ನವದೆಹಲಿ: ಭಾರತದ ಕಾಗದ ಆಧಾರಿತ ಟೆಸ್ಟ್ ಸ್ಟ್ರಿಪ್ ಫೆಲುಡಾ  (Feluda) ಕೊರೊನಾವೈರಸ್‌ (Coronavirus)ನೊಂದಿಗಿನ ಯುದ್ಧದಲ್ಲಿ ಗೇಮ್ ಚೇಂಜರ್ ಎಂದು ಸಾಬೀತುಪಡಿಸಬಹುದು. ಶೀಘ್ರದಲ್ಲೇ ಈ ಟೆಸ್ಟ್ ಸ್ಟ್ರಿಪ್ ಮಾರುಕಟ್ಟೆಗೆ ಪ್ರವೇಶಿಸಲು ಸಿದ್ಧವಾಗಿದೆ.


COMMERCIAL BREAK
SCROLL TO CONTINUE READING

ಡ್ರಗ್ಸ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ ಕಳೆದ ತಿಂಗಳು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿಯ ಗುಣಮಟ್ಟದ ಮಾನದಂಡವನ್ನು ಪೂರೈಸಿದ ನಂತರ FELUDA (FnCas9 Editor Linked Uniform Detection Assay ) ಗೆ ಅನುಮೋದನೆ ನೀಡಿತು. ಫೆಲುಡಾ ಶೀಘ್ರದಲ್ಲೇ ಮಾರುಕಟ್ಟೆಯಲ್ಲಿ ಲಭ್ಯವಾಗಲಿದೆ ಎಂದು ಕೇಂದ್ರ ಆರೋಗ್ಯ ಸಚಿವ ಡಾ.ಹರ್ಷ್ ವರ್ಧನ್ (Dr Harsh Vardhan) ಸ್ವಲ್ಪ ಸಮಯದ ಹಿಂದೆ ಹೇಳಿದ್ದಾರೆ.


ಚಳಿಗಾಲದಲ್ಲಿ ಇನ್ನೂ ತೀವ್ರಗೊಳ್ಳಲಿದೆ ಕೊರೊನಾ, ಎಚ್ಚರಿಕೆ ನೀಡಿದ ವಿಜ್ಞಾನಿಗಳು...!


ಇದನ್ನು ವೈಜ್ಞಾನಿಕ ಮತ್ತು ಕೈಗಾರಿಕಾ ಸಂಶೋಧನಾ ಮಂಡಳಿಯ (ಸಿಎಸ್‌ಐಆರ್) ಯುವ ವಿಜ್ಞಾನಿಗಳ ತಂಡ ಸಿದ್ಧಪಡಿಸಿದೆ. ಫೆಲುಡಾದಿಂದ ಪರೀಕ್ಷಾ ಫಲಿತಾಂಶಗಳನ್ನು ಕೆಲವೇ ನಿಮಿಷಗಳಲ್ಲಿ ಪಡೆಯಬಹುದು. ಆದರೆ ಪ್ರಸ್ತುತ ಆರ್‌ಟಿ-ಪಿಸಿಆರ್ ಕಿಟ್ ಇದಕ್ಕಾಗಿ 4 ರಿಂದ 5 ಗಂಟೆಗಳನ್ನು ತೆಗೆದುಕೊಳ್ಳುತ್ತದೆ. 


ಸಿಎಸ್ಐಆರ್ ಮಹಾನಿರ್ದೇಶಕ ಶೇಖರ್ ಸಿ ಮಾಂಡೆ ಮಾತನಾಡಿ, ಫೆಲುಡಾ ಪರೀಕ್ಷೆಯಲ್ಲಿ ಸಮಯವನ್ನು ಉಳಿಸುತ್ತದೆ. ಇದು ಕೇವಲ 30 ನಿಮಿಷಗಳಲ್ಲಿ ಫಲಿತಾಂಶವನ್ನು ನೀಡುತ್ತದೆ. ಆದರೆ ಆರ್‌ಟಿ ಪಿಸಿಆರ್ 4 ರಿಂದ 5 ಗಂಟೆ ತೆಗೆದುಕೊಳ್ಳುತ್ತದೆ. ಇದಲ್ಲದೆ ಫೆಲುಡಾ ಆರ್‌ಟಿ ಪಿಸಿಆರ್ ಟೆಸ್ಟ್ ಕಿಟ್‌ಗಿಂತ ಮೂರರಿಂದ ಐದು ಪಟ್ಟು ಅಗ್ಗವಾಗಿದೆ ಎಂದು ತಿಳಿಸಿದ್ದಾರೆ.


