Weight Loss Food: ಈ ಆಹಾರ ಸೇವನೆಯಿಂದ ತೂಕ ಇಳಿಕೆ ಜೊತೆಗೆ ಮಲಬದ್ಧತೆಯಿಂದಲೂ ಪರಿಹಾರ

Isabgol For Weight Loss:  ಸ್ಥೂಲಕಾಯತೆಯನ್ನು ಕಡಿಮೆ ಮಾಡುವುದು ಅಷ್ಟು ಸುಲಭವಲ್ಲ. ಇದಕ್ಕಾಗಿ ನಿತ್ಯ ಯೋಗ, ಜಿಮ್, ವ್ಯಾಯಾಮ ಮಾಡುವುದರ ಜೊತೆಗೆ ಆರೋಗ್ಯಕರ ಆಹಾರಗಳ ಸೇವನೆಯೂ ಅತ್ಯಗತ್ಯ. ಕೊರೊನಾವೈರಸ್ ಸಾಂಕ್ರಾಮಿಕ ರೋಗದ ಪ್ರಾರಂಭದ ನಂತರ, ಲಾಕ್‌ಡೌನ್‌ನಿಂದಾಗಿ ಬಹುತೇಕ ಜನರನ್ನು ಕಾಡುತ್ತಿರುವ ಸಮಸ್ಯೆ ಅತಿಯಾದ ತೂಕ ಹೆಚ್ಚಳ.  ವರ್ಕ್ ಫ್ರಮ್ ಹೋಂ ಸಂಸ್ಕೃತಿಯಿಂದಾಗಿ ದೈಹಿಕ ಚಟುವಟಿಕೆಗಳು ಕಡಿಮೆ ಆಗಿ ದೀರ್ಘಕಾಲ ಕುಳಿತು ಕೆಲಸ ಮಾಡುವುದರಿಂದ ಬಹಳ ವೇಗವಾಗಿ ತೂಕ ಹೆಚ್ಚಾಗಿದೆ ಎಂದು ಹಲವರು ದೂರುತ್ತಾರೆ. ಆದರೆ ಈಗ ತೂಕವನ್ನು ಕಳೆದುಕೊಳ್ಳುವುದು ತುಂಬಾ ಕಷ್ಟಕರ ಕೆಲಸವಾಗಿದೆ. 

ನಮ್ಮ ಡಯಟ್ ನಲ್ಲಿ ಕೆಲವು ಸರಳ ಆಹಾರಗಳನ್ನು ಸೇರಿಸುವುದರಿಂದ ತೂಕ ಕಡಿಮೆ ಮಾಡುವುದರ ಜೊತೆಗೆ ಮಲಬದ್ಧತೆ ಸಮಸ್ಯೆಯಿಂದಲೂ ಪರಿಹಾರ ಪಡೆಯಬಹುದು. ಅಂತಹ ಆಹಾರವೇ 'ಇಸಾಬ್ಗೋಲ್'. ಇಸಾಬ್ಗೋಲ್  ಎಂಬುದು ಒಂದು ರೀತಿಯ ಆರೋಗ್ಯಕರ ಹಿಟ್ಟು.  ಇಸಾಬ್ಗೋಲ್ ಅನ್ನು ಸೈಲಿಯಮ್ ಹೊಟ್ಟು ಎಂದೂ ಕರೆಯುತ್ತಾರೆ, ಇದನ್ನು ಪ್ಲಾಂಟಗೋ ಒವಾಟಾ ಸಸ್ಯದ ಬೀಜಗಳಿಂದ ಪಡೆಯಲಾಗಿದೆ.

ತೂಕವನ್ನು ಕಳೆದುಕೊಳ್ಳಲು ಇಸಾಬ್ಗೋಲ್:
ನೀವು ಹೆಚ್ಚುತ್ತಿರುವ ತೂಕವನ್ನು ಕಡಿಮೆ ಮಾಡಲು ಬಯಸಿದರೆ,  ಸುಲಭವಾದ ಪಾಕವಿಧಾನವನ್ನು ಅಳವಡಿಸಿಕೊಳ್ಳಬಹುದು. ಅಪೇಕ್ಷಿತ ಫಲಿತಾಂಶವನ್ನು ಪಡೆಯಲು, ನೀವು ದೈನಂದಿನ ಆಹಾರದಲ್ಲಿ ಇಸಾಬ್ಗೋಲ್ ಅನ್ನು ಸೇವಿಸಬಹುದು. ಇದರ ಪ್ರಯೋಜನಗಳು ನಿಮಗೆ ತಿಳಿದರೆ ನೀವು ಇದನ್ನು ಪ್ರತಿದಿನ ತಿನ್ನಲು ಪ್ರಾರಂಭಿಸುತ್ತೀರಿ.

