ಕುಡಿದ ಮತ್ತಿನಲ್ಲಿ ರವೀನಾ ಟಂಡನ್ ಜಗಳ? ಮಧ್ಯ ರಾತ್ರಿ ನಡು ರಸ್ತೆಯಲ್ಲಿ KGF ನಟಿ ಮೇಲೆ ಹಲ್ಲೆ !

Attack on Raveena Tandon: ಬಾಲಿವುಡ್‌ ನಟಿ ರವೀನಾ ಟಂಡನ್‌ಗೆ ಸಂಬಂಧಿಸಿದ ವಿಡಿಯೋವೊಂದು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ. ಅವರ ಅಭಿಮಾನಿಗಳ ಆತಂಕಕ್ಕೆ ಇದು ಕಾರಣವಾಗಿದೆ. ಮುಂಬೈನ ರಿಜ್ವಿ ಲಾ ಕಾಲೇಜ್ ಬಳಿ ಕಾರ್ಟರ್ ರಸ್ತೆಯಲ್ಲಿ ನಟಿ ರವೀನಾ ಟಂಡನ್ ಅವರ ಐಶಾರಾಮಿ ಕಾರು ಪಾರ್ಕ್‌ ಮಾಡಲಾಗಿತ್ತು. 

ಈ ವೇಳೆ ಮೊಹಮ್ಮದ್ ಎಂಬುವವರು ಅಲ್ಲಿಂದ ಹಾದು ಹೋಗುತ್ತಿದ್ದರು. ಈ ವೇಳೆ ರವೀನಾ ಟಂಡನ್‌ ಅವರ ಕಾರು ಹಿಂಬದಿ ಚಲಿಸುತ್ತಿರುವಾಗ ಮೊಹಮ್ಮದ್ ಅವರ ತಾಯಿಗೆ ತಾಕಿದೆ. ಇದೇ ಕಾರಣಕ್ಕೆ ರವೀನಾ ಟಂಡನ್ ಅವರನ್ನು ಮೊಹಮ್ಮದ್ ಮತ್ತು ಅವರ ಮಗಳು ಪ್ರಶ್ನಿಸಿದ್ದಾರೆ. ಆಗ ರವೀನಾ ಅವರ ಚಾಲಕ ವಾಗ್ವಾದಕ್ಕೆ ಇಳಿದಿದ್ದಾನೆ. 

ಇದನ್ನೂ ಓದಿ:  ಸುದೀಪ್‌ ಫ್ಯಾನ್ಸ್‌ಗೆ ಹ್ಯಾಪಿ ನ್ಯೂಸ್‌.. ಮ್ಯಾಕ್ಸ್‌ ಬಳಿಕ ಮತ್ತೊಂದು ಬಿಗ್‌ ಬಜೆಟ್ ಸಿನಿಮಾದಲ್ಲಿ ಕಿಚ್ಚ !!

ಮಾತಿಗೆ ಮಾತು ಬೆಳೆದು ಚಾಲಕ ಮತ್ತು ಮೊಹಮ್ಮದ್ ನಡುವೆ ಜಗಳ ಶುರುವಾಗಿದೆ. ಇದನ್ನು ಕಂಡು ರವೀನಾ ಕಾರಿಂದ ಇಳಿದು ಬಂದಿದ್ದಾರೆ. ಇದರಿಂದ ಜಗಳ ಇನ್ನಷ್ಟು ತಾರಕಕ್ಕೇರಿದೆ. ಸಾರ್ವಜನಿಕರು ಮತ್ತು ಮೊಹಮ್ಮದ್ ಅವರ ಪ್ರಕಾರ, ರವೀನಾ ಟಂಡನ್‌ ಈ ವೇಳೆ ಕುಡಿದ ಮತ್ತಿನಲ್ಲಿದ್ದರು ಎಂದು  ಆರೋಪಿಸಲಾಗಿದೆ. ರವೀನಾ ಟಂಡನ್ ಮೊಹಮ್ಮದ್ ತಾಯಿಯ ಮೇಲೆ ಹಲ್ಲೆ ಮಾಡಿದ್ದಾರೆ ಎಂದು ಸಹ ಆರೋಪಿಸಲಾಗಿದೆ.