ಯಾವುದೇ ಖರ್ಚಿಲ್ಲದೆ ತಲೆಹೊಟ್ಟು ಸಮಸ್ಯೆ ನಿವಾರಣೆಗೆ ಈ ಎಲೆಗಳನ್ನು ಬಳಸಿ..!

Hair care tips : ತಲೆಹೊಟ್ಟು ಬೆಳವಣಿಗೆಯಿಂದಾಗಿ ಕೂದಲು ದುರ್ಬಲವಾಗುತ್ತದೆ. ಅಲ್ಲದೆ ಇದರಿಂದ ಕೂದಲು ಉದುರುತ್ತದೆ. ತಲೆಹೊಟ್ಟು ಇರುವುದರಿಂದ ಅನೇಕ ಜನರು ಸೋಂಕಿಗೆ ಒಳಗಾಗುತ್ತಾರೆ. ಚಳಿಗಾಲದಲ್ಲಿ ತಲೆಹೊಟ್ಟು ಸೇರಿದಂತೆ ಮುಂತಾದ ಸಮಸ್ಯೆಗಳ ಜೊತೆಗೆ ಕೂದಲು ಒಣಗುತ್ತದೆ. ಇಂತಹ ಸಮಸ್ಯೆಗಳಿಂದ ಬಳಲುತ್ತಿರುವವರು ಹಲವಾರು ಮನೆ ಮದ್ದುಗಳನ್ನು ಬಳಸಬಹುದು. ವಿಶೇಷವಾಗಿ ನೀವು ಆಯುರ್ವೇದ ತಜ್ಞರು ಸೂಚಿಸಿದ ಕರಿಬೇವಿನ ಪುಡಿಯಿಂದ ಮಾಡಿದ ಕೆಲವು ಮದ್ದುಗಳನ್ನು ಬಳಸಿದರೆ, ತಲೆಹೊಟ್ಟು ಮತ್ತು ಇತರ ಸಮಸ್ಯೆಗಳಿಂದ ಸುಲಭವಾಗಿ ಪರಿಹಾರವನ್ನು ಕಂಡುಕೊಳ್ಳಬಹುದು.

ಕರಿಬೇವು : ಕರಿಬೇವಿನ ಎಲೆಗಳು ಪ್ರೋಟೀನ್, ವಿಟಮಿನ್, ಕಬ್ಬಿಣ, ಬೀಟಾ ಕ್ಯಾರೋಟಿನ್, ಕ್ಯಾಲ್ಸಿಯಂ ಮತ್ತು ರಂಜಕದಂತಹ ಅನೇಕ ಪೋಷಕಾಂಶಗಳನ್ನು ಹೊಂದಿರುತ್ತವೆ. ಇದಲ್ಲದೆ, ಇದು ಬ್ಯಾಕ್ಟೀರಿಯಾ ವಿರೋಧಿ ಮತ್ತು ಉರಿಯೂತದ ಗುಣಲಕ್ಷಣಗಳನ್ನು ಹೊಂದಿದೆ. ಕರಿಬೇವಿನ ಮಿಶ್ರಣವನ್ನು ಕೂದಲಿಗೆ ಹಚ್ಚುವುದರಿಂದ ಉತ್ತಮ ಫಲಿತಾಂಶ ಪಡೆಯಬಹುದು.

ಇದನ್ನೂ ಓದಿ: ಕೂದಲು ಉದುರುವಿಕೆ, ಬಿಳಿ ಕೂದಲಿಗೆ ಅತ್ಯುತ್ತಮ ಪರಿಹಾರ.. ʼಫ್ಲಾಕ್ಸ್ ಸೀಡ್ ಹೇರ್ ಸ್ಪಾʼ..!

ಮೊಸರು : ಮೊಸರು ಮತ್ತು ಕರಿಬೇವಿನ ಪುಡಿಯ ಮಿಶ್ರಣದ ಹೇರ್ ಪ್ಯಾಕ್ ತಯಾರಿಸಿ ಕೂದಲಿಗೆ ಹಚ್ಚುವುದರಿಂದ ಒಳ್ಳೆಯ ಲಾಭ ಸಿಗುತ್ತದೆ. ಈ ಮಿಶ್ರಣವನ್ನು ಕೂದಲಿಗೆ ನಿಯಮಿತವಾಗಿ ಬಳಸುವುದರಿಂದ ತಲೆಹೊಟ್ಟು ಸಮಸ್ಯೆಗಳನ್ನು ತಡೆಯಬಹುದು. ಇದಲ್ಲದೇ ಬಿಳಿ ಕೂದಲನ್ನೂ ಸುಲಭವಾಗಿ ನಿವಾರಿಸಬಹುದು. 

ಕರಿಬೇವಿನ ನೀರು: ಕರಿಬೇವಿನ ಸೊಪ್ಪನ್ನು ಕುದಿಸಿ, ನೆತ್ತಿಯ ಮೇಲಿಂದ ಕೂದಲಿಗೆ ಹಚ್ಚುವುದರಿಂದ ಕೂದಲಿನಲ್ಲಿರುವ ಹೊಟ್ಟಿನ ಸಮಸ್ಯೆ ನಿವಾರಣೆಯಾಗುತ್ತದೆ ಎನ್ನುತ್ತಾರೆ ಆಯುರ್ವೇದ ತಜ್ಞರು. ಇದರ ಗುಣಗಳು ಸೋಂಕನ್ನು ದೂರವಿಡುತ್ತವೆ. ಆದ್ದರಿಂದ ತಲೆ ಸ್ನಾನ ಮಾಡುವ ಮುನ್ನ ಈ ನೀರನ್ನು ಕೂದಲಿಗೆ ಹಚ್ಚುವುದರಿಂದ ಉತ್ತಮ ಫಲಿತಾಂಶ ದೊರೆಯುತ್ತದೆ. ಅಲ್ಲದೆ, ಇದು ಕೂದಲು ಉದುರುವುದನ್ನು ತಡೆಯುತ್ತದೆ.