ವಿಶ್ವದ 2ನೇ ಅತ್ಯುತ್ತಮ ಪಾನೀಯ ಸ್ಥಾನದಲ್ಲಿ ʼಮಸಾಲಾ ಚಾಯ್ʼ..! ಮಾಡುವ ಸರಳ ವಿಧಾನ ಇಲ್ಲಿದೆ

How to make Masala Chai : ಮಸಾಲಾ ಚಾಯ್ ತುಂಬಾ ಟೇಸ್ಟಿ ಮತ್ತು ಪರಿಮಳಯುಕ್ತ ಚಾಯ್ ಆಗಿದೆ. ಭಾರತೀಯರು ಇದನ್ನು ಕುಡಿಯಲು ತುಂಬಾ ಇಷ್ಟಪಡುತ್ತಾರೆ. ಮಸಾಲಾ ಚಾಯ್‌ ಎಂದರೆ ಮಸಾಲೆ ಪದಾರ್ಥಗಳನ್ನು ಹಾಕಿ ಮಾಡಿದ ಚಹಾ ಅಷ್ಟೇ. ಅನೇಕ ಜನರು ಈ ಮಸಾಲಾ ಚಹಾವನ್ನು ವಿವಿಧ ರೀತಿಯಲ್ಲಿ ತಯಾರಿಸುತ್ತಾರೆ. ಈ ಚಾಯ್ಗೆ ಮಸಾಲೆ, ಹಾಲು ಮತ್ತು ನೀರನ್ನು ಬಳಸಲಾಗುತ್ತದೆ.

ಚಳಿಗಾಲದಲ್ಲಿ ಈ ಮಸಾಲಾ ಚಾಯ್ ಕುಡಿಯುವುದರಿಂದ ದೇಹವು ಬೆಚ್ಚಗಿರುತ್ತದೆ. ಮಸಾಲೆಗಳೊಂದಿಗೆ ತಯಾರಿಸಲಾದ ಈ ಚಾಯ್ ಜೀರ್ಣಾಂಗ ವ್ಯವಸ್ಥೆಯನ್ನು ಹೆಚ್ಚಿಸಲು ಮತ್ತು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ತುಂಬಾ ಸಹಾಯಕವಾಗಿದೆ. ಇದು ರಕ್ತ ಪರಿಚಲನೆಯನ್ನೂ ಸುಧಾರಿಸುತ್ತದೆ.

ಇದನ್ನೂ ಓದಿ:ಪ್ರತಿದಿನ ಮೌತ್ ವಾಶ್ ಬಳಸುತ್ತಿದ್ದೀರಾ? ಆದರೆ ಇದನ್ನು ತಿಳಿದರೆ ಶಾಕ್ ಆಗುತ್ತೀರಿ

ಈ ಮಸಾಲಾ ಚಾಯ್ ಪ್ರಸ್ತುತ ವಿಶ್ವದ 2ನೇ ಅತ್ಯುತ್ತಮ ಪಾನೀಯ ಎಂದು ಹೆಸರಿಸಲಾಗಿದೆ. ಟೇಸ್ಟ್ ಅಟ್ಲಾಸ್ ಪ್ರಮುಖ ಆಹಾರ ಮತ್ತು ಪಾನೀಯ ಮಾರ್ಗದರ್ಶಿ ಪ್ರಕಾರ, ಆಲ್ಕೊಹಾಲ್ಯುಕ್ತವಲ್ಲ ಪಾನೀಯಗಳಲ್ಲಿ ಮಸಾಲೆ ಚಹಾವು ಇಡೀ ಪ್ರಪಂಚದಲ್ಲಿ ಹೆಚ್ಚು ಸೇವಿಸುವ ಡ್ರಿಂಕ್ಸ್‌ ಆಗಿದೆ.. ಮೆಕ್ಸಿಕೋದ ಅಗುವಾಸ್ ಫ್ರೆಸ್ಕಾಸ್ ನಂತರ ಮಸಾಲಾ ಚಾಯ್‌ ಅಗ್ರಸ್ಥಾನದಲ್ಲಿದೆ. ಮೆಕ್ಸಿಕೋದ ಅಗುವಾಸ್ ಫ್ರೆಸ್ಕಾಸ್ ಅನ್ನು ಹಣ್ಣುಗಳು, ಸೌತೆಕಾಯಿಗಳು, ಕಾಳುಗಳು, ಸಕ್ಕರೆ ಮತ್ತು ನೀರಿನಿಂದ ತಯಾರಿಸಲಾಗುತ್ತದೆ. ಲಸ್ಸಿ ಭಾರತದಲ್ಲಿ ಮೂರನೇ ಸ್ಥಾನದಲ್ಲಿದೆ.

