ಶುರುವಾಗಿದೆ. ಅಭಿಮಾನಿಗಳನ್ನು ಇನ್ನು ಕಾಯಿಸುವುದು ಸರಿಯಲ್ಲ ಅಂತಾ ಚಿತ್ರತಂಡ ಡಿಸಂಬರ್ 27ಕ್ಕೆ ‘ಸಿಕಂದರ್’ ಸಿನಿಮಾ ಟೀಸರ್ ಬಿಡುಗಡೆ ಮಾಡಲಿದೆ. 

‘ಸಿಕಂದರ್’ ಸುಲ್ತಾನ ಸಲ್ಮಾನ್ ಖಾನ್ ಮತ್ತು ರಶ್ಮಿಕಾ ಮಂದಣ್ಣ ಇಬ್ಬರಿಗೂ ಬಹಳ ಮಹತ್ವದ ಚಿತ್ರ. ‘ಪುಷ್ಪಾ-2’ ಹವಾ ನಡುವೆ ಸಲ್ಮಾನ್ ಖಾನ್ ಮತ್ತೆ ತಾನು ‘ಬಾಲಿವುಡ್ ಬಾಕ್ಸಆಫೀಸ್ ಸುಲ್ತಾನ’ ಎಂದು ಸಾಬೀತು ಪಡಿಸಬೇಕಾಗಿದೆ. ಈಗಾಗಲೇ ಹಿಟ್ ಮೇಲೆ ಹಿಟ್ ಚಿತ್ರ ಕೊಟ್ಟು ಬಾಲಿವುಡ್ ಅನ್ನು ಬೆರಗುಗೊಳಿಸಿರುವ ಬೆಡಗಿ ರಶ್ಮಿಕಾ ಮಂದಣ್ಣ ‘ಹಿಂದಿ ಚಿತ್ರರಂಗ’ವನ್ನು ‘ತಕ ಥೈ’ ಅಂತಾ ಕುಣಿಸಲು ‘ಸಿಕಂದರ್’ ಸಹಾಯ ಮಾಡಬಹುದು.

ಇದನ್ನೂ ಓದಿ- ಇಂದಿಗೂ ಸ್ಯಾಂಡಲ್‌ವುಡ್ ಬಾಕ್ಸ್ ಆಫೀಸ್ ಸುಲ್ತಾನ್ ಇವರೇ... ಜೈಲಿಗೆ ಹೋಗಿ ಬಂದ್ರೂ ಕಡಿಮೆಯಾಗಿಲ್ಲ ವರ್ಚಸ್ಸು..!

ಸಲ್ಮಾನ್ ಖಾನ್ ಅಭಿಮಾನಿಗಳಿಗೆ ಖುಷಿಪಡಿಸಬೇಕೆಂದೇ ಸಿನಿಮಾ ನಿರ್ಮಾಪಕ ಸಾಜಿದ್ ಮತ್ತು ನಿರ್ದೇಶಕ ಎ.ಆರ್. ಮುರುಗಾಡೋಸ್ ‘ಸಿಕಂದರ್’ ಟೀಸರ್ ರಿಲೀಸ್ ಅನ್ನು ಡಿಸಂಬರ್ 27ಕ್ಕೆ ಇಟ್ಟುಕೊಂಡಿದೆ. ಏಕೆಂದರೆ ಅಂದು ಸಲ್ಮಾನ್ ಖಾನ್ ಅವರ 57ನೇ ಹುಟ್ಟುಹಬ್ಬ. ಅಂದಿನಿಂದಲೇ ಚಿತ್ರದ ಪ್ರೊಮೋಷನ್ ಕೂಡ ಶುರುವಾಗಲಿದೆ.

ಇದನ್ನೂ ಓದಿ- ‘ಪುಷ್ಪಾ-3 ದಿ ರಾಂಪೇಜ್’ ಚಿತ್ರದಿಂದ ಅಲ್ಲು ಅರ್ಜುನ್ ಔಟ್!: ಸಕ್ಸಸ್ ಫುಲ್ ಹೀರೋ ಚೇಂಜ್ ಮಾಡ್ತಿರೋದೇಕೆ ನಿರ್ದೇಶಕ ಸುಕುಮಾರ್?

‘ಪುಷ್ಪಾ-2’ ಚಿತ್ರದಲ್ಲಿ ಕನ್ನೋಟದಲ್ಲೇ ನೋಡುಗರನ್ನು ಕೊಂದುಹಾಕಿದ್ದ ಶ್ರೀವಲ್ಲಿಯ ಮುಂದಿನ ಚಿತ್ರಕ್ಕೆ ಅಭಿಮಾನಿಗಳು ತುದಿಬೆರಳಲ್ಲಿ ಕಾದುನಿಂತಿದ್ದಾರೆ. ಕೆಲವರು ಈಗಾಗಲೇ ಥೇಟರ್ ಎದುರು ಟೆಂಟ್ ಹಾಕಿಬಿಟ್ಟಿದ್ದಾರೆ ಎನ್ನಲಾಗಿದೆ. ತನ್ನ ನಗುವಿನಲ್ಲೇ ಪಡ್ಡೆ ಅಭಿಮಾನಿಗಳನ್ನು ಗುಡ್ಡೆ ಹಾಕಿಕೊಂಡಿರುವ ರಶ್ಮಿಕಾ ಮಂದಣ್ಣ ‘ಸಿಕಂದರ್’ ಕಾ ಮುಕಂದರ್’ ಆಗಬಹುದು ಅಂತಾ ಹೇಳಲಾಗುತ್ತಿದೆ. ‘ಪುಷ್ಪಾ-2’ ಚಿತ್ರದಲ್ಲಿ  ಸೊಂಟ ಬಳುಕಿಸಿ ಪಡ್ಡೆ ಅಭಿಮಾನಿಗಳನ್ನು ಗುಡ್ಡೆ ಹಾಕಿಕೊಂಡಿದ್ದ ರಶ್ಮಿಕಾ ‘ಸಿಕಂದರ್’ನಲ್ಲಿ ಮತ್ಯಾವ ಕಮಾಲ್ ಮಾಡಲಿದ್ದಾರೆ ಅಂತಾ ಕಾದುನೋಡಬೇಕು.

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.