Sai Pallavi: ನ್ಯಾಚುರಲ್‌ ಬ್ಯೂಟಿ ಸಾಯಿ ಪಲ್ಲವಿ ಎಷ್ಟು ಕೋಟಿ ಆಸ್ತಿಯ ಒಡತಿ ಗೊತ್ತಾ?

Sai Pallavi Net Worth: ಜಾರ್ಜಿಯಾದಲ್ಲಿ ವೈದ್ಯಕೀಯ ಶಿಕ್ಷಣ ಮುಗಿಸಿದ ಸಾಯಿ ಪಲ್ಲವಿ ಮಲಯಾಳಂನ ಪ್ರೇಮಂ ಚಿತ್ರದಲ್ಲಿ ನಟಿಸಿದ್ದರು. ಕೋತಗಿರಿಯವರೇ ಆದರೂ ಅವರನ್ನು ನಾಯಕಿಯನ್ನಾಗಿ ಮಾಡಿದ್ದು ಮಲಯಾಳಂ ಚಿತ್ರರಂಗ. 

ಮಲಯಾಳಂನಲ್ಲಿ ಅವರ ಮೊದಲ ಚಿತ್ರ ಪ್ರೇಮಂ ದೊಡ್ಡ ಹಿಟ್ ಆಗಿತ್ತು. ಅದಕ್ಕೆ ಸಾಯಿ ಪಲ್ಲವಿ ಕೂಡ ಪ್ರಮುಖ ಕಾರಣ. ಆ ಚಿತ್ರದಲ್ಲಿ ಟೀಚರ್ ಪಾತ್ರ ಅಭಿಮಾನಿಗಳ ಮನದಲ್ಲಿ ಸ್ಥಾನ ಗಳಿಸಿತ್ತು. ಸಾಯಿ ಪಲ್ಲವಿ ಮೊದಲ ಚಿತ್ರದಲ್ಲೇ ಇಂತಹ ರಿಯಲಿಸ್ಟಿಕ್ ನಟನೆ ತೋರಿ ಟ್ರೆಂಡ್ ಆದರು.

ಪ್ರೇಮಂ ಚಿತ್ರದ ಯಶಸ್ಸಿನ ನಂತರ ಸಾಯಿ ಪಲ್ಲವಿ ತೆಲುಗು ಚಿತ್ರರಂಗಕ್ಕೆ ಕಾಲಿಟ್ಟು.. ಫಿದಾ, ಲವ್ ಸ್ಟೋರಿ, ಶ್ಯಾಮ್ ಸಿಂಹ ರಾಯ್ ಮುಂತಾದ ಸೂಪರ್ ಹಿಟ್ ಚಿತ್ರಗಳಲ್ಲಿ ನಟಿಸಿದರು. ಇದಾದ ನಂತರ ಸಾಯಿ ಪಲ್ಲವಿ ಎಎಲ್ ವಿಜಯ್ ನಿರ್ದೇಶನದ ದಿಯಾ ಚಿತ್ರದ ಮೂಲಕ ತಮಿಳು ಚಿತ್ರರಂಗಕ್ಕೆ ನಾಯಕಿಯಾಗಿ ಕಾಲಿಟ್ಟರು.

ನಂತರ ಅವರು ತಮಿಳು ಚಿತ್ರ ಮಾರಿ 2 ನಲ್ಲಿ ಧನುಷ್ ಜೊತೆ ನಟಿಸಿದರು. ಚಿತ್ರ ದೊಡ್ಡ ಮಟ್ಟದಲ್ಲಿ ಹಿಟ್ ಆಗದಿದ್ದರೂ, ಧನುಷ್ ಜೊತೆಗೆ ರೆಡಿ ಬೇಬಿ ಹಾಡಿಗೆ ಸಾಯಿ ಪಲ್ಲವಿ ಮತ್ತೊಂದು ಮಟ್ಟದಲ್ಲಿ ಹಿಟ್ ಆದರು.. ಈ ಸಾಂಗ್ ಯೂಟ್ಯೂಬ್‌ನಲ್ಲಿ ಲಕ್ಷಾಂತರ ವೀಕ್ಷಣೆಗಳನ್ನು ಹೊಂದಿದ್ದು ಇಂದಿಗೂ ಟ್ರೆಂಡಿಂಗ್‌ನಲ್ಲಿದೆ.

