Jawan trailer : ನ್ಯೂ ಅವತಾರದಲ್ಲಿ ಕಿಂಗ್‌ ಖಾನ್, ವಿಜಯ್ ಸೇತುಪತಿ ಸೆಂಟರ್‌ ಅಟ್ರ್ಯಾಕ್ಷನ್‌..! ಮಿಸ್‌ ಮಾಡದೇ ನೋಡಿ

Shah rukh khan : ಬ್ಲಾಕ್ ಬಸ್ಟರ್ 'ಪಠಾಣ್' ನಂತರ ಬಾಲಿವುಡ್‌ ನಟ ಶಾರುಖ್ ಖಾನ್ ಮತ್ತೊಮ್ಮೆ ತೆರೆ ಮೇಲೆ ಮೋಡಿ ಮಾಡಲು ರೆಡಿಯಾಗಿದ್ದಾರೆ. ಈ ಬಾರಿ ʼಜವಾನ್‌ʼ ರೂಪದಲ್ಲಿ ಕಿಂಗ್‌ ಖಾನ್‌ ಅಭಿಮಾನಿಗಳಿಗೆ ದರ್ಶನ ನೀಡಲಿದ್ದಾರೆ. ಇಷ್ಟು ದಿನ ಬರೀ ಟೈಟಲ್‌, ಫೋಸ್ಟರ್‌, ಟೀಸರ್‌ನಿಂದ ಹೈಪ್‌ ಕ್ರಿಯೇಟ್‌ ಮಾಡಿದ್ದ ಜವಾನ್‌ ಇದೀಗ ಟ್ರೈಲರ್‌ ಮೂಲಕ ಟ್ರೆಂಡ್‌ ಸೃಷ್ಟಿಸುತ್ತಿದೆ.

ಹೌದು.. ಬಹುನಿರೀಕ್ಷಿತ ಜವಾನ್‌ ಸಿನಿಮಾ ಟ್ರೈಲರ್‌ ರಿಲೀಸ್‌ ಆಗಿದೆ. ಮೊದಲ ದೃಶ್ಯದಲ್ಲಿ, ಶಾರುಖ್ ಖಾನ್ ಒತ್ತೆಯಾಳುಗಳ ಬಿಡುಗಡೆಗೆ ಆಲಿಯಾ ಭಟ್‌ ಕೇಳುವ ಡೈಲಾಗ್‌ ಇದೆ. ನಂತರ ಮಾಜಿ ಸೈನಿಕ ಪಾತ್ರ, ವಿಲನ್‌ ಸೇರಿದಂತೆ ಹಲವು ರೂಪಗಳಲ್ಲಿ ಕಾಣಿಸಿಕೊಂಡಿದ್ದು ಕುತೂಹಲ ಮೂಡಿಸಿದೆ. ಅಲ್ಲದೆ, ತಮಿಳು ನಟ ವಿಜಯ್ ಸೇತುಪತಿ ಈ ಸಿನಿಮಾದ ಸೆಂಟರ್‌ ಅಟ್ರ್ಯಾಕ್ಷನ್‌ ಆಗಿದ್ದಾರೆ.

ಇದನ್ನೂ ಓದಿ: ಸಾರ್ವಜನಿಕವಾಗಿ ನಟಿಗೆ ಮುತ್ತಿಟ್ಟ ಖ್ಯಾತ ನಿರ್ದೇಶಕ..! ಅವಳಿಗೆ ಸಮಸ್ಯೆಯಿಲ್ಲ ನಿಮಗ್ಯಾಕೆ ತೊಂದ್ರೆ...?

ಶಾರುಖ್ ಖಾನ್ ಮತ್ತು ವಿಜಯ್ ಸೇತುಪತಿ ಇಬ್ಬರೂ ಹಲವಾರು ಅವತಾರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ವಿಜಯ್ ಶಸ್ತ್ರಾಸ್ತ್ರಗಳನ್ನು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಮಾರುವ ವ್ಯಾಪಾರಿ ಪಾತ್ರ ನಿರ್ವಹಿಸಿರುವುದು ಟ್ರೈಲರ್‌ ನೋಡಿದ್ರೆ ಅರ್ಥವಾಗುತ್ತದೆ. ಶಾರುಖ್ ಮತ್ತು ನಯನತಾರಾ ಕೆಲವು ರೊಮ್ಯಾಂಟಿಕ್ ದೃಶ್ಯಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

'ಜವಾನ್' ಚಿತ್ರವು ಸೆಪ್ಟೆಂಬರ್ 7 ರಂದು ಬಿಡುಗಡೆಯಾಗಲಿದೆ. ಚಿತ್ರದಲ್ಲಿ ಪ್ರಿಯಾಮಣಿ, ಸನ್ಯಾ ಮಲ್ಹೋತ್ರಾ, ಸುನಿಲ್ ಗ್ರೋವರ್ ಮತ್ತು ಯೋಗಿ ಬಾಬು ಸೇರಿದಂತೆ ಇತರ ಪ್ರಮುಖ ನಟರು ಇದ್ದಾರೆ. ದೀಪಿಕಾ ಪಡುಕೋಣೆ ಕಿರು ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರವು ರೆಡ್ ಚಿಲ್ಲೀಸ್ ಎಂಟರ್‌ಟೈನ್‌ಮೆಂಟ್ ಪ್ರಸ್ತುತಿಯಾಗಿದ್ದು, ಅಟ್ಲೀ ನಿರ್ದೇಶಿಸಿದ್ದಾರೆ, ಗೌರಿ ಖಾನ್ ನಿರ್ಮಿಸಿದ್ದಾರೆ ಮತ್ತು ಗೌರವ್ ವರ್ಮಾ ಸಹ-ನಿರ್ಮಾಣ ಮಾಡಿದ್ದಾರೆ. ಆಕ್ಷನ್ ಥ್ರಿಲ್ಲರ್ ಹಿಂದಿ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ.