`ಜಲ್ಸಾ` ಬಂಗಲೆಯ ಹೊರಗೆ ಬೈಕ್ ರೇಸಿಂಗ್‌ನಿಂದ ಅಸಮಾಧಾನಗೊಂಡ ಜಯಾ ಬಚ್ಚನ್ ಮಾಡಿದ್ದೇನು?
ಕ್ವಾರೆಂಟೈನ್‌ನಲ್ಲಿ ವಾಸಿಸುತ್ತಿರುವ ಜಯ ಬಚ್ಚನ್ ಬೈಕ್‌ಗಳ ಶಬ್ದದಿಂದ ಅಸಮಾಧಾನಗೊಂಡಿದ್ದು ಮುಂಬೈ ಪೊಲೀಸರ ಸಹಾಯವನ್ನು ಕೋರಿದ್ದಾರೆ.
ಮುಂಬೈ: ಕೆಲವು ದಿನಗಳ ಹಿಂದೆ ಜುಹು ಮೂಲದ ಅಮಿತಾಬ್ ಬಚ್ಚನ್ (Amitabh Bachchan) ಅವರ ಬಂಗಲೆ 'ಜಲ್ಸಾ'ದಲ್ಲಿ ಮೂರರಿಂದ ನಾಲ್ಕು ಹುಡುಗರು ದುಬಾರಿ ಬೈಕ್‌ಗಳಲ್ಲಿ ಸವಾರಿ ಮಾಡುತ್ತಿದ್ದರು. ಕ್ಯಾರೆಂಟೈನ್‌ನಲ್ಲಿ ವಾಸಿಸುತ್ತಿರುವ ಜಯ ಬಚ್ಚನ್ ಬೈಕ್‌ಗಳ ಶಬ್ದದಿಂದ ಅಸಮಾಧಾನಗೊಂಡಿದ್ದು, ಮುಂಬೈ ಪೊಲೀಸರ ಸಹಾಯವನ್ನು ಕೋರಿದ್ದಾರೆ. ಪೊಲೀಸರು ಸಿಸಿಟಿವಿ ಸಹಾಯದಿಂದ ಬೈಕ್‌ಗಳ ಸಂಖ್ಯೆಯನ್ನು ಗುರುತಿಸಿ ಆರೋಪಿಗಳನ್ನು ಹುಡುಕುತ್ತಿದ್ದಾರೆ.
ಕುಟುಂಬ ಸದಸ್ಯರು ಕರೋನಾ ಪಾಸಿಟಿವ್ ಆಗಿರುವುದರಿಂದ ಜಯಾ ಬಚ್ಚನ್ (Jaya Bachchan) ಈಗಾಗಲೇ ಸಾಕಷ್ಟು ಒತ್ತಡದಲ್ಲಿದ್ದಾರೆ ಮತ್ತು ಬೈಕ್‌ಗಳ ಭಾರೀ ಶಬ್ದದಿಂದಾಗಿ ರಾತ್ರಿಯಲ್ಲಿ ಅವರು ಹೆಚ್ಚು ತೊಂದರೆಗೀಡಾದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.
ಲಾಕ್‌ಡೌನ್‌ನಿಂದಾಗಿ ಓಡಾಡಲು ಸಾಧ್ಯವಾಗದೆ ಹುಡುಗರು ನಿರ್ಜನ ರಸ್ತೆಗಳಲ್ಲಿ ಓಡಾಡಲು ರಾತ್ರಿಯ ವೇಳೆ ಬೈಕುಗಳಲ್ಲಿ ಓಡಾಡುತ್ತಾರೆ ಎಂದು ಹೇಳಲಾಗುತ್ತಿದೆ. ಜಲ್ಸಾ ಬಂಗಲೆಯ ಸುತ್ತಮುತ್ತಲಿನ ಬೀದಿಗಳಲ್ಲಿ ಅಳವಡಿಸಲಾಗಿರುವ ಸಿಸಿಟಿವಿ ಕ್ಯಾಮೆರಾಗಳೊಂದಿಗೆ ಈ ಬೈಕ್‌ಗಳ ಸಂಖ್ಯೆಯನ್ನು ಗುರುತಿಸಲಾಗಿದೆ. ಈ ಯುವಕರನ್ನು ಹಿಡಿಯಲು ರಾತ್ರಿಯಲ್ಲಿ ನಾಕಾಬಂಧಿ ಮಾಡಲಾಗುತ್ತಿದೆ, ಆದರೆ ಇಲ್ಲಿಯವರೆಗೆ ಅವರು ಸಿಕ್ಕಿಬಿದ್ದಿಲ್ಲ.