ರಾಜ್ಯೋತ್ಸವಕ್ಕೆ ರಾಕಿಬಾಯ್ ರೀಎಂಟ್ರಿ ಫಿಕ್ಸ್‌..! ಆದರೆ ನಿಮ್ಮ ನಿರೀಕ್ಷೆಯಂತಲ್ಲ...

Rocking Star Yash: ಕಳೆದ ವರ್ಷ ಏಪ್ರಿಲ್ 14ಕ್ಕೆ 'KGF- 2' ಬಿಡುಗಡೆಯಾಗಿ ಭರ್ಜರಿ ಗೆಲುವು ಸಾಧಿಸಿತ್ತು. ಅಲ್ಲಿಂದ ಇಲ್ಲಿಯವರೆಗೂ ಯಶ ಯಾವುದೇ ಸಿನಿಮಾಗೆ ಗ್ರೀನ್‌ ಸಿಗ್ನಲ್‌ ನೀಡಿರಲಿಲ್ಲ. ಆದರೆ ರಾಕಿಬಾಯ್‌ ಮುಂದಿನ ಸಿನಿಮಾ ಇದೇ.. ಅವರ ಮುಂದಿನ ಚಿತ್ರಕ್ಕೆ ಮಲಯಾಳಂ ನಿರ್ದೇಶಕಿ ಆಕ್ಷನ್ ಕಟ್ ಹೇಳಲಿದ್ದಾರೆ.. ಯಶ್‌ ಬಾಲಿವುಡ್‌ಗೆ ಎಂಟ್ರಿ ಕೊಡುತ್ತಾರೆ.. ಹೀಗೆ ಸಾಕಷ್ಟು ಸುದ್ದಿಗಳು ಸೋಷಿಯಲ್‌ ಮಿಡಿಯಾದಲ್ಲಿ ಹರಿದಾಡುತ್ತಿದ್ದವು. 

ಸದ್ಯ ಮುಂಬರುವ ರಾಜ್ಯೋತ್ಸವಕ್ಕಾದರೂ ಯಶ್‌ ಮುಂದಿನ ಸಿನಿಮಾ ಅನೌನ್ಸ್‌ ಆಗುತ್ತೆ ಅನ್ನೋ ಖುಷಿಯಲ್ಲಿದ್ದ ಫ್ಯಾನ್ಸ್‌ಗೆ ಅವರ ಆಸೆಯಂತೂ ಈಡೇರಲಿಲ್ಲ ಆದರೆ ರಾಜ್ಯೋತ್ಸವಕ್ಕೆ ರಾಕಿಬಾಯ್ ರೀಎಂಟ್ರಿ ಕನ್ಫರ್ಮ್‌ ಎಂದು ಹೇಳಲಾಗುತ್ತಿದೆ. 

ಇದನ್ನೂ ಓದಿ-ನಟಿ ಅಮಲಾ ಪೌಲ್ ಎರಡನೇ ಮದುವೆ ಆಗ್ತಿರೋ ಈ ವ್ಯಕ್ತಿ ಯಾರು ಗೊತ್ತಾ?

ಹೌದು ನವೆಂಬರ್ 1ರಂದು ರಾಜ್ಯೋತ್ಸವ ಸಂಭ್ರಮದಲ್ಲಿ 'KGF-2' ಸಿನಿಮಾ ಪ್ರದರ್ಶನ ಕಾಣಲಿದ್ದು, ಕೆಲವು ಆಯ್ದ ಥಿಯೇಟರ್‌ಗಳಲ್ಲಿ ಮತ್ತೊಮ್ಮೆ ರಾಕಿ ಬಾಯ್‌ ಘರ್ಜಿಸಲಿದ್ದಾರೆ. ಈಗಾಗಲೇ ಫ್ರೀ ಬುಕ್ಕಿಂಗ್‌ ಸಹ ಆರಂಭವಾಗಿದೆ. ಜೆಸಿ ರಸ್ತೆಯ ಸ್ವಾಗತ್ ಪೂರ್ಣಿಮಾ, ವಿವೇಕ್ ನಗರದ ಶ್ರೀ ಬಾಲಾಜಿ ಸೇರಿದಂತೆ ನಗರದ ಕೆಲ ಚಿತ್ರಮಂದಿರಗಳಲ್ಲಿ ಕನ್ನಡದ ಕೆಜಿಎಫ್‌ ಸಿನಿಮಾ ರಿ ರಿಲೀಸ್‌ ಆಗಲಿದೆ. 

ಸಂಚಲನ ಸೃಷ್ಟಿಸಿದ ಎರಡು ಸರಣಿ ಸಿನಿಮಾಗಳು ಇದೀಗ ಮತ್ತೆ ರಿಲೀಸ್‌ ಆಗುತ್ತಿರುವುದು ಅಭಿಮಾನಿಗಳಿಗೆ ಹಬ್ಬದೂಟ ಹಾಕಿದಂತಾಗಿದೆ. ಯಶ್19‌ ಅಪ್ ಡೇಟ್‌ಗಾಗಿ ಹಂಬಲಿಸುತ್ತಿದ್ದ ಫ್ಯಾನ್ಸ್‌ ನಿರಾಸೆ ಆಗಿಲ್ಲ. ರಾಜ್ಯೋತ್ಸವಕ್ಕೆ ಯಾವ ಸ್ಟಾರ್‌ ಹಿರೋ ಚಿತ್ರಗಳು ರಿಲೀಸ್‌ ಆಗಿರದೇ ಇರುವ ಕಾರಣಕ್ಕೆ ಈ ಚಿತ್ರವನ್ನು ಮರುಬಿಡುಗಡೆ ಮಾಡಲಾಗುತ್ತಿದೆ.