ಬೀಚ್‌ನಲ್ಲಿ ಬಾಯ್ ಫ್ರೆಂಡ್ ಜೊತೆ ಕೇಕ್ ಕತ್ತರಿಸಿದ Shraddha Kapoor, ಪಾರ್ಟಿ ವಿಡಿಯೋ ವೈರಲ್

ನವದೆಹಲಿ: ಬಾಲಿವುಡ್‌ನ ಸುಂದರ ನಟಿ ಶ್ರದ್ಧಾ ಕಪೂರ್ ಇಂದು ತಮ್ಮ ಜನ್ಮದಿನವನ್ನು ಆಚರಿಸುತ್ತಿದ್ದಾರೆ. ಅವರು ಮಾಲ್ಡೀವ್ಸ್ನಲ್ಲಿ  ತಮ್ಮ ಕುಟುಂಬದವರು ಮತ್ತು ಸ್ನೇಹಿತರ ಜೊತೆಗೆ ಹುಟ್ಟುಹಬ್ಬವನ್ನು ಆಚರಿಸುತ್ತಿದ್ದಾರೆ. ಅವರ ಪಾರ್ಟಿಯ ವೀಡಿಯೊಗಳು ಮತ್ತು ಫೋಟೋಗಳು ಸಹ ಹೊರಬರುತ್ತಿವೆ. ಈ ಪಾರ್ಟಿ ಫೋಟೋದಲ್ಲಿ ಶ್ರದ್ಧಾ ಕಪೂರ್ (Shraddha Kapoor) ಅವರ ಬಾಯ್ ಫ್ರೆಂಡ್ ರೋಹನ್ ಶ್ರೇಷ್ಠಾ (Rohan Shrestha) ಅವರನ್ನೂ ಗುರುತಿಸಲಾಗಿದ್ದು ಸದ್ಯ ಈ ವಿಡಿಯೋ ಭಾರೀ ವೈರಲ್ ಆಗ ತೊಡಗಿದೆ.

ಶ್ರದ್ಧಾ ಕಪೂರ್ ಬೀಚ್ ಬದಿಯಲ್ಲಿ ಪಾರ್ಟಿ ಆಯೋಜಿಸಿದ್ದರು. ಈ ಪಾರ್ಟಿಯಲ್ಲಿ ಎಲ್ಲರೂ ಮೋಜು ಮಾಡುತ್ತಿರುವುದು ಕಂಡುಬರುತ್ತದೆ. ಶ್ರದ್ಧಾ ಅವರ ಕೇಕ್ ಕತ್ತರಿಸುವ ಫೋಟೋಗಳೂ ಮತ್ತು ವಿಡಿಯೋಗಳು ಸಹ ಹೊರಬಂದಿವೆ. ಈ ವಿಡಿಯೋದಲ್ಲಿ ರೋಹನ್ ಶ್ರೇಷ್ಠಾ ಅವರ ಹತ್ತಿರ ನಿಂತಿರುವುದು ಕಂಡುಬರುತ್ತದೆ. ಶ್ರದ್ಧಾ ಕಪೂರ್ ಅವರ ಈ ವಿಡಿಯೋದಲ್ಲಿ ಶ್ರದ್ಧಾ ಕಪೂರ್ ಅವರ ಸ್ನೇಹಿತರು ಮತ್ತು ಸೋದರಸಂಬಂಧಿಗಳು ಸಹ ಕಾಣಿಸಿಕೊಂಡಿದ್ದಾರೆ.