ಮಾರಿ 2 ನಂತರ, ಸೂರ್ಯ ಎದುರು ಜೋಡಿಯಾಗಿ NGK ಚಿತ್ರದಲ್ಲಿ ನಟಿಸಿದ್ದಾರೆ. ಸೆಲ್ವರಾಘವನ್ ನಿರ್ದೇಶನದ ಈ ಚಿತ್ರವೂ ಫ್ಲಾಪ್ ಆದ ಕಾರಣ ಕಮರ್ಷಿಯಲ್ ಚಿತ್ರಗಳಿಗೆ ಗುಡ್ ಬೈ ಹೇಳಿ ಕಥೆಯ ನಾಯಕಿಯಾಗಿ ನಟಿಸಲು ಆರಂಭಿಸಿದ್ದಾರೆ. ಆ ನಂತರ ಅವರು ನಟಿಸಿದ ಗಾರ್ಗಿ ಚಿತ್ರ ಬ್ಲಾಕ್ ಬಸ್ಟರ್ ಹಿಟ್ ಆಯಿತು.

ಇದನ್ನೂ ಓದಿ-ಸ್ಟಾರ್‌ ನಟಿ ಅಗ್ಬೇಕು ಅಂದ್ರೆ, ಈ ಮೂವರ ರೂಮ್‌ಗೆ ಹೋಗ್ಬೇಕು : ರಮ್ಯಾಕೃಷ್ಣ ಶಾಕಿಂಗ್‌ ಹೇಳಿಕೆ

ಗಾರ್ಗಿ ಚಿತ್ರದ ಯಶಸ್ಸಿನ ನಂತರ, ನಟಿ ಸಾಯಿ ಪಲ್ಲವಿ ಪ್ರಸ್ತುತ ಅಮರನ್ ಚಿತ್ರದ ಮೇಕಿಂಗ್ ನಲ್ಲಿದ್ದಾರೆ. ಚಿತ್ರವನ್ನು ರಾಜ್‌ಕುಮಾರ್ ಪೆರಿಯಸಾಮಿ ನಿರ್ದೇಶಿಸಿದ್ದಾರೆ. ರಾಜಕಮಲ್ ಕಂಪನಿ ಅಡಿಯಲ್ಲಿ ಕಮಲ್ ಹಾಸನ್ ನಿರ್ಮಿಸುತ್ತಿರುವ ಚಿತ್ರದಲ್ಲಿ ನಟ ಶಿವಕಾರ್ತಿಕೇಯನ್ ಎದುರು ಸಾಯಿ ಪಲ್ಲವಿ ನಟಿಸುತ್ತಿದ್ದಾರೆ.

ದಕ್ಷಿಣ ಭಾರತದ ಚಿತ್ರರಂಗದಲ್ಲಿ ಸದ್ದು ಮಾಡುತ್ತಿರುವ ನಟಿ ಸಾಯಿ ಪಲ್ಲವಿ ಇದೀಗ ಬಾಲಿವುಡ್‌ಗೆ ಎಂಟ್ರಿ ಕೊಟ್ಟಿದ್ದಾರೆ. ಅಮೀರ್ ಖಾನ್ ಪುತ್ರನ ಎದುರು ನಟಿಸುತ್ತಿರುವ ಸಾಯಿ ಪಲ್ಲವಿ ಇತ್ತೀಚೆಗಷ್ಟೇ ರಾಮಾಯಣ ಎಂಬ ಭವ್ಯ ಸಿನಿಮಾದಲ್ಲಿ ನಟಿಸಲು ಕಮಿಟ್ ಆಗಿದ್ದಾರೆ. ಚಿತ್ರದಲ್ಲಿ ರಣಬೀರ್ ಕಪೂರ್ ಜೊತೆ ನಟಿಸಿದ್ದಾರೆ. 

