ಆರೋಗ್ಯದ ಜೊತೆಗೆ ಸೌಂದರ್ಯಕ್ಕೂ ಪ್ರಯೋಜನಕಾರಿ ಅಗಸೆ ಬೀಜಗಳು

Flax Seed Benefits: ಅಗಸೆ ಬೀಜಗಳ ಬಗ್ಗೆ ನೀವು ಕೇಳಿರಬಹುದು. ಅಗಸೆ ಬೀಜಗಳು ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿ. ಮಧುಮೇಹ, ತೂಕ ಇಳಿಕೆ, ರಕ್ತದೊತ್ತಡ ಮೊದಲಾದ ಸಮಸ್ಯೆಗಳಿಂದ ಮುಕ್ತಿ ಪಡೆಯಲು ಅಗಸೆ ಬೀಜಗಳನ್ನು ಅತ್ಯುತ್ತಮ ಮನೆಮದ್ದು ಎಂದು ಹೇಳಲಾಗುತ್ತದೆ. ಆರೋಗ್ಯಕ್ಕೆ ಮಾತ್ರವಲ್ಲ ಅಗಸೆ ಬೀಜಗಳು ಚರ್ಮ ಮತ್ತು ಕೂದಲಿಗೂ ಕೂಡ ಪ್ರಯೋಜನಕಾಗಿ ಆಗಿದೆ. ಇತ್ತೀಚಿನ ದಿನಗಳಲ್ಲಿ ಕೆಟ್ಟ ಜೀವನಶೈಲಿ ಮತ್ತು ಆಹಾರ ಪದ್ಧತಿಯಿಂದ ಕೂದಲಿನ ಸಮಸ್ಯೆಗಳು ಹೆಚ್ಚಾಗುತ್ತಿವೆ. ಈ ಸಮಸ್ಯೆಯಿಂದ ಮುಕ್ತಿ ಪಡೆಯಲು ಅಗಸೆ ಬೀಜ ನಿಮಗೆ ಸಹಾಯಕವಾಗಿದೆ. 

ಅಗಸೆ ಬೀಜಗಳು ನಿಮ್ಮ ಕೂದಲಿಗೆ ಹೇಗೆ ಪ್ರಯೋಜನಕಾರಿ:
ಅಗಸೆ ಬೀಜಗಳಲ್ಲಿ ಪ್ರೋಟೀನ್, ಡಯೆಟರಿ ಫೈಬರ್, ಒಮೆಗಾ 3 ಕೊಬ್ಬಿನಾಮ್ಲಗಳು, ಉತ್ಕರ್ಷಣ ನಿರೋಧಕಗಳು, ವಿಟಮಿನ್ ಇ, ವಿಟಮಿನ್ ಬಿ, ಮ್ಯಾಂಗನೀಸ್, ಸೆಲೆನಿಯಮ್ ಮತ್ತು ಲಿನೋಲಿಕ್ ಆಮ್ಲದಂತಹ ಪೋಷಕಾಂಶಗಳು ಸಮೃದ್ಧವಾಗಿವೆ.  ಇವೆಲ್ಲವೂ ನಿಮ್ಮ ಕೂದಲಿನ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಅಗಸೆ ಬೀಜಗಳ ಸೇವನೆಯಿಂದ ಹೇರ್ ಫಾಲ್, ಜಡ ಕೂದಲು ಮುಂತಾದ ಸಮಸ್ಯೆಗಳಿಂದ ಪರಿಹಾರ ಪಡೆಯಬಹುದು. 

ಇದನ್ನೂ ಓದಿ- ರಕ್ತಹೀನತೆಯಿಂದ ಮಲಬದ್ಧತೆವರೆಗೆ ಹಲವು ಸಮಸ್ಯೆಗಳಿಗೆ ಪರಿಹಾರ ನೀಡುತ್ತೆ ಅಲೋವೆರಾ

ಅಗಸೆ ಬೀಜವನ್ನು ಕೂದಲನ್ನು ಕಂಡೀಷನ್ ಮಾಡಲು ಬಳಸಲಾಗುತ್ತದೆ. ಇದನ್ನು ಸೇವಿಸುವುದರಿಂದ ಕೂದಲಿಗೆ ಒಳಗಿನಿಂದ ಪೋಷಣೆ ದೊರೆಯುತ್ತದೆ. ಇದರ ಹೊರತಾಗಿ, ಶುಷ್ಕ ಕೂದಲು, ಕೂದಲು ಉದುರುವಿಕೆ, ಕೂದಲು ಒಡೆಯುವಿಕೆಯಂತಹ ಸಮಸ್ಯೆಗಳು ಕೂಡ ಕಡಿಮೆಯಾಗುತ್ತವೆ. ನಿಮ್ಮ ಕೂದಲು ತುಂಬಾ ಒಣಗಿದ್ದರೆ, ನೀವು ಅಗಸೆ ಬೀಜಗಳನ್ನು ಸೇವಿಸಬಹುದು. ಇದು ಕೂದಲಿಗೆ ನೈಸರ್ಗಿಕ ಹೊಳಪನ್ನು ನೀಡುತ್ತದೆ.

ಇದನ್ನೂ ಓದಿ- Peanut Side Effects: ಈ ಆರೋಗ್ಯ ಸಮಸ್ಯೆ ಇರುವವರು ಮರೆತೂ ಸಹ ಕಡಲೆಕಾಯಿ ತಿನ್ನಬಾರದು

ಅಗಸೆ ಬೀಜಗಳು ಉತ್ತಮ ಪ್ರಮಾಣದ ವಿಟಮಿನ್ ಇ ಮತ್ತು ಒಮೆಗಾ 3 ಕೊಬ್ಬಿನಾಮ್ಲಗಳನ್ನು ಹೊಂದಿರುತ್ತವೆ, ಇದು ಕೂದಲನ್ನು ತೇವಗೊಳಿಸುತ್ತದೆ, ಇದರಿಂದಾಗಿ ಕೂದಲು ಕಡಿಮೆ ಒಡೆಯುತ್ತದೆ ಮತ್ತು ತ್ವರಿತವಾಗಿ ಹಾಳಾಗುವುದಿಲ್ಲ. ಇದಲ್ಲದೆ, ಇದು ಕೂದಲನ್ನು ಮೃದು ಮತ್ತು ದಪ್ಪವಾಗಿಸುತ್ತದೆ.