Good News!ಭಾರತದಲ್ಲಿ COVID-19 ಲಸಿಕೆ ಲಭ್ಯತೆಯ ಬಗ್ಗೆ ಆರೋಗ್ಯ ಸಚಿವರಿಂದ ಮಹತ್ವದ ಘೋಷಣೆ


ಪ್ರೆಗ್ನೆನ್ಸಿ ಟೆಸ್ಟ್ ಕಿಟ್ ರೀತಿಯಲ್ಲಿ...
COVID-19 ಪರೀಕ್ಷೆಗೆ  (Covid Test) ಅಭಿವೃದ್ಧಿಪಡಿಸಿದ ಫೆಲುಡಾ ಪರೀಕ್ಷೆಯು ಪ್ರೆಗ್ನೆನ್ಸಿ ಟೆಸ್ಟ್ ಕಿಟ್ ರೀತಿಯ ಪರೀಕ್ಷೆಯನ್ನು ಹೋಲುತ್ತದೆ. ಈ ಸ್ಟ್ರಿಪ್ ಅನ್ನು ಪಾತ್ ಲ್ಯಾಬ್‌ಗಳಲ್ಲಿ ಸುಲಭವಾಗಿ ಬಳಸಬಹುದು. ಈ ಕಿಟ್ ಸಹಾಯದಿಂದ ನಾವು ಹಳ್ಳಿಗಳಲ್ಲಿ ಸುಲಭವಾಗಿ ಪರೀಕ್ಷಿಸಲು ಸಾಧ್ಯವಾಗುತ್ತದೆ, ಇದು ಆರ್ಟಿ ಪಿಸಿಆರ್ ಕಿಟ್ನೊಂದಿಗೆ ಸಾಧ್ಯವಾಗದಿರಬಹುದು, ಏಕೆಂದರೆ ಪರೀಕ್ಷೆಗೆ ಹೆಚ್ಚಿನ ಸಂಖ್ಯೆಯ ಸಾಧನಗಳು ಬೇಕಾಗುತ್ತವೆ. ಫೆಲುಡಾದ ಅತ್ಯುತ್ತಮ ವಿಷಯವೆಂದರೆ ಅದು ಕಡಿಮೆ ಸಮಯದಲ್ಲಿ ನಿಖರ ಫಲಿತಾಂಶವನ್ನು ನೀಡುತ್ತದೆ ಎಂದು ಸಿಎಸ್ಐಆರ್ ಮಹಾನಿರ್ದೇಶಕರು ಹೇಳಿದರು.


ಸ್ಟ್ರಿಪ್‌ನಲ್ಲಿವೆ ಎರಡು ಲೈನ್: 
ಹಿರಿಯ ವಿಜ್ಞಾನಿ ಡಾ. ಡೆಬೋಜೋತಿ ಚಕ್ರವರ್ತಿ ಮಾತನಾಡಿ, ಕ್ಯಾಸ್ 9 ಪ್ರೋಟೀನ್ ಅನ್ನು ಬಾರ್‌ಕೋಡ್ ಮಾಡಲಾಗಿದೆ. ಇದರಿಂದ ರೋಗಿಯ ಆನುವಂಶಿಕ ವಸ್ತುವಿನಲ್ಲಿ ಕರೋನಾವೈರಸ್ ಅನುಕ್ರಮವನ್ನು ಕಂಡುಹಿಡಿಯಬಹುದು. ಈ ಪಟ್ಟಿಯಲ್ಲಿ ಎರಡು ಸಾಲುಗಳಿವೆ, ಅದು ಸಂಬಂಧಪಟ್ಟ ವ್ಯಕ್ತಿಗೆ COVID-19 ಇದೆಯೇ ಎಂದು ಸೂಚಿಸುತ್ತದೆ. 


