Real Star Upendra: ಸಂಕ್ರಾಂತಿ ಹಬ್ಬಕ್ಕೆ ರಿಯಲ್‍ `ಸ್ಟಾರ್ ಉಪ್ಪಿ` ನೀಡಲಿದ್ದಾರೆ `ಬಿಗ್ ಸರ್ಪ್ರೈಸ್ ಗಿಫ್ಟ್`..!

ಬೆಂಗಳೂರು: 'ಕಬ್ಜ'.. ರಿಯಲ್‍ ಸ್ಟಾರ್ ಉಪ್ಪಿ ಹಾಗೂ ಆರ್.ಚಂದ್ರು ಕಾಂಬಿನೇಷನ್‍ನಲ್ಲಿ ಮೂಡಿ ಬರುತ್ತಿರುವ ಸಿನಿಮಾ. ಈ ಚಿತ್ರ ಪ್ರಕಟವಾದಾಗಿನಿಂದಲೂ ಸ್ಯಾಂಡಲ್‍ವುಡ್‍ನಲ್ಲಿ ಬಿರುಗಾಳಿ ಎದ್ದಿದೆ. ಏಳು ಭಾಷೆಗಳಲ್ಲಿ ಸಿದ್ಧವಾಗುತ್ತಿರುವ ಈ ಅಪ್ಪಟ ಕನ್ನಡ ಮಣ್ಣಿ ಸಿನಿಮಾ ರಾಷ್ಟ್ರ ಮಟ್ಟದಲ್ಲಿ ಸದ್ದು ಮಾಡುತ್ತಿದೆ. ಈ ಚಿತ್ರದ ಮೂಲಕ ಉಪೇಂದ್ರ ಅವರು ಮತ್ತೆ ಕಮರ್ಷಿಯಲ್​ ಸಿನಿಮಾದತ್ತ ಮುಖ ಮಾಡಿದ್ದಾರೆ. ಈಗಾಗಲೇ ಚಿತ್ರತಂಡ ರಿಲೀಸ್​ ಮಾಡಿರುವ ಥೀಮ್​ ಪೋಸ್ಟರ್​, ಪೋಸ್ಟರ್​ ಹಾಗೂ ವಿಭಿನ್ನವಾದ ಫೋಟೋಶೂಟ್ ಸಿನಿ ದುನಿಯಾದಲ್ಲಿ ಸಖತ್​ ಸಂಚಲನ ಸೃಷ್ಟಿಸಿದೆ.

'ಕಬ್ಜ' ಚಿತ್ರದ ಫೋಟೋಶೂಟ್ ಮೇಕಿಂಗ್​ನಲ್ಲಿ ಅಂಡರ್​ ವರ್ಲ್ಡ್​ನ ಹೊಸ ದೃಷ್ಟಿಕೋನವನ್ನು ಬಿಚ್ಚಿಡಲಾಗಿತ್ತು. ಇದರಲ್ಲಿ ಉಪ್ಪಿ(Upendra)ಯ ವಿಭಿನ್ನ ಗೆಟಪ್ಪು... ಲುಕ್ಕು... ಕಂಡು ಚಿತ್ರಪ್ರೇಮಿಗಳು ಥ್ರಿಲ್ಲಾಗಿದ್ದರು. ಕೆಜಿಎಫ್​ ನಂತರ ಕನ್ನಡದಲ್ಲಿ ಭಾರೀ ಮಟ್ಟದಲ್ಲಿ ಸದ್ದು ಮಾಡಲಿರುವ ಸಿನಿಮಾ ಎಂದೇ ಹೇಳಲಾಗುತ್ತಿದೆ. ಇದರಿಂದಾಗಿ ಕಬ್ಜ ಚಿತ್ರದ ಬಗ್ಗೆ ಸಿನಿಪ್ರಿಯರಲ್ಲಿ ಸಾಕಷ್ಟು ಕುತೂಹಲವಿದೆ.

ಸಂಕ್ರಾಂತಿ ಹಬ್ಬಕ್ಕೆ ದೊಡ್ಡ ಸರ್ಪ್ರೈಸ್​ ಒಂದನ್ನು ಪ್ಲಾನ್​ ಮಾಡಿದ್ದು, ಹಬ್ಬದಂದು ಬೆಳಿಗ್ಗೆ 10ಕ್ಕೆ ತಿಳಿಯದಿದೆ. ಹೌದು, ಚಿತ್ರತಂಡ ಸರ್ಪ್ರೈಸ್​ ಏನೋ ಪ್ಲಾನ್​ ಮಾಡಿದೆ. ಆದರೆ ಅದು ಏನು ಅನ್ನೋದು ಮಾತ್ರ ಇನ್ನೂ ಬಹಿರಂಗವಾಗಿಲ್ಲ.

ಈ ಹಿಂದೆ “ಐ ಲವ್‌ ಯು’ ಚಿತ್ರವನ್ನು ಕನ್ನಡ ಹಾಗೂ ತೆಲುಗಿನಲ್ಲಷ್ಟೇ ಬಿಡುಗಡೆ ಮಾಡಿದ್ದ ಚಂದ್ರು, ಈ ಬಾರಿ ಬರೋಬ್ಬರಿ ಏಳು ಭಾಷೆಗಳಲ್ಲಿ ತಮ್ಮ ಹೊಸ ಸಿನಿಮಾವನ್ನು ಬಿಡುಗಡೆ ಮಾಡಲಿದ್ದಾರೆ. ಕನ್ನಡ, ತೆಲುಗು, ತಮಿಳು, ಮಲಯಾಳಂ, ಹಿಂದಿ, ಬೆಂಗಾಲಿ, ಮರಾಠಿ ಭಾಷೆಗಳಲ್ಲಿ ಈ ಚಿತ್ರವನ್ನು ಏಕಕಾಲಕ್ಕೆ ಬಿಡುಗಡೆಯಾಗಲಿದೆ. ಈ ಮೂಲಕ ಚಂದ್ರು ಪ್ಯಾನ್‌ ಇಂಡಿಯಾದತ್ತ ಮುಖ ಮಾಡಿದ್ದಾರೆ.