ಶ್ರದ್ಧಾ ಮೋಜು :
ವೀಡಿಯೊವೊಂದರಲ್ಲಿ, ಶ್ರದ್ಧಾ (Shraddha Kapoor) ಡಾನ್ಸ್ ಮಾಡುತ್ತಿರುವ ದೃಶ್ಯವೂ ಕಂಡು ಬಂದಿದೆ. ಇದರಲ್ಲಿ ಶ್ರದ್ಧಾ ಬಹಳ ಸಂತೋಷವಾಗಿರುವುದು ಕಂಡು ಬಂದಿದೆ. ಶ್ರದ್ಧಾ ಅವರ ಪಾರ್ಟಿಯ ಫೋಟೋಗಳು ಮತ್ತು ವೀಡಿಯೊಗಳು ಕೂಡ ಬಹಳ ವೈರಲ್ ಆಗುತ್ತಿವೆ. ಈ ಫೋಟೋಗಳಲ್ಲಿ ಶ್ರದ್ಧಾ ಕಪೂರ್ ತುಂಬಾ ಚೆನ್ನಾಗಿ ಕಾಣುತ್ತಿದ್ದಾರೆ. ಶ್ರದ್ಧಾ ಹೂವಿನ ಪಟ್ಟಿಯ ಉಡುಗೆ ಧರಿಸಿದ್ದಾರೆ.

ಶ್ರದ್ಧಾ ಸೋದರಸಂಬಂಧಿ ಮದುವೆಗೆ ಹೋಗಿದ್ದಾರೆ :
ಇತ್ತೀಚೆಗೆ ಶ್ರದ್ಧಾ ಕಪೂರ್ ಅವರ ವಿಡಿಯೋ ಹಂಚಿಕೊಂಡಿದ್ದಾರೆ. ವಾಸ್ತವವಾಗಿ, ಶ್ರದ್ಧಾ ಕಪೂರ್ ತನ್ನ ಸೋದರಸಂಬಂಧಿ ಪ್ರಿಯಾಂಕ್ ಶರ್ಮಾ (Priyank Sharma) ಮತ್ತು ಶಾಜಾ ಮೊರಾನಿ (Shaza Morani) ಅವರ ವಿವಾಹದಲ್ಲಿ ಪಾಲ್ಗೊಳ್ಳಲು ತೆರಳಿದ್ದಾರೆ. ಈ ಸಂದರ್ಭದಲ್ಲಿ, ಶ್ರದ್ಧಾ ಅವರ ವಿಡಿಯೋ ವೈರಲ್ (Video Viral) ಆಗಿದ್ದು, ಆಕೆ ಬೀಚ್‌ನಲ್ಲಿ ನೃತ್ಯ ಮಾಡುತ್ತಿರುವುದು ಕಂಡುಬರುತ್ತದೆ.

ಶ್ರದ್ಧಾ ಕಪೂರ್ ಸ್ಲೋ ಮೋಶನ್ ವೀಡಿಯೊಗಳನ್ನು ಹಂಚಿಕೊಂಡಿದ್ದಾರೆ:
ಈ ಸಂದರ್ಭದಲ್ಲಿ, ಶ್ರದ್ಧಾ ಕಪೂರ್ ಬೀಚ್ ಅನ್ನು ಆನಂದಿಸುವಾಗ ಎರಡು ಸ್ಲೋ ಮೋಶನ್ ವೀಡಿಯೊಗಳನ್ನು ಹಂಚಿಕೊಂಡಿದ್ದಾರೆ. ಎರಡು ದಿನಗಳ ಹಿಂದೆ ಹಂಚಿಕೊಂಡ ಈ ವಿಡಿಯೋವನ್ನು 16 ಲಕ್ಷಕ್ಕೂ ಹೆಚ್ಚು ಜನರು ವೀಕ್ಷಿಸಿದ್ದಾರೆ. ಶ್ರದ್ಧಾ ಅವರ ನೀಲಿ ಲೆಹೆಂಗಾ ವಿಡಿಯೋದಲ್ಲಿ ಎಲ್ಲರ ಗಮನ ಸೆಳೆಯುತ್ತಿದೆ. ಅವಳ ಲೆಹೆಂಗಾದ ಮೇಲೆ ಬಿಳಿ ಮತ್ತು ಹಸಿರು ಹೂವುಗಳು ಆಕೆಯ ಸೌಂದರ್ಯಕ್ಕೆ ಮತ್ತಷ್ಟು ಮೆರುಗು ನೀಡಿವೆ.