Phone, Note ಮುಖಾಂತರ ಕರೋನಾ ಹರಡುವ ಸಾಧ್ಯತೆ ಅಧಿಕ, ಇವುಗಳ ಮೇಲೆ ವೈರಸ್ ಎಷ್ಟು ದಿನ ಇರುತ್ತೆ?


'ಸ್ಟ್ರಿಪ್‌ನಲ್ಲಿ ಎರಡು ಸಾಲುಗಳಿವೆ, ಒಂದು ಸ್ಟ್ರಿಪ್ ಪ್ರತಿ ಸ್ಟ್ರಿಪ್‌ನಲ್ಲಿರುವ ನಿಯಂತ್ರಣ ರೇಖೆಯಾಗಿದೆ, ಮತ್ತು ಇದು ಸ್ಟ್ರಿಪ್ ಸರಿಯಾಗಿ ಕಾರ್ಯನಿರ್ವಹಿಸುತ್ತಿದೆ ಎಂಬುದನ್ನು ಖಚಿತ ಪಡಿಸುತ್ತದೆ ಮತ್ತು ಇನ್ನೊಂದು ಟೆಸ್ಟ್ ಲೈನ್ ಎಂದು ತೋರಿಸುತ್ತದೆ, ಆರಂಭಿಕ ಆರ್‌ಎನ್‌ಎಯಲ್ಲಿ COVID-19 ಅನುಕ್ರಮ ಇದ್ದಾಗ ಮಾತ್ರ ಇದು ಸಕಾರಾತ್ಮಕವಾಗಿರುತ್ತದೆ.


ತಿಳಿಯುವುದು ಸುಲಭ:
ನಕಾರಾತ್ಮಕ ಮಾದರಿಯಲ್ಲಿ ಪರೀಕ್ಷಾ ರೇಖೆಯು ಗೋಚರಿಸುವುದಿಲ್ಲ ಎಂದು ಡಾ. ಚಕ್ರವರ್ತಿ ಹೇಳಿದರು. ಆದ್ದರಿಂದ ಪರೀಕ್ಷಾ ರೇಖೆಯ ಸ್ಥಿತಿಯನ್ನು ನೋಡುವ ಮೂಲಕ, ಸಂಬಂಧಪಟ್ಟ ವ್ಯಕ್ತಿಯು ಕರೋನಾ ಧನಾತ್ಮಕ ಅಥವಾ ಇಲ್ಲವೇ ಎಂದು ನಿಮಗೆ ತಿಳಿಯುತ್ತದೆ ಎಂದವರು ತಿಳಿಸಿದರು.


ಈ ಯೋಜನೆಯಲ್ಲಿ ಕೆಲಸ ಮಾಡಿದ ಮತ್ತೊಬ್ಬ ವಿಜ್ಞಾನಿ ಮನೋಜ್ ಕುಮಾರ್ ಮಾತನಾಡಿ ಈ ಆಲೋಚನೆಯು ನಮ್ಮ ತಂಡವನ್ನು ಮುನ್ನಡೆಸುತ್ತಿರುವ ಡಾ.ಚಕ್ರವರ್ತಿ ಮತ್ತು ಸೌವಿಕ್ ಮೈತಿಗೆ ಸೇರಿದೆ ಎಂದು ಹೇಳಿದರು. ಕುಡಗೋಲು ಕೋಶ ರಕ್ತಹೀನತೆಗಾಗಿ ಸುಮಾರು ಎರಡು ವರ್ಷಗಳ ಹಿಂದೆ ಅಭಿವೃದ್ಧಿಪಡಿಸಿದಈ ವಿಶೇಷ ಪಟ್ಟಿಗಳನ್ನು  COVID ಪರೀಕ್ಷೆಗೆ ನಾವು ಬಳಸುತ್ತಿದ್ದೇವೆ ಎಂದು ಅವರು ಹೇಳಿದರು.