ಸೋನಾಕ್ಷಿ ಸಿನ್ಹಾ ಅವರೊಂದಿಗಿನ ಸಂಬಂಧದ ಬಗ್ಗೆ ಮೌನ ಮುರಿದ ಜಹೀರ್ ಇಕ್ಬಾಲ್

ನವದೆಹಲಿ: ಸಲ್ಮಾನ್ ಖಾನ್ ಅವರ ನೋಟ್ಬುಕ್ ಚಿತ್ರದಿಂದ ಬಾಲಿವುಡ್ ಉದ್ಯಮಕ್ಕೆ ಪ್ರವೇಶಿಸಿರುವ ನಟ ಜಹೀರ್ ಇಕ್ಬಾಲ್ ಈ ದಿನಗಳಲ್ಲಿ ಮುಖ್ಯಾಂಶಗಳಲ್ಲಿರುವುದು ಅವರ ಚಿತ್ರದ ಬಗ್ಗೆ ಅಲ್ಲ ಅವರ ಲವ್ ಲೈಫ್ ಬಗ್ಗೆ. ಅಸಲಿಗೆ ಜಹೀರ್ ದಬಾಂಗ್ ನಟಿ ಸೋನಾಕ್ಷಿ ಸಿನ್ಹಾ ಜೊತೆ ಬಹಳ ದಿನಗಳಿಂದ ಡೇಟಿಂಗ್ ಮಾಡುತ್ತಿದ್ದಾನೆ ಎಂಬ ಸುದ್ದಿ ಹರಿದಾಡುತ್ತಿತ್ತು. ಈ ಸುದ್ದಿಯ ಕುರಿತು ಜಹೀರ್ ಇಕ್ಬಾಲ್ ಕೊನೆಗೂ ಮೌನ ಮುರಿದಿದ್ದಾರೆ.

ಸೋನಾಕ್ಷಿ ಸಿನ್ಹಾ (Sonakshi Sinha) ಅವರೊಂದಿಗೆ ಡೇಟಿಂಗ್ ಮಾಡಿದ ವಿಷಯ ಸತ್ಯಕ್ಕೆ ದೂರವಾದದು. ಸೋನಾಕ್ಷಿ ಮತ್ತು ನಾನೂ ಇಬ್ಬರೂ ಉತ್ತಮ ಸ್ನೇಹಿತರು. ಆದರೆ ನಾನು ಒಬ್ಬರೊಂದಿಗೆ ಡೇಟಿಂಗ್ ಮಾಡುತ್ತಿದ್ದದ್ದು ನಿಜ.  ಆದರೆ ಈಗ ಅವರೊಂದಿಗೆ ಬ್ರೇಕ್ ಅಪ್ ಆಗಿದೆ ಎಂದು ತಿಳಿಸಿದ್ದಾರೆ.

ಇದರೊಂದಿಗೆ ಸೋನಾಕ್ಷಿ ಮತ್ತು ನನ್ನ ನಡುವೆ ಅಫೇರ್ ಇದೇ ಎಂಬ ಸುದ್ದಿ ಕೇಳಿದಾಗ ನಾವಿಬ್ಬರೂ  ತುಂಬಾ ನಕ್ಕಿದ್ದೇವೆ ಎಂದು ಇಕ್ಬಾಲ್ ಹೇಳಿದ್ದಾರೆ. 

ನೋಟ್ಬುಕ್ ಚಿತ್ರದಲ್ಲಿ ಮೋಹನಿಶ್ ಬಹ್ಲ್ ಅವರ ಪುತ್ರಿ ಪ್ರಣುತಾನ್ ಬಹ್ಲ್ ಜಹೀರ್ ಇಕ್ಬಾಲ್ ಅವರೊಂದಿಗೆ ಕಾಣಿಸಿಕೊಂಡರು. ಆದರೆ ಈ ಚಿತ್ರವು ಗಲ್ಲಾಪೆಟ್ಟಿಗೆಯಲ್ಲಿ ಅಷ್ಟೇನೂ ಸದ್ದು ಮಾಡಲಿಲ್ಲ. 

ಸಲ್ಮಾನ್ ಖಾನ್ ಅವರ 'ಕಭಿ ಈದ್ ಕಭಿ ದಿವಾಲಿ' ಸಿನಿಮಾದಲ್ಲಿ ಕೂಡ ಜಹೀರ್ ಇಕ್ಬಾಲ್ ಅವರನ್ನು ಕಾಣಬಹುದು ಎಂಬ ವರದಿಗಳಿವೆ. ಈ ಚಿತ್ರದಲ್ಲಿ ಕೆಲಸ ಮಾಡುವ ಬಗ್ಗೆ ಕೇಳಲಾದ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಜಹೀರ್ 'ಏನು ಬೇಕಾದರೂ ಆಗಬಹುದು. ನನಗೆ ಗೊತ್ತಿಲ್ಲ. ಒಂದೊಮ್ಮೆ ಆ ಅವಕಾಶ ದೊರೆತರೆ ನಾನು ಬಹಳ ಸಂತೋಷವಾಗಿರುತ್ತೇನೆ' ಎಂದಿದ್ದಾರೆ.