Bubble Tea : ಗೂಗಲ್‌ ಡೂಡಲ್‌ನಲ್ಲಿ ಕಾಣಿಸಿಕೊಂಡ ʼಬಬಲ್‌ ಟೀʼ ಮಹತ್ವ ನಿಮಗೆ ಗೊತ್ತಾ..!

Bubble Tea Benefits : ಗೂಗಲ್ ತನ್ನ ಡೂಡಲ್‌ಗಳಿಂದಾಗಿ ಆಗಾಗ್ಗೆ ಚರ್ಚೆಯಲ್ಲಿ ಇರುತ್ತದೆ. ಡೂಡಲ್ ಕೇವಲ ಕೆಲವು ವಿಶೇಷ ದಿನ ಇಲ್ಲವೇ ಸಾಧಕರಿಗೆ ಗೌರವ ಸೂಚಿಸುವುದಕ್ಕಾಗಿ ಹಾಕಲಾಗುತ್ತದೆ. ಆದ್ರೆ ಇಂದು ಗೂಗಲ್‌ ಬಬಲ್‌ ಟೀನ ವಿಶೇಷ ಚಿತ್ರವನ್ನು ಹಂಚಿಕೊಂಡಿದ್ದು, ಪ್ರಪಂಚದಾದ್ಯಂತ ಬಬಲ್ ಟೀ ಜನಪ್ರಿಯತೆಯನ್ನು ಆಚರಿಸುತ್ತಿದೆ. ಬಬಲ್ ಟೀ ಒಂದು ವಿಶೇಷ ಪಾನೀಯವಾಗಿದೆ, ಇದು ಹೆಚ್ಚಾಗಿ ಕೊರಾನಾ ಸಾಂಕ್ರಾಮಿಕ ಸಮಯದಲ್ಲಿ ಜನಪ್ರಿಯವಾಯಿತು. 

ಕೊರೊನಾ ಅವಧಿಯಲ್ಲಿ ಬಬಲ್‌ ಟೀ ಜನಪ್ರಿಯತೆಯು ತುಂಬಾ ಹೆಚ್ಚಾಯಿತು, 2020 ರಲ್ಲಿ, ಈ ದಿನದಂದು ಇದನ್ನು ಎಮೋಜಿ ಎಂದು ಘೋಷಿಸಲಾಯಿತು. ಆದ್ರೆ, ಈ ಪಾನೀಯದ ಇತಿಹಾಸವು ತುಂಬಾ ಹಳೆಯದು. ಈ ಟೀ ಅನ್ನು ತೈವಾನ್‌ನಲ್ಲಿ ಹಲವು ವರ್ಷಗಳಿಂದ ಸೇವಿಸಲಾಗುತ್ತಿದೆ. 1980 ರ ದಶಕದಲ್ಲಿ ಬಬಲ್ ಟೀ ಕುಡಿಯಲು ಪ್ರಾರಂಭಿಸಲಾಯಿತು. ಈ ಚಹಾವನ್ನು ಪ್ರಪಂಚದಾದ್ಯಂತ ಪರ್ಲ್ ಟೀ, ಬ್ಲ್ಯಾಕ್ ಪರ್ಲ್ ಟೀ, ಬಿಗ್ ಪರ್ಲ್, ಪರ್ಲ್ ಶೇಕ್, ಬೋಬಾ ನೈ ಚಾಯ್ ಎಂಬ ಹೆಸರಿನಿಂದಲೂ ಕರೆಯಲಾಗುತ್ತದೆ. ಇದಕ್ಕೆ ಸಾಬುದಾನವನ್ನು ಸೇರಿಸಲಾಗುತ್ತದೆ, ಆದ್ದರಿಂದ ಇದಕ್ಕೆ ಬಬಲ್ ಟೀ ಎಂದು ಹೆಸರು. ಇದರೊಂದಿಗೆ ಐಸ್ ಅನ್ನು ಕೂಡ ಸೇರಿಸಲಾಗುತ್ತದೆ. ಅದರ ಉಪಯೋಗ ಈ ಕೆಳಗಿನಂತಿವೆ ನೋಡಿ..

ಇದನ್ನೂ ಓದಿ: ರಕ್ತದಲ್ಲಿನ ಸಕ್ಕರೆ ಪ್ರಮಾಣ ನಿಯಂತ್ರಿಸಬೇಕೆ? ನಿಮ್ಮ ನಿಯಮಿತ ಆಹಾರದಲ್ಲಿರಲಿ ಈ ಸಂಗತಿ

ಕಡಿಮೆ ರಕ್ತದೊತ್ತಡ : ಬಬಲ್ ಟೀ ರಕ್ತದೊತ್ತಡವನ್ನು ಕಡಿಮೆ ಮಾಡಲು ತುಂಬಾ ಪ್ರಯೋಜನಕಾರಿ ಎಂದು ಅನೇಕ ಅಧ್ಯಯನಗಳಲ್ಲಿ ಬಹಿರಂಗಪಡಿಸಲಾಗಿದೆ. ಈ ಚಹಾವು ದೇಹದಲ್ಲಿನ ಕೆಟ್ಟ ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡುತ್ತದೆ. ಇದು ಪಾರ್ಶ್ವವಾಯು ಮತ್ತು ಗಂಭೀರ ಹೃದಯ ಸಂಬಂಧಿ ಕಾಯಿಲೆಗಳ ಸಾಧ್ಯತೆಯನ್ನು ಕಡಿಮೆ ಮಾಡುತ್ತದೆ ಎನ್ನಲಾಗಿದೆ.

