ʼಸಲಾರ್‌ʼ ಟೀಸರ್‌ ರಿಲೀಸ್‌ ಟೈಮ್‌, ರಾಕಿಭಾಯ್ ಮೇಲೆ ದಾಳಿ ನಡೆದ ಸಮಯ ಒಂದೇ..! ಏನಿದರ ರಹಸ್ಯ

Salaar Teaser : ಕೆಜಿಎಫ್ ನಿರ್ದೇಶಕ ಪ್ರಶಾಂತ್ ನೀಲ್ ಮತ್ತು ಪ್ರಭಾಸ್ ನಾಯಕನಾಗಿ ನಟಿಸಿರುವ ಸಾಲಾರ್ ಟೀಸರ್‌ ಇನ್ನೇನು ಕೆಲವೇ ಗಂಟೆಗಳಲ್ಲಿ ಬಿಡುಗಡೆಯಾಗಲಿದ್ದು, ಎಲ್ಲೆಡೆ ಕುತೂಹಲ ಹೆಚ್ಚಾಗುತ್ತಿದೆ. ಕಂಪ್ಲೀಟ್ ಔಟ್ ಅಂಡ್ ಔಟ್ ಆಕ್ಷನ್ ಎಂಟರ್ ಟೈನರ್ ಆಗಿ ಹೊರಹೊಮ್ಮಲಿರುವ ಸಲಾರ್ ಸಿನಿಮಾ ಪ್ರಭಾಸ್‌ಗೆ ಪರ್ಫೆಕ್ಟ್ ಸೂಟ್ ಆಗಲಿದೆ ಎಂಬ ನಿರೀಕ್ಷೆ ಇದೆ. ಹಾಗಾಗಿಯೇ ಸಲಾರ್ ಸಿನಿಮಾದ ಮೇಲಿನ ನಿರೀಕ್ಷೆ ಏಕಾಏಕಿ ಹೆಚ್ಚಿದೆ. 

ಹೌದು.. ಸಲಾರ್ ಚಿತ್ರದ ಟೀಸರ್ ಕೆಲವೇ ಗಂಟೆಗಳಲ್ಲಿ ಅಂದ್ರೆ ಜುಲೈ 6 ರಂದು ಬೆಳಿಗ್ಗೆ 5.12 ಕ್ಕೆ ಬಿಡುಗಡೆಯಾಗಲಿದೆ. ಸಲಾರ್ ಟೀಸರ್ ಬಿಡುಗಡೆ ಸಮಯ ಈಗ ವೈರಲ್ ಆಗುತ್ತಿದೆ. ಈ ಸಿನಿಮಾ ಟೀಸರ್‌ ಬಿಡುಗಡೆಯಾಗುವ ಸಮಯ ಕೆಜಿಎಫ್‌ಗೆ ಸಂಬಂಧಿಸಿದ್ದಾ ಎಂಬ ಶಂಕೆ ವ್ಯಕ್ತವಾಗುತ್ತಿದೆ.

ಇದನ್ನೂ ಓದಿ: ಹಸೆಮಣೆ ಏರುವ ಹೊತ್ತಿನಲ್ಲಿ ಹಾಟ್‌ ಫೋಟೋಸ್‌ ಹಂಚಿಕೊಂಡ ಹರ್ಷಿಕಾ..! ಫೋಟೋಸ್‌ ನೋಡಿ

ಏಕೆಂದರೆ ಕೆಜಿಎಫ್ 2ರಲ್ಲಿ ರಾಕಿಭಾಯ್ ಮೇಲೆ ದಾಳಿ ನಡೆದ ಸಮಯವೂ ಬೆಳಗ್ಗೆ 5.12 ಆಗಿತ್ತು. ಸದ್ಯ ಅದೇ ಸಮಯಕ್ಕೆ ಸಲಾರ್‌ ಟೀಸರ್‌ ರಿಲೀಸ್‌ ಆಗಲಿದ್ದು, ಚರ್ಚೆಗೆ ಕಾರಣವಾಗಿದೆ. ಸಲಾರ್ ಚಿತ್ರದ ನಿರ್ಮಾಪಕ ಕಾರ್ತಿಕ್ ಗೌಡ್ ಟ್ವೀಟ್ ಪ್ರಕಾರ ಸಲಾರ್ ಚಿತ್ರಕ್ಕೂ ಕೆಜಿಎಫ್ ಗೂ ಲಿಂಕ್ ಇರುವುದು ಬಹುತೇಕ ಖಚಿತವಾಗಿದೆ.

ಇನ್ನು ಕೆಲವೇ ಗಂಟೆಗಳಲ್ಲಿ ಬಿಡುಗಡೆಯಾಗಲಿರುವ ಸಲಾರ್ ಚಿತ್ರದ ಟೀಸರ್ ಮೇಲೆ ಎಲ್ಲರ ಕಣ್ಣು ನೆಟ್ಟಿದೆ. ಸಲಾರ್ ಟೀಸರ್ ಯಾವ ರೀತಿಯ ಸೆನ್ಸೇಷನ್ ಕ್ರಿಯೇಟ್ ಮಾಡಲಿದೆ ಎಂಬ ಕುತೂಹಲ, ಉತ್ಸಾಹ ಹೆಚ್ಚಾಗುತ್ತಿದೆ. ಟೀಸರ್‌ ನೋಡಿ ಸಲಾರ್ ಚಿತ್ರವನ್ನು ಊಹಿಸಬಹುದು ಎನ್ನುತ್ತಾರೆ ಚಿತ್ರ ವಿಶ್ಲೇಷಕರು.