ಸುದೀಪ್‌ vs ಕುಮಾರ್:‌ `ರಾಜ್​ ಕುಟುಂಬವೇ ಹೆಡ್​ ಆಫೀಸ್` ಎಂದ ರವಿಚಂದ್ರನ್​

ಬೆಂಗಳೂರು: ನಟ ಕಿಚ್ಚ ಸುದೀಪ್‌ ಹಾಗೂ ನಿರ್ಮಾಪಕ ಕುಮಾರ್ ನಡುವಿನ ವಾದ ವಿವಾದ ದಿನದಿಂದ ದಿನಕ್ಕೆ ತಿರುವು ಪಡೆಯುತ್ತಿದೆ. ಈ ವಿಚಾರ ಕುರಿತಂತೆ ಸ್ವಲ್ಪ ಮಂದಿ  ನಟ ಸುದೀಪ್‌ ಪರ ನಿಂತರೇ ಕೆಲವರು ನಿರ್ಮಾಪಕ ಪರ ಧ್ವನಿ ಎತ್ತಿದ್ದಾರೆ. ಈ ವಿಚಾರ  ಬೇರೆ ಹಂತಕ್ಕೆ ಹೋಗಿದೆ.

ಸುದೀಪ್​ ಅವರು ಕೋರ್ಟ್​ ಮೋರೆ ಹೋಗಿದ್ಧಾರೆ. ಇದೀಗ ಇವರಿಬ್ಬರನ್ನು ಸಂಧಾನ ಮಾಡಲು ಚಿತ್ರರಂಗ ಸಜ್ಜಾಗಿದೆ. ಈ ವಿಚಾರ ಕುರಿತು ಶಿವಣ್ಣ  ಹಾಗೂ ನಟ ರವಿಚಂದ್ರನ್‌ ತಿರ್ಮಾನ ತೆಗೆದುಕೊಳ್ಳುವ ಸಲುವಾಗಿ ಚಿತ್ರರಂಗದ ಕೆಲ ನಿರ್ಮಾಪಕರು  ಇವರಿಬ್ಬರನ್ನು ಆಹ್ವಾನಿಸಿದ್ದಾರೆ.

ಇದನ್ನೂ ಓದಿ: ಸದ್ಯದಲೇ ತೆರೆಯ ಮೇಲೆ ವಶಿಷ್ಠ ಸಿಂಹ ನಟನೆಯ 'ಲವ್‌ಲಿ'...!

ಆ ವೇಳೆ ಮಾತನಾಡಿದ ರವಿಚಂದ್ರನ್‌, ಇದೊಂದು ಸಣ್ಣ ವಿಚಾರ ಸ್ನೇಹಿತರ ನಡುವೆ ನಡೆದಿದೆ. ಹೀಗಾಗಿ ಇದನ್ನು ದೊಡ್ಡ ವಿಷಯ ಮಾಡುವುದು ಬೇಡ ಎಂದರು. ಸಂಧಾನ ಕುರಿತು ಮಾತಾನಾಡಿರುವ ಕ್ರೇಜಿಸ್ಟಾರ್‌, ‘ಶಿವರಾಜ್​ಕುಮಾರ್​ ಅವರ ಬಳಿಯೇ ಮೊದಲು ಹೋಗಬೇಕು.

ಅವರೇ ಫಸ್ಟ್​. ನಾನು ಯಾವತ್ತಿದ್ದರೂ ನೆಕ್ಸ್ಟ್. ಕಾರಣ, ಡಾ. ರಾಜ್‌ ಕುಮಾರ್‌  ಫ್ಯಾಮಿಲಿ ಕನ್ನಡ ಚಿತ್ರರಂಗಕ್ಕೆ ನೀಡಿರುವ ಕೊಡುಗೆ ಅಪಾರ. ಕಲಾವಿದರ ಮಧ್ಯೆ ಸಮಸ್ಯೆಯಾದಾಗ ಅಂದಿನಿಂದಲೂ ಇಂದಿನವರೆಗೂ ಮೊದಲು ರಾಜ್​ಕುಮಾರ್ ಕುಟುಂಬದವರ ಬಳಿ ಸಂಧಾನ ಮಾಡುವುದು ವಾಡಿಕೆ.

ಇದನ್ನೂ ಓದಿ: ಚಾಮುಂಡೇಶ್ವರಿ ಸನ್ನಿಧಿಯಲ್ಲಿ ಸ್ಯಾಂಡಲ್ವುಡ್‌ ಪ್ರೇಮ್ & ಬಾಲಿವುಡ್ ಸಂಜಯ್ ದತ್..!