ಕ್ಯಾನ್ಸರ್ ಅಪಾಯವನ್ನು ಕಡಿಮೆ : ನೀವು ಬಬಲ್ ಟೀ ಸೇವಿಸಿದರೆ ಕ್ಯಾನ್ಸರ್ ಅಪಾಯವನ್ನು ಕಡಿಮೆ ಮಾಡುತ್ತದೆ. ಈ ಚಹಾವು ಕ್ಯಾನ್ಸರ್ ಕೋಶಗಳ ಮೇಲೆ ಪರಿಣಾಮ ಬೀರುತ್ತದೆ. ಇದನ್ನು ಕುಡಿಯುವುದರಿಂದ ಯಕೃತ್ತು, ಸ್ತನ, ಪ್ರಾಸ್ಟೇಟ್ ಮತ್ತು ಕೊಲೊರೆಕ್ಟಲ್ ಕ್ಯಾನ್ಸರ್‌ನಂತಹ ಮಾರಣಾಂತಿಕ ಕಾಯಿಲೆಗಳ ಅಪಾಯವನ್ನು ಕಡಿಮೆ ಮಾಡುತ್ತದೆ.

ರೋಗನಿರೋಧಕ ಶಕ್ತಿ ಹೆಚ್ಚಿಸುತ್ತದೆ : ಬಬಲ್ ಟೀ ತಯಾರಿಸಲು ಬಳಸುವ ಗ್ರೀನ್ ಟೀ ಬೇಸ್ ಆಂಟಿಆಕ್ಸಿಡೆಂಟ್‌ಗಳಲ್ಲಿ ಸಮೃದ್ಧವಾಗಿದೆ. ಈ ಗುಣದಿಂದಾಗಿ, ಈ ಚಹಾವು ನಮ್ಮ ರೋಗನಿರೋಧಕ ಶಕ್ತಿಯನ್ನು ಬಲಪಡಿಸುತ್ತದೆ. ಅಲ್ಲದೆ, ಇದರಲ್ಲಿ ಬಳಸುವ ಹಣ್ಣುಗಳಾದ ಬೆರಿಹಣ್ಣುಗಳು, ಸ್ಟ್ರಾಬೆರಿಗಳು ಹೆಚ್ಚಿನ ಪ್ರಮಾಣದಲ್ಲಿ ವಿಟಮಿನ್ ಸಿ ಹೊಂದಿರುತ್ತವೆ. ಇದು ರೋಗನಿರೋಧಕ ಶಕ್ತಿಯನ್ನು ಬಲಪಡಿಸಲು ಸಹಾಯ ಮಾಡುತ್ತದೆ.

ಶಕ್ತಿಯನ್ನು ಹೆಚ್ಚಿಸಿ : ಬಬಲ್ ಟೀಯಲ್ಲಿರುವ ಹೆಚ್ಚಿನ ಪ್ರಮಾಣದ ಸಕ್ಕರೆಯು ತ್ವರಿತ ಶಕ್ತಿ ಬೂಸ್ಟರ್ ಆಗಿ ಕಾರ್ಯನಿರ್ವಹಿಸುತ್ತದೆ. ತೈವಾನ್‌ನ ಈ ಅತ್ಯಂತ ಜನಪ್ರಿಯ ಆರೋಗ್ಯ ಪಾನೀಯದಲ್ಲಿ ಕೆಫೀನ್ ಅನ್ನು ಸಹ ಬಳಸಲಾಗುತ್ತದೆ, ಇದು ದಿನದ ಆಯಾಸವನ್ನು ತೆಗೆದುಹಾಕುವ ಮೂಲಕ ಶಕ್ತಿಯನ್ನು ಹೆಚ್ಚಿಸಲು ತುಂಬಾ ಸಹಾಯಕವಾಗಿದೆ.

ಸೂಚನೆ : ಲೇಖನದಲ್ಲಿ ಉಲ್ಲೇಖಿಸಲಾದ ಸಲಹೆಗಳು ಮಾಹಿತಿ ಉದ್ದೇಶಕ್ಕಾಗಿ ಮಾತ್ರ ಬಳಸುವ ಮುನ್ನ ವೃತ್ತಿಪರ ವೈದ್ಯಕೀಯ ಸಲಹೆ ಪಡೆಯುವುದು ಉತ್ತಮ. ಬಬಲ್‌ ಟೀ ಸೇವಿಸುವ ಮುನ್ನ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ ಅಭಿಪ್ರಾಯ ಪಡೆಯುವುದು ಒಳಿತು.