Video: ಕೂತಲ್ಲಿಂದ ಮೇಲೇಳಲು ಹರಸಾಹಸ ಪಟ್ಟ ಸಲ್ಮಾನ್‌ ಖಾನ್‌! ವಿಡಿಯೋ ನೋಡಿ ಬೇಸರಗೊಂಡ ಫ್ಯಾನ್ಸ್‌

Salman Khan viral Video: ಬಾಲಿವುಡ್ ನ ಭಾಯಿಜಾನ್ ಸಲ್ಮಾನ್ ಖಾನ್ ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ. ಸಲ್ಮಾನ್ ಖಾನ್ ಯುವಕರು ಮಾತ್ರವಲ್ಲದೆ ಯುವತಿಯರಲ್ಲಿಯೂ ತುಂಬಾ ಜನಪ್ರಿಯರಾಗಿದ್ದಾರೆ. ಸಲ್ಲು ಭಾಯ್‌ ಎಂದರೆ ಇಂದಿಗೂ ಕೂಡ ಯುವತಿಯರು ಹುಚ್ಚದ್ದು ಕುಣಿಯುತ್ತಾರೆ. ಆದರೆ ಇದೀಗ ಸಲ್ಮಾನ್ ಖಾನ್ ಅವರ ವಿಡಿಯೋವೊಂದು ಹೊರಬಿದ್ದಿದ್ದು, ಈ ದೃಶ್ಯ ನೋಡಿ ಅಭಿಮಾನಿಗಳು ಗಾಬರಿಗೊಂಡಿದ್ದಾರೆ.

ಆಗಸ್ಟ್ 28 ರಂದು, ಸಲ್ಮಾನ್ ಖಾನ್ ಅವರ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿತ್ತು. ವಿಡಿಯೋ ನೋಡಿದ ತಕ್ಷಣ ಅಭಿಮಾನಿಗಳು ಆತಂಕ ವ್ಯಕ್ತಪಡಿಸಿದ್ದಾರೆ. ಕಾರ್ಯಕ್ರಮವೊಂದಕ್ಕೆ ಹಾಜರಾಗಿದ್ದ ಸಲ್ಮಾನ್ ಖಾನ್ ಸೋಫಾದಲ್ಲಿ ಕುಳಿತಿದ್ದಾರೆ. ಆದರೆ, ಅವರು ಸೋಫಾದಿಂದ ಎದ್ದೇಳಲು ಕಷ್ಟಪಡುತ್ತಿರುವುದು ಕಂಡುಬಂದಿದೆ. ಸಲ್ಮಾನ್ ಖಾನ್ ಅವರ ಈ ಸ್ಥಿತಿಯನ್ನು ನೋಡಿ ಅಭಿಮಾನಿಗಳು ವಿವಿಧ ರೀತಿಯಲ್ಲಿ ಪ್ರತಿಕ್ರಿಯಿಸುತ್ತಿದ್ದಾರೆ. 

ನಟಿ ಸೋನಾಲಿ ಬೇಂದ್ರೆ ಕಾಣಿಸಿಕೊಂಡಾಗ ಸೋಫಾದಲ್ಲಿ ಕುಳಿತಿದ್ದ ಸಲ್ಮಾನ್ ಖಾನ್ ಎದ್ದು ನಿಲ್ಲಲು ಪ್ರಯತ್ನಿಸುತ್ತಾರೆ. ಆದರೆ, ಅವರ ಕೈಯಿಂದ ಸುಲಭವಾಗಿ ಮೇಲೇಳಲು ಸಾಧ್ಯವಾಗುವುದಿಲ್ಲ.  ಈ ವಿಡಿಯೋ ನೋಡಿದ ಅಭಿಮಾನಿಗಳು ಸಲ್ಮಾನ್ ಆರೋಗ್ಯದ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದಾರೆ. 

View this post on Instagram

A post shared by Viral Bhayani (@viralbhayani)

ಒಬ್ಬ ಬಳಕೆದಾರ, 'ಓ ಮೈ ಗಾಡ್...ನಮ್ಮ ಮೆಚ್ಚಿನ ವಜ್ರಕ್ಕೆ ವಯಸ್ಸಾಗುತ್ತಿದೆ..' ಎಂದು ಕಾಮೆಂಟ್‌ ಮಾಡಿದರೆ, ಮೊತ್ತಬ್ಬರು "ನಮ್ಮ ಬಾಲ್ಯದ ನೆಚ್ಚಿನ ನಟನಿಗೆ ವಯಸ್ಸಾಗುತ್ತಿದೆ ಮತ್ತು ನಮಗೂ ವಯಸ್ಸಾಗುತ್ತಿದೆ ... ಎಲ್ಲವೂ ಶಾಶ್ವತವಲ್ಲ ಎಂದು ನೆನಪಿಡಿ." ಎಂದು ಬರೆದಿದ್ದಾರೆ.

ಸಲ್ಮಾನ್ ಖಾನ್ ‘ಬಚ್ಚೆ ಬೋಲೆ ಮೋರಿಯಾ’ ಕಾರ್ಯಕ್ರಮದಲ್ಲಿ ಕಾಣಿಸಿಕೊಂಡಿದ್ದರು. ಗಣೇಶೋತ್ಸವ ಆಚರಿಸುವ ಸಂದರ್ಭದಲ್ಲಿ ಪ್ರತಿಯೊಬ್ಬರು ಮನೆಯಲ್ಲಿ ಪರಿಸರ ಸ್ನೇಹಿ ಗಣೇಶ ಮೂರ್ತಿ ತಂದು ಪರಿಸರ ಸ್ನೇಹಿ ಗಣೇಶೋತ್ಸವ ಆಚರಿಸುವಂತೆ ಮನವಿ ಮಾಡಿದರು. ಈ ಸಂದರ್ಭದಲ್ಲಿ ಮಹಾರಾಷ್ಟ್ರ ಉಪಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್ ಅವರ ಪತ್ನಿ ಅಮೃತಾ ಫಡ್ನವೀಸ್ ಕೂಡ ಉಪಸ್ಥಿತರಿದ್ದರು. ಇದಲ್ಲದೇ ಮುಂಬೈ ಮುನ್ಸಿಪಲ್ ಕಮಿಷನರ್ ಮತ್ತು ಮುಂಬೈ ಪೊಲೀಸ್ ಕಮಿಷನರ್ ಕೂಡ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಈ ಸಂದರ್ಭದ ವಿಡಿಯೋ ಇದೀಗ ವೈರಲ್‌ ಅಗಿದೆ.