Kantara 100 days : ಹೋ... ಇದು ಬೆಳಕಲ್ಲ ʼ100 ದಿನʼದ ದರ್ಶನ..!

100 Days Of Kantara : ದಿ ಡಿವೈನ್‌ ಬ್ಲಾಕ್ಬಸ್ಟರ್‌ ಸಿನಿಮಾ ʼಕಾಂತಾರʼ ಇಂದಿಗೆ ಬರೋಬ್ಬರಿ 100 ದಿನಗಳನ್ನು ಪೂರೈಸಿದೆ. ಬಿಡುಗಡೆಯಾದ ಮೊದಲ ದಿನದಿಂದ ಅಬ್ಬರಿಸಲು ಪ್ರಾರಂಭಿಸಿದ ಕನ್ನಡಿಗನ ಸಿನಿಮಾ ದೇಶಾದ್ಯಂತ ಹಬ್ಬಿ ಚಿತ್ರಮಂದಿಗಳನ್ನು ದೇಗುಲವನ್ನಾಗಿಸಿತ್ತು. ಅಲ್ಲದೆ, ಗಡಿ ಮೀರಿ ಸಿನಿ ಪ್ರೇಮಿಗಳ ಮನಗೆದ್ದ ಚಿತ್ರಕ್ಕೆ ಭಾರತೀಯ ಸಿನಿರಂಗ ತಲೆಬಾಗಿತ್ತು. ಹಲವಾರು ದಾಖಲೆಗಳನ್ನು ಮೆಟ್ಟಿನಿಂತ ರಿಷಬ್‌ ಶೆಟ್ಟಿ ಸಿನಿಮಾ ಇಂದು ಶತದಿನವನ್ನು ಪೂರೈಸಿದೆ.

ಹೊಂಬಾಳೆ ಫಿಲಂಸ್‌ ಬ್ಯಾನರ್‌ ಅಡಿಯಲ್ಲಿ ವಿಜಯ್‌ ಕಿರಗಂದೂರು ನಿರ್ಮಾಣದ ಕಾಂತಾರ ಸಿನಿಮಾವನ್ನು ರಿಷಬ್‌ ಶೆಟ್ಟಿ ನಿರ್ದೇಶಿಸಿ ನಟಿಸಿದ್ದರು. ಕೇವಲ 16 ಕೋಟಿ ಬಜೆಟ್‌ನಲ್ಲಿ ನಿರ್ಮಾಣವಾಗಿದ್ದ ಈ ಚಿತ್ರ, ಸುಮಾರು ರೂ. 366 ಕೋಟಿಗೂ ಅಧಿಕ ಹಣ ಗಳಿಸುವ ಮೂಲಕ ಬಾಕ್ಸ್ ಆಫೀಸ್‌ನ್ನು ಪುಡಿ ಪುಡಿ ಮಾಡಿತ್ತು. ಮೊದಲು ಕನ್ನಡ ಭಾಷೆಯಲ್ಲಿ ಸೆಪ್ಟೆಂಬರ್‌ 30ರಂದು ಬಿಡುಗಡೆಯಾದ ʼಕಾಂತಾರʼಗೆ ಕರ್ನಾಟಕದಲ್ಲಿ ದೊಡ್ಡ ಮಟ್ಟದ ಗೆಲುವು ಸಿಕ್ಕಿತು. ನಂತರ ಭಾರತೀಯ ಸಿನಿರಸಿಕರು ಕನ್ನಡಿಗನ ಕರಾಮತ್ತಿಗೆ ಬಹುಪರಾಕ್‌ ಎಂದರು.

ಇದನ್ನೂ ಓದಿ: Veera Simha Reddy : ಸಿಂಹದ ಮುಂದೆ ಆಕ್ಟ್‌ ಮಾಡೋದು ಕಷ್ಟ.. ಜೈ ಬಾಲಯ್ಯ ಎಂದ ವಿಜಿ..!