ಮಸಾಲಾ ಟೀ ಸೇವನೆಯಿಂದ ಜೀರ್ಣಕ್ರಿಯೆ ಸಮಸ್ಯೆ ನಿವಾರಣೆಯಾಗುತ್ತದೆ. ಚಾಯ್‌ನಲ್ಲಿ ಬಳಸುವ ಲವಂಗದಂತಹ ಮಸಾಲೆಗಳು ಉರಿಯೂತದ ಗುಣಲಕ್ಷಣಗಳನ್ನು ಗುಣಪಡಿಸುತ್ತದೆ. ಇದು ಹೊಟ್ಟೆಯ ಉರಿಯೂತ, ನೋವು ಮತ್ತು ಗಾಯಗಳನ್ನು ಗುಣಪಡಿಸಲು ಸಹಾಯ ಮಾಡುತ್ತದೆ. ಆದರೆ ಈ ಗುಣಗಳಿರುವ ಟೀಯನ್ನು ನೀವು ಪ್ರತಿದಿನ ಸೇವಿಸಿದರೆ ಅದು ನಿಮ್ಮ ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿ. ಆದರೆ ಈ ಚಾಯ್ ಮಾಡುವುದು ಹೇಗೆ? ಇಲ್ಲಿದೆ ನೋಡಿ ಸರಳ ವಿಧಾನ..

ಮಸಾಲಾ ಟೀಗೆ ಬೇಕಾಗುವ ಪದಾರ್ಥಗಳು

ಲವಂಗ ಮೂರು ಸ್ಪೂನ್‌
¼ ಕಪ್ ಏಲಕ್ಕಿ
1 ½ ಕಪ್ ಕರಿಮೆಣಸು
ಎರಡು ದಾಲ್ಚಿನ್ನಿ ತುಂಡುಗಳು
¼ ಕಪ್ ಪುಡಿಮಾಡಿದ ಶುಂಠಿ 
ಒಂದು ಚಮಚ ಜಾಯಿಕಾಯಿ ಪುಡಿ

ಮಸಾಲಾ ಟೀ ತಯಾರಿಸುವ ವಿಧಾನ: ಮೊದಲು ನಾನ್ ಸ್ಟಿಕ್ ಪ್ಯಾನ್‌ನಲ್ಲಿ ಲವಂಗ, ಏಲಕ್ಕಿ, ಮೆಣಸು ಮತ್ತು ದಾಲ್ಚಿನ್ನಿ ಹಾಕಿ ಒಂದು ನಿಮಿಷ ಫ್ರೈ ಮಾಡಿ. ಈಗ ಇವುಗಳ ತಟ್ಟೆಯನ್ನು ತೆಗೆದುಕೊಳ್ಳಿ. ಎಲ್ಲಾ ಮಸಾಲೆಗಳನ್ನು ತಣ್ಣಗಾದ ನಂತರ, ಶುಂಠಿ ಮತ್ತು ಜಾಯಿಕಾಯಿ ಸೇರಿಸಿ ಮತ್ತು ಅವುಗಳನ್ನು ಮಿಕ್ಸಿಯಲ್ಲಿ ರುಬ್ಬಿಕೊಳ್ಳಿ. ಈಗ ಒಂದು ಕಪ್‌ನಲ್ಲಿ ಚಿಟಿಕೆ ಮಸಾಲಾ ಸೇರಿಸಿ ಮತ್ತು ಚಾಯ್ ಮಾಡಿ. ರುಚಿಕರವಾದ ಮಸಾಲಾ ಟೀ ರೆಡಿ.. ಇದನ್ನು ಕುಡಿಯುವುದರಿಂದ ಆರೋಗ್ಯ ಸಮಸ್ಯೆಗಳು ಕಾಡುವುದಿಲ್ಲ ಎನ್ನುತ್ತಾರೆ ಆರೋಗ್ಯ ತಜ್ಞರು.