Salaar Collection Day 1: `ಸಲಾರ್` ಬಿಗ್‌ ರೆಕಾರ್ಡ್‌, ಮೊದಲ ದಿನವೇ ಹಲವು ದಾಖಲೆ ಮುರಿದ ಪ್ರಭಾಸ್‌ ಸಿನಿಮಾ

Salaar Box Office Collection Day 1: ಪ್ರಶಾಂತ್‌ ನೀಲ್‌ ನಿರ್ದೇಶನದ ಪ್ರಭಾಸ್‌ ಅಭಿನಯದ ಬಹುನಿರೀಕ್ಷಿತ ಸಿನಿಮಾ ಸಲಾರ್‌ ಡಿಸೆಂಬರ್ 22 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದೆ. ಪ್ರಭಾಸ್ ಅಭಿನಯದ ಈ ಚಿತ್ರಕ್ಕೆ ಮೊದಲ ದಿನವೇ ಪ್ರೇಕ್ಷಕರಿಂದ ಅದ್ಭುತ ಪ್ರತಿಕ್ರಿಯೆ ಸಿಕ್ಕಿತು. ಸಲಾರ್‌ ಸಿನಿಮಾ ವೀಕ್ಷಿಸಲು ಪ್ರೇಕ್ಷಕರು ಚಿತ್ರಮಂದಿರಗಳಲ್ಲಿ ಜಮಾಯಿಸಿದರು. ಆರಂಭದ ದಿನವೇ ‘ಸಲಾರ್’ ಗಲ್ಲಾಪೆಟ್ಟಿಗೆಯಲ್ಲಿ ದಾಖಲೆ ಬರೆದಿದೆ. ‌ .

ಪ್ರಭಾಸ್ 'ಸಲಾರ್' ಮೂಲಕ ಬಹುದಿನಗಳ ನಂತರ ಮತ್ತೊಂದು ಸೂಪರ್‌ ಹಿಟ್‌ ಪಡೆಯುವ ನಿರೀಕ್ಷೆಯಲ್ಲಿದ್ದಾರೆ. ಪ್ರೇಕ್ಷಕರು ಈ ನಟನ ಚಿತ್ರವನ್ನು ಮುಕ್ತಕಂಠದಿಂದ ಸ್ವಾಗತಿಸಿದರು. ಪ್ರಶಾಂತ್ ನೀಲ್ ನಿರ್ದೇಶನದ ಚಿತ್ರವು ಸಾಮಾಜಿಕ ಮಾಧ್ಯಮದಲ್ಲಿ ಹೆಚ್ಚು ಪ್ರಶಂಸೆ ಗಳಿಸಿದೆ. ಸಲಾರ್ ಬಿಡುಗಡೆಯಾದ ಮೊದಲ ದಿನವೇ ಸಿಕ್ಕಾಪಟ್ಟೆ ಕಲೆಕ್ಷನ್‌ ಮಾಡಿದೆ. 

ಇದನ್ನೂ ಓದಿ: ಸಲಾರ್ ಸಿನಿಮಾಗೆ ಪ್ರಭಾಸ್ ಪಡೆದ ಸಂಭಾವನೆ ಎಷ್ಟು ಕೋಟಿ ಗೊತ್ತೇ!

ಬಾಕ್ಸಾಫೀಸ್‌ನಲ್ಲಿ ಶಾರುಖ್‌ ನಟನೆಯ ಡಂಕಿ ಎದುರು ಸಲಾರ್‌ ಮುನ್ನಡೆ ಸಾಧಿಸಿದೆ. ಪಠಾಣ್‌, ಜವಾನ್‌ ಸೇರಿದಂತೆ ಹಲವು ಚಿತ್ರಗಳ ದಾಖಲೆಗಳನ್ನು ಸಲಾರ್ ಉಡೀಸ್‌ ಮಾಡಿದೆ. ಬಿಡುಗಡೆಯಾದ ಮೊದಲ ದಿನವೇ ಸಲಾರ್‌ 95 ಕೋಟಿ ರೂ. ಕಲೆ ಹಾಕಿದೆ. ಇದರೊಂದಿಗೆ ಪ್ರಭಾಸ್ ಚಿತ್ರವು ಈ ವರ್ಷದ ಅತಿ ದೊಡ್ಡ ಓಪನರ್ ಎಂಬ ಬಿರುದು ಪಡೆದಿದೆ. 

ಪ್ಯಾನ್ ಇಂಡಿಯಾ ಚಿತ್ರ 'ಸಲಾರ್' ಅನ್ನು ಪ್ರಶಾಂತ್ ನೀಲ್ ನಿರ್ದೇಶಿಸಿದ್ದಾರೆ. ಪ್ರಭಾಸ್, ಪೃಥ್ವಿರಾಜ್ ಸುಕುಮಾರನ್ ಮತ್ತು ಶ್ರುತಿ ಹಾಸನ್, ಜಗಪತಿ ಬಾಬು ರೆಡ್ಡಿ ಸೇರಿದಂತೆ ಅನೇಕ ನಟರು ಈ ಚಿತ್ರದಲ್ಲಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

ಇದನ್ನೂ ಓದಿ: Salaar Leaked: ಸಲಾರ್ ತಂಡಕ್ಕೆ ಬಿಗ್‌ ಶಾಕ್.. ಫುಲ್‌ ಸಿನಿಮಾ HD ಪ್ರಿಂಟ್ ಆನ್‌ಲೈನ್‌ನಲ್ಲಿ ಲೀಕ್‌!