ಬೆಂಗಳೂರು : ನಿಯಮಿತ ವ್ಯಾಯಾಮ ಆರೋಗ್ಯಕ್ಕೆ ಹಲವು ರೀತಿಯ ಅನುಕೂಲಗಳನ್ನು ನೀಡುತ್ತದೆ ಎಂದು  ನಮಗೆಲ್ಲರಿಗೂ ತಿಳಿದಿದೆ. ತೂಕ ಇಳಿಸಿಕೊಳ್ಳುವುದು ಅಥವಾ ತೂಕ ಹೆಚ್ಚಿಸುವುದು, ರೋಗಗಳಿಂದ ದೂರವಿರುವುದು ಅಥವಾ ಮನಸ್ಥಿತಿಯನ್ನು ಸುಧಾರಿಸುವುದು, ದೇಹದ ಶಕ್ತಿಯನ್ನು ಹೆಚ್ಚಿಸುವುದು ಅಥವಾ ಉತ್ತಮ ನಿದ್ರೆ ಪಡೆಯುವುದು ಹೀಗೆ ಹಲವು ರೀತಿಯಲ್ಲಿ ವ್ಯಾಯಾಮವು ನಿಮಗೆ ಸಹಾಯ ಮಾಡುತ್ತದೆ. ಆದರೆ ಬುದ್ಧಿಮಾಂದ್ಯತೆ ಮತ್ತು ಆಲ್ ಜೈಮರ್ ಸಮಸ್ಯೆ ಹೊಂದಿರುವವರು ನಿಯಮಿತವಾಗಿ ವ್ಯಾಯಾಮ ಮಾಡಿದರೆ ಅವರ ಮೆಮೊರಿ ನಷ್ಟ ಪ್ರಕ್ರಿಯೆಯನ್ನು ನಿಧಾನಗೊಳಿಸಬಹುದು ಎಂದು ನಿಮಗೆ ತಿಳಿದಿದೆಯೇ?


COMMERCIAL BREAK
SCROLL TO CONTINUE READING

ಮೆಮೊರಿ ನಷ್ಟದ ಸಮಸ್ಯೆಗೆ ರಾಮಬಾಣ ಏರೋಬಿಕ್ಸ್ :
ಹೊಸ ಸಂಶೋಧನೆಯ ಪ್ರಕಾರ, ನಿಯಮಿತ ವ್ಯಾಯಾಮ, ವಿಶೇಷವಾಗಿ ಏರೋಬಿಕ್ ವ್ಯಾಯಾಮ (Aerobic Exercise), ಆಲ್ ಜೈಮರ್ ಮತ್ತು ಬುದ್ಧಿಮಾಂದ್ಯದ ಸಮಸ್ಯೆ ಇರುವವರ ಸ್ಮರಣೆಯಲ್ಲಿನ ಮೆಮೊರಿ ನಷ್ಟವನ್ನು (Memory loss) ನಿಧಾನಗೊಳಿಸಲು ಸಹಾಯ ಮಾಡುತ್ತದೆ. ಇತ್ತೀಚೆಗೆ ಜರ್ನಲ್ ಆಫ್ ಆಲ್ ಜೈಮರ್ ಕಾಯಿಲೆಯಲ್ಲಿ ಈ ಸಂಶೋಧನೆಯನ್ನು ಪ್ರಕಟಿಸಲಾಗಿದೆ. ಅಮೆರಿಕದ ಅರಿಜೋನಾ ಸ್ಟೇಟ್ ಯೂನಿವರ್ಸಿಟಿಯ ಎಡ್ಸನ್ ಕಾಲೇಜ್ ಆಫ್ ನರ್ಸಿಂಗ್ ಮತ್ತು ಹೆಲ್ತ್ ಇನ್ನೋವೇಶನ್‌ನ ಪ್ರಾಧ್ಯಾಪಕ ಫಾಂಗ್ ಯು ಈ ಅಧ್ಯಯನವನ್ನು ನಡೆಸಿದ್ದು, ಇದರಲ್ಲಿ 96 ವೃದ್ಧರು ಸೇರಿದ್ದಾರೆ. ಈ ಎಲ್ಲ ವೃದ್ಧರಲ್ಲಿ ಆಲ್ ಜೈಮರ್ನ ಬುದ್ಧಿಮಾಂದ್ಯತೆಯ ಸೌಮ್ಯ ಮತ್ತು ಮಧ್ಯಮ ಲಕ್ಷಣಗಳು ಕಂಡು ಬಂದಿತ್ತು ಎಂದು ಹೇಳಲಾಗಿದೆ.


