ಕಾಂತಾರ-2 ಬರುವುದು ಪಕ್ಕಾ...! ನಿರ್ಮಾಪಕರು ಹೇಳಿದ್ದೇನು?

ಮುಂಬೈ: ರಿಷಬ್ ಶೆಟ್ಟಿ ಅವರ ಅವಧಿಯ ಆಕ್ಷನ್ ಥ್ರಿಲ್ಲರ್ ‘ಕಾಂತಾರ’ ಫ್ರಾಂಚೈಸ್ ಆಗಿ ಬದಲಾಗಲಿದೆ ಎಂದು ಚಿತ್ರದ ನಿರ್ಮಾಪಕರು ಖಚಿತಪಡಿಸಿದ್ದಾರೆ.

ಸೆಪ್ಟೆಂಬರ್ 30 ರಂದು ಥಿಯೇಟರ್‌ಗಳಲ್ಲಿ ಬಿಡುಗಡೆಯಾದ ನಂತರ ಈ ಚಿತ್ರಕ್ಕೆ ಬಾಕ್ಸ್ ಆಫೀಸ್ ನಲ್ಲಿ ಜಾಗತಿಕವಾಗಿ ಸದ್ದು ಮಾಡಿತು.ಕೇವಲ 16 ಕೋಟಿ ರೂ ನಿರ್ಮಾಣದಲ್ಲಿ ತಯಾರಾದ ಈ ಸಿನಿಮಾ ವಿಶ್ವದಾದ್ಯಂತ ಈ ಸಿನಿಮಾ ಇದುವರೆಗೂ ಸುಮಾರು 500 ಕೋಟಿ ರೂಪಾಯಿಗಳನ್ನು ಗಳಿಸಿದೆ. 

ಇದನ್ನೂ ಓದಿ : Sapthami Gowda: ಸಪ್ತಮಿ ಗೌಡಗೆ ಬಂತಂತೆ ಮದುವೆ ಪ್ರಪೋಸಲ್! ವರನ್ಯಾರು ಗೊತ್ತೇ?

ಹೊಂಬಾಳೆ ಫಿಲಂಸ್‌ನ ಸಂಸ್ಥಾಪಕ ವಿಜಯ್ ಕಿರಗಂದೂರು, ಬ್ಯಾನರ್ "ಕಾಂತಾರ" ಚಿತ್ರಕ್ಕೆ ಪ್ರತಿಕ್ರಿಯೆಯಿಂದ ಭಾವಪರವಶವಾಗಿದೆ ಮತ್ತು ಕಂಪನಿಯು ಶೀಘ್ರದಲ್ಲೇ ಇದರ ಎರಡನೇ ಭಾಗವನ್ನು ನಿರ್ಮಿಸುತ್ತದೆ ಎಂದು ಹೇಳಿದರು.

'ರಿಷಬ್ ಅವರ ಜೊತೆ ಇದನ್ನು ಸಿಕ್ವೆಲ್ ಮಾಡಬೇಕೋ ಅಥವಾ ಪ್ರಿಕ್ವೆಲ್ ಮಾಡಬೇಕೋ ಎನ್ನುವುದನ್ನು ಚರ್ಚಿಸುತ್ತೇವೆ.ಒಂದೆರೆಡು ತಿಂಗಳಲ್ಲಿಈ ಬಗ್ಗೆ ನಾವು ನಿರ್ಧರಿಸುತ್ತೇವೆ.ನಾವು ಖಂಡಿತವಾಗಿಯೂ 'ಕಾಂತಾರ 2' ಗಾಗಿ ಯೋಜನೆಗಳನ್ನು ಹೊಂದಿದ್ದೇವೆ, ಆದರೆ ಅದಕ್ಕೆ ಸಂಬಂಧಿಸಿದಂತೆ ಯಾವುದೇ ಟೈಮ್‌ಲೈನ್ ಇಲ್ಲ ಎಂದು ವಿಜಯ್ ಕಿರಗಂದೂರು ಅವರು ಪಿಟಿಐಗೆ ನೀಡಿದ ಸಂದರ್ಶನದಲ್ಲಿ ತಿಳಿಸಿದ್ದಾರೆ.

ಇದನ್ನೂ ಓದಿ : Rashmika: "ಅಪ್ಪು ಸರ್​ ಮಾತುಗಳು ನೆನಪಾಗ್ತಿವೆ" ಎಂದ ರಶ್ಮಿಕಾ ಮಂದಣ್ಣ

ಹೊಂಬಾಳೆ ಫಿಲಂಸ್ ಪಾಲುದಾರ ಚಲುವೇಗೌಡ ಅವರ ಪ್ರಕಾರ, ಭಾರತೀಯ ಸಮಾಜದಲ್ಲಿ ಪ್ರಚಲಿತದಲ್ಲಿರುವ ಆಳವಾದ ಬೇರೂರಿರುವ ಆಚರಣೆಗಳು ಮತ್ತು ನಂಬಿಕೆಗಳನ್ನು ಪ್ರದರ್ಶಿಸುವುದರಿಂದ ಪ್ರೇಕ್ಷಕರು ಚಲನಚಿತ್ರದೊಂದಿಗೆ ಹೆಚ್ಚು ಸಂಪರ್ಕ ಹೊಂದಿದ್ದಾರೆ.ಈ ಆಚರಣೆಗಳು ಪ್ರಪಂಚದಾದ್ಯಂತ ವಿಭಿನ್ನ ರೀತಿಯಲ್ಲಿವೆ. 'ಕಾಂತಾರ'ದಲ್ಲಿ ಏನಿತ್ತು, ಅದೇ ಕಥೆ ದೇಶದ ಯಾವುದೇ ಭಾಗದಲ್ಲೂ ನಡೆಯಬಹುದು 'ಎಂದು ಅವರು ಹೇಳಿದ್ದಾರೆ.