WATCH:`ಊರಿಗೊಬ್ಬ ರಾಜಾ` ಎನ್ನುತಾ ಬಂದ ಯುವರತ್ನ...!

ಬೆಂಗಳೂರು: ಇದೇ ಮೊದಲ ಬಾರಿಗೆ ಬಹುಭಾಷೆಯಲ್ಲಿ ಬಿಡುಗಡೆಯಾಗುತ್ತಿರುವ ಪುನೀತ್ ರಾಜಕುಮಾರ್ ಅಭಿನಯದ ಯುವರತ್ನ ಸಿನಿಮಾ ಬಿಡುಗಡೆಗೂ ಮುನ್ನವೇ ಸಾಕಷ್ಟು ಸದ್ದು ಮಾಡುತ್ತಿದೆ.

ಈಗಾಗಲೇ ನೀನಾದೆನಾ ಸಾಂಗ್ ಹಾಗೂ ತನ್ನ ಟೀಸರ್ ನಿಂದ ಅಭಿಮಾನಿಗಳ ಗಮನ ಸೆಳೆದಿರುವ ಯುವರತ್ನ(Yuvarathnaa) ಈ ವರ್ಷದ ಬಹುನಿರೀಕ್ಷಿತ ಕನ್ನಡ ಚಿತ್ರಗಳಲ್ಲಿ ಇದು ಕೂಡ ಒಂದಾಗಿದೆ.ಏಪ್ರಿಲ್ ೧ ರಂದು ಬಿಡುಗಡೆಯಾಗಲಿರುವ ಈ ಚಿತ್ರವನ್ನು ನಿರ್ದೇಶಕ ಆನಂದ್ ರಾಮ್ ನಿರ್ದೇಶಿಸಿದ್ದಾರೆ.ಈಗ ಈ ಚಿತ್ರದ ಊರಿಗೊಬ್ಬ ರಾಜಾ ಎನ್ನುವ ಹಾಡನ್ನು ಹೊಂಬಾಳೆ ಫಿಲಂಸ್ ತನ್ನ ಯುಟೂಬ್ ಚಾನೆಲ್ ನಲ್ಲಿ ಬಿಡುಗಡೆ ಮಾಡಿದೆ.

ಈಗ ಯೂಟೂಬ್ ನಲ್ಲಿ ಬಿಡುಗಡೆಯಾದ ಕೆಲವೇ ನಿಮಿಷಗಳಲ್ಲಿ ಈ ಹಾಡನ್ನು 1.5 ಲಕ್ಷಕ್ಕೂ ಅಧಿಕ ಬಾರಿ ವೀಕ್ಷಿಸಲಾಗಿದೆ.ಈ ಚಿತ್ರದ ತಾರಾಗಣದಲ್ಲಿ ಸಾಯ್ಯೇಷಾ, ಸೋನು ಗೌಡಾ, ಧನಂಜಯ್, ಪ್ರಕಾಶ್ ರಾಜ್, ಅವರು ನಟಿಸಿದ್ದಾರೆ. ಈ ಚಿತ್ರಕ್ಕೆ ತಮನ್ ಸಂಗೀತ ನಿರ್ದೇಶನ ಮಾಡಿದ್ದಾರೆ.