ಇದನ್ನೂ ಓದಿ - Health Tips: ಕೇವಲ ಒಂದು ತಿಂಗಳು ಪ್ರತಿದಿನ ಕುಂಬಳಕಾಯಿ ಸೇವಿಸಿ, ಉತ್ತಮ ಆರೋಗ್ಯ ನಿಮ್ಮದಾಗಿಸಿ


6 ತಿಂಗಳ ಕಾಲ ನಿಯಮಿತವಾಗಿ ಏರೋಬಿಕ್ಸ್ ಮಾಡುವುದರಿಂದಾಗುವ ಪ್ರಯೋಜನಗಳು :
'ಆರಂಭಿಕ ಸಂಶೋಧನಾ ಫಲಿತಾಂಶಗಳು ಆಲ್ ಜೈಮರ್ನ ಬುದ್ಧಿಮಾಂದ್ಯ ರೋಗಿಗಳಲ್ಲಿ ನೆನಪಿಡುವ ಸಾಮರ್ಥ್ಯವನ್ನು (ಅರಿವಿನ ಸಾಮರ್ಥ್ಯವನ್ನು) ಸ್ವಾಭಾವಿಕವಾಗಿ ಕಡಿಮೆ ಮಾಡುತ್ತದೆ ಅಥವಾ ಬದಲಾಯಿಸುತ್ತದೆ ಎಂದು ಸೂಚಿಸುತ್ತದೆ. ಆದರೆ ರೋಗಿಯು 6 ತಿಂಗಳ ಕಾಲ ನಿರಂತರವಾಗಿ ಏರೋಬಿಕ್ ವ್ಯಾಯಾಮ ಮಾಡಿದರೆ ಆಲ್ ಜೈಮರ್ ಮತ್ತು ಬುದ್ಧಿಮಾಂದ್ಯ ರೋಗಿಗಳಲ್ಲಿ ಏರೋಬಿಕ್ ವ್ಯಾಯಾಮವನ್ನು ತಮ್ಮ ಅರಿವಿನ ಮತ್ತು ಆಲೋಚನಾ ಸಾಮರ್ಥ್ಯವನ್ನು ಕಾಪಾಡಿಕೊಳ್ಳಲು ಉತ್ತೇಜಿಸುವ ಕ್ಲಿನಿಕಲ್ ಸೂಕ್ತತೆಯನ್ನು ಉತ್ತೇಜಿಸುತ್ತದೆ ಎಂದು ಸಂಶೋಧನೆಯ ಫಲಿತಾಂಶಗಳಿಂದ ತಿಳಿದುಬಂದಿದೆ ಎಂದು ಅಧ್ಯಯನದ ಲೇಖಕ ಫಾಂಗ್ ಯು ಹೇಳಿದ್ದಾರೆ.


ಇದನ್ನೂ ಓದಿ -  Vitamin C ಸಮೃದ್ಧವಾಗಿರುವ ಈ 5 ಆಹಾರಗಳನ್ನು ಸೇವಿಸಿ ರೋಗನಿರೋಧಕ ಶಕ್ತಿ ಹೆಚ್ಚಿಸಿ


ಏರೋಬಿಕ್ಸ್ ಅನ್ನು ಹೆಚ್ಚುವರಿ ಚಿಕಿತ್ಸೆಯಾಗಿ ಬಳಸಬಹುದು :
"ಏರೋಬಿಕ್ಸ್ ಕಡಿಮೆ ಪ್ರೊಫೈಲ್ ವ್ಯಾಯಾಮವಾಗಿರುವುದರಿಂದ ಬುದ್ಧಿಮಾಂದ್ಯತೆಯಿಂದ ಬಳಲುತ್ತಿರುವ ಆಲ್ ಜೈಮರ್ ಮತ್ತು ವೃದ್ಧರಲ್ಲಿ ಏರೋಬಿಕ್ ವ್ಯಾಯಾಮದ ಯಾವುದೇ ಅಡ್ಡಪರಿಣಾಮಗಳು ಕಂಡುಬಂದಿಲ್ಲ ಎಂದು ನಮ್ಮ ಸಂಶೋಧನಾ ಪ್ರಯೋಗದಲ್ಲಿ ಗಮನಿಸಲಾಗಿದೆ. ಆದ್ದರಿಂದ ಏರೋಬಿಕ್ ವ್ಯಾಯಾಮವನ್ನು ಆಲ್ ಜೈಮರ್ ಮತ್ತು ಬುದ್ಧಿಮಾಂದ್ಯತೆಯ ರೋಗಿಗಳಿಗೆ ಹೆಚ್ಚುವರಿ ಚಿಕಿತ್ಸೆಯಾಗಿ ಬಳಸಬಹುದು ಎಂದು ಸಂಶೋಧಕರು ತಿಳಿಸಿದ್ದಾರೆ.


ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe 
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.