Salar: ಸಲಾರ್ ಚಿತ್ರದ ನಾಯಕ ಯಶ್! ಟ್ರೈಲರ್ ನಲ್ಲಿ ಆ ದೃಶ್ಯವನ್ನು ಗಮನಿಸಿದ್ದೀರಾ..?

Salar: ಪ್ರಶಾಂತ್ ನೀಲ್ ನಿರ್ದೇಶನದ ಮತ್ತು ಪ್ರಭಾಸ್ ನಾಯಕನಾಗಿ ನಟಿಸಿರುವ ಸಲಾರ್ ಭಾಗ 1 ನಿರೀಕ್ಷೆ ಹೆಚ್ಚಿಸಿದೆ.. ಪೃಥ್ವಿರಾಜ್ ಸುಕುಮಾರನ್, ಶ್ರುತಿ ಹಾಸನ್, ಜಗಪತಿ ಬಾಬು ಮುಖ್ಯ ಪಾತ್ರಧಾರಿಯಾಗಿರುವ ಈ ಚಿತ್ರ ಡಿಸೆಂಬರ್ 22 ರಂದು ಬಿಡುಗಡೆಯಾಗಲಿದೆ. 

ಇನ್ನು ಈಗಾಗಲೇ ಟ್ರೇಲರ್ ರಿಲೀಸ್ ಮಾಡಿರುವ ಮೇಕರ್ಸ್ ಇತ್ತೀಚೆಗಷ್ಟೇ ಫುಲ್ ಆಕ್ಷನ್ ಕಟ್ ಹೇಳಿರುವ ಮತ್ತೊಂದು ಟ್ರೈಲರ್ ಅನ್ನು ಪ್ರೇಕ್ಷಕರ ಮುಂದೆ ತಂದಿದ್ದಾರೆ. ಈ ಟ್ರೈಲರ್ ಅಭಿಮಾನಿಗಳಿಗೆ ಫುಲ್ ಕಿಕ್ ನೀಡಿದ್ದು.. ಸಿನಿ ಪ್ರೇಮಿಗಳು ಚಿತ್ರದ ಬಗ್ಗೆ ಭಾರೀ ಕುತೂಹಲ ಹೊಂದಿದ್ದಾರೆ.. 

ಇದನ್ನೂ ಓದಿ-ಸಲಾರ್ ಬಜೆಟ್ 400 ಕೋಟಿ.. ಆದ್ರೆ ಪ್ರಭಾಸ್‌, ಶ್ರುತಿ ಹಾಸನ್‌ ಪಡೆದ ಸಂಭಾವನೆ ಎಷ್ಟು ಗೊತ್ತಾ?

ಇದೇ ವೇಳೆ ಕೆಲ ಅಭಿಮಾನಿಗಳು ಈ ಟ್ರೇಲರ್ ನಲ್ಲಿ ಏನನ್ನೋ ಗಮನಿಸಿದ್ದಾರೆ. ಟ್ರೈಲರ್‌ನಲ್ಲಿನ ಒಂದು ದೃಶ್ಯದಲ್ಲಿ, ಒಬ್ಬ ವ್ಯಕ್ತಿಯನ್ನು ಬ್ಯಾಕ್ ಶಾಟ್‌ನಿಂದ ತೋರಿಸಲಾಗಿದೆ. ಆ ಕಟೌಟ್ ನೋಡಿದರೆ ಯಶ್ ಅವರಂತೆ ಕಾಣುತ್ತಿದೆ. ಈ ಬ್ಯಾಕ್ ಶಾಟ್ ಅನ್ನು ಕೆಜಿಎಫ್ ನಲ್ಲಿ ಯಶ್ ಅವರ ಬ್ಯಾಕ್ ಶಾಟ್ ಗೆ ಹೋಲಿಸಿ ಅಭಿಮಾನಿಗಳು ವೈರಲ್ ಮಾಡುತ್ತಿದ್ದಾರೆ. ಈ ಪೋಸ್ಟ್ ಗಳನ್ನು ನೋಡಿದ ಚಿತ್ರಪ್ರೇಮಿಗಳು.. ಯಶ್ ನಿಜವಾಗಿಯೂ ಈ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರಾ? ಎಂದು ಪ್ರಶ್ನಿಸುತ್ತಿದ್ದಾರೆ.. ಆದರೆ ಕೆಜಿಎಫ್ ಮತ್ತು ಸಲಾರ್ ನಡುವೆ ಯಾವುದೇ ಸಂಬಂಧವಿಲ್ಲ ಎಂದು ಪ್ರಶಾಂತ್ ನೀಲ್ ಇತ್ತೀಚೆಗೆ ಖಚಿತಪಡಿಸಿದ್ದಾರೆ..

ಯಶ್ ಸಲಾರ್ ಸಿನಿಮಾದಲ್ಲಿ ಕಾಣಿಸಿಕೊಳ್ಳಬೇಕಾದರೆ ರಾಕಿ ಭಾಯ್ ಆಗಿ ಕಾಣಿಸಿಕೊಳ್ಳುತ್ತಾರಾ? ಅಥವಾ ಮತ್ತೊಂದು ಹೊಸ ಪಾತ್ರದಲ್ಲಿ ಯಶ್ ಸಲಾರ್ ವರ್ಲ್ಡ್ ಗೆ ಸಂಬಂಧಿಸಿದ ಹೊಸ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಾರಾ ಎನ್ನುವ ಕುತೂಹಲ ಅಭಿಮಾನಿಗಳಲ್ಲಿದೆ..   ಇತ್ತೀಚೆಗಷ್ಟೇ ಕೆಜಿಎಫ್ ಮತ್ತು ಸಲಾರ್ ನಡುವೆ ಯಾವುದೇ ಸಂಬಂಧವಿಲ್ಲ ಎಂದು ಪ್ರಶಾಂತ್ ನೀಲ್ ಹೇಳಿದ್ದರು.. ಆದರೆ ಸಲಾರ್ ಚಿತ್ರದಲ್ಲಿ ಯಶ್ ಇಲ್ಲ ಎಂದು ಹೇಳಲಿಲ್ಲ. ಪ್ರಸ್ತುತ ಈ ಅನುಮಾನಗಳೇ ಪ್ರಶ್ನೆಗಳಾಗಿವೆ. ಇವೆಲ್ಲದಕ್ಕೂ ಉತ್ತರ ಬೇಕಾದರೆ ಡಿಸೆಂಬರ್ 22ಕ್ಕೆ ಸಿನಿಮಾ ರಿಲೀಸ್ ಆಗೋವರೆಗೂ ಕಾಯಲೇಬೇಕು.