Yash : ಟಾಪ್ 10 ಮೋಸ್ಟ್ ಪಾಪ್ಯುಲರ್ ಇಂಡಿಯನ್ ಸ್ಟಾರ್ 2022 ಪಟ್ಟಿಯಲ್ಲಿ ಯಶ್‌ಗೆ ಎಷ್ಟನೇ ಸ್ಥಾನ?

IMDb Most Popular Indian Stars : 2022 ರ IMDb ಟಾಪ್ 10 ಅತ್ಯಂತ ಜನಪ್ರಿಯ ಭಾರತೀಯ ತಾರೆಯರ ಪಟ್ಟಿಯಲ್ಲಿ ಧನುಷ್, ಆಲಿಯಾ ಭಟ್, ಐಶ್ವರ್ಯಾ ರೈ ಬಚ್ಚನ್, ಯಶ್‌ ಮತ್ತು ರಾಮ್ ಚರಣ್ ಸೇರಿದಂತೆ ಮುಂತಾದ ಸ್ಟಾರ್‌ಗಳು ಕಾಣಿಸಿಕೊಂಡಿದ್ದಾರೆ. ಚಲನಚಿತ್ರ, ಟಿವಿ ಮತ್ತು ಸೆಲೆಬ್ರಿಟಿಗಳ ಕಂಟೆಂಟ್‌ಗಾಗಿ ವಿಶ್ವದ ಅತ್ಯಂತ ಜನಪ್ರಿಯ ಮತ್ತು ಅಧಿಕೃತ ಮೂಲವಾದ IMDb, 2022 ರ ಅತ್ಯಂತ ಜನಪ್ರಿಯ ಭಾರತೀಯ ತಾರೆಯರನ್ನು ಘೋಷಿಸಿದೆ. IMDb 200 ಮಿಲಿಯನ್‌ಗಿಂತಲೂ ಹೆಚ್ಚು ಮಾಸಿಕ ಸಂದರ್ಶಕರ ನೈಜ ಪುಟ ವೀಕ್ಷಣೆಗಳ ಆಧಾರದ ಮೇಲೆ ತನ್ನ ನಿರ್ಣಾಯಕ ಟಾಪ್ 10 ಪಟ್ಟಿಯನ್ನು ನಿರ್ಧರಿಸುತ್ತದೆ. ಧನುಷ್ ಈ ವರ್ಷದ ಅಗ್ರ ಶ್ರೇಯಾಂಕದ ಸೆಲೆಬ್ರಿಟಿಯಾಗಿದ್ದಾರೆ.

ಇದನ್ನೂ ಓದಿ :  Alia Bhatt: "ನಾನು ರಣಬೀರ್ ಹಾಸಿಗೆಯ ಮೇಲೆ..." ಬೆಡ್‌ರೂಮ್‌ ರಹಸ್ಯ ಬಿಚ್ಚಿಟ್ಟ ಆಲಿಯಾ!

2022 ರ IMDb ಟಾಪ್ 10 ಅತ್ಯಂತ ಜನಪ್ರಿಯ ಭಾರತೀಯ ತಾರೆಗಳ ಪಟ್ಟಿಯು ಸಾಪ್ತಾಹಿಕ ಶ್ರೇಯಾಂಕ ಪಟ್ಟಿಯಲ್ಲಿ ಸತತವಾಗಿ ಅತ್ಯುನ್ನತ ಸ್ಥಾನವನ್ನು ಹೊಂದಿರುವ ಸ್ಟಾರ್‌ಗಳನ್ನು ಒಳಗೊಂಡಿದೆ. ಈ ಶ್ರೇಯಾಂಕಗಳು IMDb ವಿಶ್ವಾದ್ಯಂತ 200 ಮಿಲಿಯನ್‌ಗಿಂತಲೂ ಹೆಚ್ಚು ಮಾಸಿಕ ಸಂದರ್ಶಕರ ನೈಜ ಪುಟ ವೀಕ್ಷಣೆಗಳನ್ನು ಆಧರಿಸಿವೆ.

IMDb 2022 ರ ಅತ್ಯಂತ ಜನಪ್ರಿಯ ಭಾರತೀಯ ತಾರೆಗಳ ಪಟ್ಟಿ ಇಲ್ಲಿದೆ:

1. ಧನುಷ್

2. ಆಲಿಯಾ ಭಟ್

3. ಐಶ್ವರ್ಯಾ ರೈ ಬಚ್ಚನ್

4. ರಾಮ್ ಚರಣ್ ತೇಜ

5. ಸಮಂತಾ ರುತ್ ಪ್ರಭು

6. ಹೃತಿಕ್ ರೋಷನ್

7. ಕಿಯಾರಾ ಅಡ್ವಾಣಿ

8. ಎನ್‌ಟಿ ರಾಮರಾವ್ ಜೂ.

9. ಅಲ್ಲು ಅರ್ಜುನ್

10. ಯಶ್ 

ಧನುಷ್ ಈ ವರ್ಷದ ಅತ್ಯಂತ ಜನಪ್ರಿಯ ಸ್ಟಾರ್‌ ಆಗಿದ್ದು, ಆಲಿಯಾ ಭಟ್ ಎರಡನೇ ಸ್ಥಾನದಲ್ಲಿದ್ದಾರೆ. ಇನ್ನೂ ಎವರ್‌ಗ್ರೀನ್‌ ಬ್ಯೂಟಿ ಐಶ್ವರ್ಯಾ ರೈ ಬಚ್ಚನ್ ಮೂರು ಮತ್ತು ರಾಮ್ ಚರಣ್ ತೇಜ ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಟಾಲಿವುಡ್‌ ಬ್ಯೂಟಿ ಸಮಂತಾ ರುತ್ ಪ್ರಭು ಐದನೇ ಸ್ಥಾನ, ಹೃತಿಕ್ ರೋಷನ್ ಆರನೇ ಸ್ಥಾನ, ಕಿಯಾರಾ ಅಡ್ವಾಣಿ ಏಳನೇ ಶೇಯಾಂಕದಲ್ಲಿದ್ದಾರೆ.

ಇದನ್ನೂ ಓದಿ :  2022ರಲ್ಲಿ ಗೂಗಲ್‌ನಲ್ಲಿ ಅತಿಹೆಚ್ಚು ಹುಡುಕಿದ ಸಿನಿಮಾಗಳು ಇವೇ ನೋಡಿ

ಜೂ.ಎನ್‌ಟಿಆರ್‌ ಎಂಟನೇ ಸ್ಥಾನ ಪಡೆದಿದ್ದರೆ, ಅಲ್ಲು ಅರ್ಜುನ್ ಒಂಬತ್ತನೇ ಸ್ಥಾನದಲ್ಲಿದ್ದಾರೆ. ಇನ್ನೂ ಕೆಜಿಎಫ್‌ ಮೂಲಕ ವಿಶ್ವಾದ್ಯಂತ ಜನಪ್ರಿಯತೆ ಗಳಿಸಿರುವ ಸ್ಯಾಂಡಲ್‌ವುಡ್‌ ಸ್ಟಾರ್‌ ನಟ ಯಶ್ ಟಾಪ್ 10 ಮೋಸ್ಟ್ ಪಾಪ್ಯುಲರ್ ಇಂಡಿಯನ್ ಸ್ಟಾರ್ 2022 ಪಟ್ಟಿಯಲ್ಲಿ ಹತ್ತನೇ ಸ್ಥಾನದಲ್ಲಿದ್ದಾರೆ.