Thalapati Vijay : ʼಲಿಯೋʼ ಸ್ಟಾರ್‌ ವಿರುದ್ಧ ದೂರು ದಾಖಲು..!

File Against Liyo Film : ತಮಿಳಿನ ಸ್ಟಾರ್‌ ನಟ ದಳಪತಿ ವಿಜಯ್‌ ಅವರ ಹುಟ್ಟುಹಬ್ಬವನ್ನು ಅಭಿಮಾನಿಗಳು ಭರ್ಜರಿಯಾಗಿ ಆಚರಿಸಿದ್ದರು. ಅದೇ ದಿನ ವಿಜಯ್‌ ನಟನೆಯ ʼಲಿಯೋʼ ಸಿನಿಮಾದ ಮೊದಲ ಹಾಡನ್ನು ಬಿಡುಗಡೆ ಮಾಡಲಾಯಿತು. ಸದ್ಯ ರಿಲೀಸ್‌ ಆಗಿರುವ ಹಾಡು ದೊಡ್ಡ ಮಟ್ಟದಲ್ಲಿ ಸದ್ದು ಮಾಡುತ್ತಿದೆ. ಆದರೆ ಅದೇ ಹಾಡು ಇದೀಗ ಸಿನಿಮಾ ತಂಡವನ್ನು ಇಕ್ಕಟ್ಟಿಗೆ ಸಿಲುಕಿಸಿದೆ.

ಬಿಡುಗಡೆಯಾಗಿರುವ ʼನಾ ರೆಡಿ...ʼ ಹಾಡಿನಲ್ಲಿ ಡ್ರಗ್ಸ್‌ ಹಾಗೂ ರೌಡಿಸಂನ್ನು ಅತಿಯಾಗಿ ವೈಭವೀಕರಣ ಮಾಡಲಾಗಿದೆ ಎಂದು ಆರೋಪಿಸಿ ನಟ ವಿಜಯ್‌ ಹಾಗೂ ಸಿನಿಮಾತಂಡದ ಮೇಲೆ ದೂರು ದಾಖಲಿಸಲಾಗಿದೆ. ಚೆನ್ನೈನ ಕೊರುಕ್ಕುಪ್ಪೆಟ್ಟೈ ಮೂಲದ ಎಲ್ವಂ ಎಂಬುವವರು ಆರೋಪ ಮಾಡಿದ್ದಾರೆ. 

ಇವರು ಮೊದಲು ಜೂನ್‌ 25ರಂದು ಆನ್‌ಲೈನ್‌ನಲ್ಲಿ ದೂರು ನೀಡಿ, ಇಂದು (ಜೂನ್‌ 26) ಅರ್ಜಿ ಸಲ್ಲಿಸಿದ್ದಾರೆ. ಸಿನಿಮಾ ತಂಡ ಹಾಗೂ ವಿಜಯ್‌ ವಿರುದ್ಧ ಮಾದಕ ದ್ರವ್ಯ ನಿಯಂತ್ರಣ ಕಾಯ್ದೆಯಡಿ ಕ್ರಮ ಕೈಗೊಳ್ಳಬೇಕು ಎಂದು ಒತ್ತಡ ಹೇರಿದ್ದಾರೆ.

ಇದನ್ನೂ ಓದಿ-ಪಾಲಿಟಿಕ್ಸ್‌ಗೆ ಎಂಟ್ರಿ ಕೊಡ್ತಾರಾ ಕೀರ್ತಿ ಸುರೇಶ್‌..?

ಇನ್ನು ನಟ ವಿಜಯ್‌ ಕೆಲವು ದಿನಗಳ ಹಿಂದೆ ಮಾದಕ ವಸ್ತುಗಳ ವಿರುದ್ಧ ಚೆನ್ನೈ ಪೊಲೀಸರು ನಗರದಾದ್ಯಂತ ಅನೇಕ ಕಾರ್ಯಕ್ರಮಗಳನ್ನು ಆರೋಜಿಸಿದ್ದರು. ಇದು ಅಭಿಮಾನಿಗಳಿಗೂ ಗೊತ್ತಿರುವ ವಿಚಾರ. ಈ ಕಾರ್ಯಕ್ರಮದಲ್ಲಿ ದಳಪತಿ ವಿಜಯ್‌ ಸಹ ಭಾಗವಹಿಸಿದ್ದರು. ಇದೀಗ ಇಂತಹ ಅಪವಾದ ಅವರ ಮೇಲೆ ಬಂದಿರುವುದ ಅಭಿಮಾನಿಗಳಿಗೆ ಬೇಸರ ಮೂಡಿಸಿದೆ. 

ಈ ಸಿನಿಮಾದಲ್ಲಿ ವಿಜಯ್‌ಗೆ ಜೋಡಿಯಾಗಿ ತ್ರಿಷಾ ಕಾಣಿಸಿಕೋಂಡಿದ್ದಾರೆ. ಅನೇಕ ವರ್ಷಗಳ ಬಳಿಕ ತ್ರಿಷಾ ಮತ್ತು ದಳಪತಿ ವಿಜಯ್‌ ಒಟ್ಟಿಗೆ ತೆರೆ ಮೇಲೆ ಬರುತ್ತಿದ್ದಾರೆ. ಸೂಪರ್‌ಹಿಟ್‌ ಆನ್‌ಸ್ಕ್ರೀನ್‌ ಜೋಡಿಗಳಲ್ಲಿ ತ್ರಿಷಾ ಹಾಗೂ ವಿಜಯ್‌ ಜೋಡಿ ಕೂಡ ಒಂದು. ಇನ್ನು ದಾಖಲಾಗಿರುವ ದೂರಿನನ್ವಯ ಯಾವ ಕ್ರಮ ತೆಗೆದುಕೊಳ್ಳಲಾಗುತ್ತದೆ ಎಂದು ಕಾದುನೋಡಬೇಕು.