ಪವನ್‌ ಕಲ್ಯಾಣ್‌ ಆಂಧ್ರ ಸಿಎಂ ಎಂದ ಊರ್ವಶಿ..! ಹಂಗೆ ʼಪಿಎಂʼ ಮಾಡ್ಬೀಡಮ್ಮಾ.. ಎಂದ ನೆಟ್ಟಿಗರು

Urvashi Rautela : ಬಾಲಿವುಡ್ ನಟಿ ಊರ್ವಶಿ ರೌಟೇಲಾ ಆಗಾಗ ಸೋಷಿಯಲ್‌ ಮೀಡಿಯಾದಲ್ಲಿ ಸುದ್ದಿಯಾಗುತ್ತಲೇ ಇರುತ್ತಾರೆ. ತಮ್ಮ ಹೇಳಿಕೆಯಿಂದಲೇ ವಿವಾದಕ್ಕೆ ಗುರಿಯಾಗುತ್ತಿದ್ದ ಚೆಲುವೆ ಪವನ್‌ ಕಲ್ಯಾಣ್‌ ಅವರನ್ನು ಆಂಧ್ರ ಪ್ರದೇಶ ಮುಖ್ಯಮಂತ್ರಿ ಎನ್ನುವ ಮೂಲಕ ಟ್ರೋಲ್‌ಗೆ ಗುರಿಯಾಗಿದ್ದಾರೆ.

ಹೌದು.. ನಟಿಯರು ಆಗಾಗ ತಮ್ಮ ಹೇಳಿಕೆ ಇಲ್ಲವೆ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್‌ ಹಂಚಿಕೊಳ್ಳುವ ಮೂಲಕ ವೈರಲ್‌ ಆಗುತ್ತಲೇ ಇರುತ್ತಾರೆ. ಇದೀಗ ಬಾಲಿವುಡ್ ನಟಿ ಊರ್ವಶಿ ರೌಟೇಲಾ ಅವರು ಪವನ್‌ ಕಲ್ಯಾಣ ಅವರ ಜೊತೆಗಿರುವ ಫೋಟೋ ಒಂದನ್ನು ಹಂಚಿಕೊಳ್ಳುವ ಮೂಲಕ ಟ್ರೋಲ್‌ ಆಗಿದ್ದಾರೆ.

ಇದನ್ನೂ ಓದಿ: ಹೊಸ ಅವತಾರದಲ್ಲಿ ʼದಿ ಕೇರಳ ಸ್ಟೋರಿʼ ಬೆಡಗಿ..ಪೋಟೋಸ್‌ ನೋಡಿ

ಇತ್ತೀಚೆಗೆ ಪವರ್‌ ಸ್ಟಾರ್‌ ಪವನ್ ಕಲ್ಯಾಣ್ ಮತ್ತು ಸಾಯಿ ಧರಮ್‌ತೇಜ ನಟನೆಯೆ ಬ್ರೋ ಸಿನಿಮಾ ಟ್ರೈಲರ್‌ ರಿಲೀಸ್‌ ಇವೆಂಟ್‌ ನಡೆಯಿತು. ಈ ವೇಳೆ ಊರ್ವಶಿ ಭಾಗಿಯಾಗಿದ್ದರು. ಅಲ್ಲದೆ, ತಮ್ಮ ಸೋಷಿಯಲ್‌ ಮೀಡಿಯಾ ಖಾತೆಯಲ್ಲಿ ಇಬ್ಬರ ಜೊತೆಗಿರುವ ಫೋಟೋವನ್ನು ಹಂಚಿಕೊಂಡು, ಶೀರ್ಷಿಕೆಯಲ್ಲಿ ಪವನ್‌ ಕಲ್ಯಾಣ್‌ ಅವರನ್ನು ಆಂಧ್ರಪ್ರದೇಶದ ಸಿಎಂ ಎಂದು ಕರೆದಿದ್ದಾರೆ.

ನಟಿಯ ಈ ಪೋಸ್ಟರ್‌ ವೈರಲ್‌ ಆದ ಬೆನ್ನಲ್ಲೆ ನೆಟ್ಟಿಗರು ಚಿತ್ರ ವಿಚಿತ್ರವಾಗಿ ಕಾಮೆಂಟ್‌ ಮಾಡುತ್ತಿದ್ದಾರೆ. ಕೆಲವರು ಸೂಪರ್‌, ಮುಂದಿನ ಸಿಎಂ ಪವನ್‌ ಕಲ್ಯಾಣ್‌ ಅಂತ ಪ್ರತಿಕ್ರಿಯೆ ನೀಡಿದ್ರೆ ಇನ್ನೂ ಕೆಲವರು, ಆಂಧ್ರ ಪ್ರದೇಶದ ಮುಖ್ಯಮಂತ್ರಿ ಜಗನ್‌ ಮೋಹನ್‌ರೆಡ್ಡಿ ಅಂತ ನಟಿಗೆ ಪಾಠ ಮಾಡಿದ್ದಾರೆ. ಸಧ್ಯ ತಮ್ಮ ಪೋಸ್ಟ್‌ನ್ನು ಡಿಲೀಟ್‌ ಮಾಡಿದ್ದಾರೆ.

ಇದನ್ನೂ ಓದಿ: ಬೋಲ್ಡ್‌ ಅವತಾರದಲ್ಲಿ ಸೌಂದರ್ಯದ ಗಣಿ ನೇಹಾ ಮಲಿಕ್‌..ಪೋಟೋಸ್‌ ನೋಡಿ

ಇನ್ನು ಬ್ರೋ ಸಿನಿಮಾ ವಿಚಾರಕ್ಕೆ ಬರುವುದಾದರೆ, ಈ ಸಿನಿಮಾದಲ್ಲಿ ಪವನ್ ಕಲ್ಯಾಣ್ ಹಾಗೂ ಸಾಯಿ ಧರಂ ತೇಜ್ ಅವರೊಂದಿಗೆ ಊರ್ವಶಿ ರೌಟೇಲಾ ನಟಿಸಿದ್ದಾರೆ. ಈ ಚಿತ್ರ ಇದೇ ತಿಂಗಳು 28ಕ್ಕೆ ರಿಲೀಸ್ ಆಗುತ್ತಿದೆ. ಅಲ್ಲದೆ, ಪವನ್ ಕಲ್ಯಾಣ್ ಅವರು ಜನ ಸೇನಾ ಪಕ್ಷದ ಅಧ್ಯಕ್ಷರಾಗಿದ್ದು, ಆಂಧ್ರ ಪ್ರದೇಶ ವಿಧಾನಸಭಾ ಚುನಾವಣೆ ಕಾರ್ಯದಲ್ಲಿ ಬ್ಯುಸಿಯಾಗಿದ್ದಾರೆ.