ಇದನ್ನೂ ಓದಿ-Aishwarya Rai ಜೊತೆಗೆ ಡೇಟ್ ಮಾಡುತ್ತಿದ್ದಾಗ, ಈ ನಟಿಗೆ ಮದುವೆಗಾಗಿ ಪ್ರಪೋಸ್ ಮಾಡಿದ್ದರಂತೆ Salman Khan!

ಕಳೆದ ವರ್ಷದವರೆಗೂ ಚಿತ್ರವೊಂದಕ್ಕೆ 3 ಕೋಟಿ ರೂ.ವರೆಗೆ ಸಂಭಾವನೆ ಪಡೆಯುತ್ತಿದ್ದ ಸಾಯಿ ಪಲ್ಲವಿ ಇದೀಗ ಬಾಲಿವುಡ್ ಗೆ ಹೋದ ಬಳಿಕ ತಮ್ಮ ಸಂಭಾವನೆಯನ್ನು ದುಪ್ಪಟ್ಟು ಮಾಡಿಕೊಂಡಿದ್ದಾರೆ. ಬಾಲಿವುಡ್ ನಲ್ಲಿ ನಿರ್ಮಾಣವಾಗುತ್ತಿರುವ ರಾಮಾಯಣದಲ್ಲಿ ಸೀತೆಯ ಪಾತ್ರ ಮಾಡಲು ಸಾಯಿ ಪಲ್ಲವಿ 6 ಕೋಟಿ ಸಂಭಾವನೆ ಪಡೆದಿದ್ದಾರೆ.

ಸಾಮಾನ್ಯವಾಗಿ ನಟಿಯರು ಸಿನಿಮಾವನ್ನು ಮೀರಿ ಜಾಹೀರಾತುಗಳಲ್ಲಿ ನಟಿಸಿ ಕೋಟಿಗಟ್ಟಲೆ ಸಂಪಾದಿಸುತ್ತಾರೆ ಆದರೆ ಸಾಯಿ ಪಲ್ಲವಿ ಸ್ವಲ್ಪ ಭಿನ್ನ. ಬ್ಯೂಟಿ ಕ್ರೀಂಗಾಗಿ ನಟಿಸಲು ಆಹ್ವಾನಿಸಿ ಕೋಟಿಗಟ್ಟಲೆ ಹಣ ಕೊಡುವುದಾಗಿ ಆಮಿಷ ಒಡ್ಡಿದ್ದರು. ಆದರೆ ಸಾಯಿ ಪಲ್ಲವಿ ಎಷ್ಟೇ ಕೋಟಿ ಕೊಟ್ಟರೂ ಇಂತಹ ಜಾಹೀರಾತುಗಳಲ್ಲಿ ನಟಿಸುವುದಿಲ್ಲ ಎಂದಿದ್ದಾರೆ.

ನಟಿ ಸಾಯಿ ಪಲ್ಲವಿ ಇಂದು ತಮ್ಮ 32ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಅವರಿಗೆ ಶುಭಾಷಯಗಳ ಮಹಾಪೂರವೇ ಹರಿದು ಬಂದಿದೆ. ಈ ಹಿನ್ನೆಲೆಯಲ್ಲಿ ಅವರ ಆಸ್ತಿ ಮೌಲ್ಯದ ವಿವರಗಳನ್ನು ಬಿಡುಗಡೆ ಮಾಡಲಾಗಿದೆ. ಅದರಂತೆ ನಟಿ ಸಾಯಿ ಪಲ್ಲವಿ ಅವರ ಆಸ್ತಿ ಮೌಲ್ಯ ರೂ.40ರಿಂದ ರೂ.50 ಕೋಟಿ ಇರಲಿದೆ ಎನ್ನಲಾಗಿದೆ. ಅವರು ಕೋಟಗಿರಿಯಲ್ಲಿ ಐಷಾರಾಮಿ ಬಂಗಲೆ ಹೊಂದಿದ್ದಾರೆ. ಇದಲ್ಲದೇ ಸಾಯಿ ಪಲ್ಲವಿ ಹಲವು ಐಷಾರಾಮಿ ಕಾರುಗಳನ್ನು ಹೊಂದಿದ್ದಾರೆ.