ಇದನ್ನೂ ಓದಿ- ಡಯಾಬಿಟೀಸ್ ರೋಗಿಗಳಿಗೆ ಈ ನಾಲ್ಕು ತರಕಾರಿ ವಿಷವಿದ್ದಂತೆ..!

ಇಸಾಬ್ಗೋಲ್ ತೂಕವನ್ನು ಹೇಗೆ ಕಡಿಮೆ ಮಾಡುತ್ತದೆ?
ಇಸಾಬ್‌ಗೋಲ್‌ನಲ್ಲಿ ಕ್ಯಾಲೋರಿಗಳು ಬಹಳ ಕಡಿಮೆ ಪ್ರಮಾಣದಲ್ಲಿ ಕಂಡುಬರುತ್ತವೆ, ಆದರೂ ಇದನ್ನು ತಿನ್ನುವುದರಿಂದ ನಿಮಗೆ ದೀರ್ಘಕಾಲ ಹಸಿವಾಗುವುದಿಲ್ಲ, ತುಂಬಾ ಸಮಯದವರೆಗೆ ಹೊಟ್ಟೆ ತುಂಬಿದ ಅನುಭವವಾಗುತ್ತದೆ. ನೀವು ಇದನ್ನು ಪ್ರತಿದಿನ ಬೆಳಿಗ್ಗೆ ಉಪಾಹಾರವಾಗಿ ಸೇವಿಸಿದರೆ, ನಂತರ ತೂಕವು ತ್ವರಿತವಾಗಿ ಕಡಿಮೆಯಾಗುತ್ತದೆ ಮತ್ತು ಹೊಟ್ಟೆಯ ಸುತ್ತಲಿನ ಕೊಬ್ಬು, ಬೆಲ್ಲಿ ಫ್ಯಾಟ್ ಕಡಿಮೆ ಮಾಡುವಲ್ಲಿಯೂ ಸಹಕಾರಿ ಎಂದು ಹೇಳಲಾಗುತ್ತದೆ. 

ಮಲಬದ್ಧತೆ ಸಮಸ್ಯೆಯೂ ದೂರವಾಗುತ್ತದೆ:
ಇಸಾಬ್‌ಗೋಲ್‌ನಲ್ಲಿ ಫೈಬರ್ ಸಮೃದ್ಧವಾಗಿದೆ, ಇದು ಅಸಿಡಿಟಿ ಮತ್ತು ಮಲಬದ್ಧತೆಯ ಸಮಸ್ಯೆಗಳನ್ನು ಹೋಗಲಾಡಿಸುತ್ತದೆ ಮತ್ತು ಉದರ ಸಂಬಂಧಿತ ತೊಂದರೆಗಳನ್ನು ದೂರ ಮಾಡುತ್ತದೆ, ಅಲ್ಲದೆ ಇದನ್ನು ತಿನ್ನುವುದರಿಂದ ದೇಹದ ವಿಷಕಾರಿ ಅಂಶಗಳು ಹೊರಬರುತ್ತವೆ. 

ಇದನ್ನೂ ಓದಿ- Diabetes: ಡಯಾಬಿಟಿಸ್ ರೋಗಿಗಳು ಜೇನುತುಪ್ಪದೊಂದಿಗೆ ಇದನ್ನು ಸೇವಿಸಿದರೆ ಪ್ರಯೋಜನಕಾರಿ

ಇಸಾಬ್‌ಗೋಲ್‌ ಅನ್ನು ಹೇಗೆ ಬಳಸುವುದು:
ನೀವು ಇಸಾಬ್ಗೋಲ್ ಅನ್ನು ನೀರು ಅಥವಾ ಯಾವುದಾದರೂ ಹಣ್ಣಿನ ರಸ ಬೆರೆಸಿ ಕುಡಿಯಬಹುದು. ಕೆಲವರು ಇದರ ಸಿರಪ್ ತಯಾರಿಸಿ ಕುಡಿಯುತ್ತಾರೆ. 2 ಚಮಚ ಇಸಾಬ್ಗೋಲ್ ಅನ್ನು ನೀರಿನಲ್ಲಿ ಬೆರೆಸಿ ಸೇವಿಸುತ್ತಾರೆ. ಸಾಮಾನ್ಯವಾಗಿ ಜನರು ಇದನ್ನು ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ತಿನ್ನುತ್ತಾರೆ, ಆದರೆ ಇದನ್ನು ದಿನಕ್ಕೆ ಎರಡು ಬಾರಿ ಸೇವಿಸಬಹುದು ಎಂದು ಹೇಳಲಾಗುತ್ತದೆ.