BIG NEWS: Covishield, Covaxin ತುರ್ತು ಬಳಕೆಗೆ DCGI ಅನುಮತಿ, ನಿರ್ಣಯ ಸ್ವಾಗತಿಸಿದ WHO

ನವದೆಹಲಿ: DCGI Approval To Corona Vaccines: ನೂತನ ವರ್ಷದ ಆರಂಭದಲ್ಲಿಯೇ ಒಂದು ಸ್ವದೇಶಿ ಹಾಗೂ ಒಂದು ವಿದೇಶಿ ವ್ಯಾಕ್ಸಿನ್ ನ ತುರ್ತು ಬಳಕೆಗೆ ಹಸಿರು ನಿಶಾನೆ ದೊರೆತಿದೆ. ಈ ಕುರಿತು ಇಂದು ಬೆಳಗ್ಗೆ 11 ಗಂಟೆಗೆ ಪತ್ರಿಕಾಗೋಷ್ಠಿ ನಡೆಸಿರುವ ಡ್ರಗ್ಸ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ(DGCI) ವಿ. ಜಿ. ಸೋಮಾನಿ, ಜನವರಿ 1 ಹಾಗೂ ಜನವರಿ 2 ರಂದು ವಿಷಯ ತಜ್ಞರ ಸಮೀತಿ ಸಭೆ ನಡೆದಿದ್ದು, ಈ ಸಭೆ ಎರಡು ವ್ಯಾಕ್ಸಿನ್ ಗಳ ತುರ್ತು ಬಳಕೆಗೆ ಅನುಮತಿ ನೀಡಲು ಶಿಫಾರಸ್ಸು ಮಾಡಿದ್ದು, ಈ ಎರಡೂ ವ್ಯಾಕ್ಸಿನ್ ಗಳ ತುರ್ತು ಬಳಕೆಗೆ ಅನುಮೋದನೆ ನೀಡಲಾಗಿದೆ ಎಂದು ತಿಳಿಸಿದ್ದಾರೆ. 

ದೇಶದ ಜನರಿಗೆ ಹೊಸವರ್ಷದ ಶುಭಾಷಯ ಹೇಳಿದ ಅದರ್ ಪೂನಾವಾಲಾ 
ಈ ಕುರಿತು ಟ್ವೀಟ್ ಮಾಡಿರುವ ಸಿರಮ್ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಅದರ ಪೂನಾವಾಲಾ, ವ್ಯಾಕ್ಸಿನ್ ನ ದಾಸ್ತಾನು ಪ್ರಕ್ರಿಯೆಗೆ ಸೀರಮ್ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ ತೆಗೆದುಕೊಂಡ ಶ್ರಮಕ್ಕೆ ಅಂತಿಮವಾಗಿ ಯಶಸ್ಸು ಲಭಿಸಿದೆ. ಕೋವಿಶೀಲ್ಡ್ ಭಾರತದ ಮೊಟ್ಟ ಮೊದಲ ಕೊವಿಡ್-19 ಲಸಿಕೆಗೆ ಅನುಮೋದನೆ ದೊರೆತಿದೆ. ಸುರಕ್ಷಿತ, ಪರಿಣಾಮಕಾರಿ ಹಾಗೂ ಮುಂಬರುವ ವಾರಗಳಲ್ಲಿ ವಿತರಣೆಗೆ ಸಿದ್ಧ" ಎಂದು ಬರೆದುಕೊಂಡಿದ್ದಾರೆ.