Papaya Seeds Benefits: ಪಪ್ಪಾಯಿ ಬೀಜಗಳ ಅದ್ಭುತ ಪ್ರಯೋಜನಗಳು

ನವದೆಹಲಿ: ಪಪ್ಪಾಯಿ ತುಂಬಾ ರುಚಿಕರವಾದ ಹಣ್ಣು, ಜೀರ್ಣಕ್ರಿಯೆ ಆರೋಗ್ಯಕರವಾಗಿಡಲು ಇದನ್ನು ಸೇವಿಸಲಾಗುತ್ತದೆ. ಆದರೆ ನಾವು ಇದರ ಬೀಜಗಳನ್ನು ಕಸದ ಬುಟ್ಟಿಗೆ ಎಸೆಯುತ್ತೇವೆ. ಪಪ್ಪಾಯಿ ಬೀಜಗಳ ರುಚಿ ಸ್ವಲ್ಪ ಮಸಾಲೆ ಮತ್ತು ಕರಿಮೆಣಸಿನಂತಿರುತ್ತದೆ. ಇದನ್ನು ಸರಿಯಾಗಿ ಬಳಸಿದರೆ ನಿಮ್ಮ ಆರೋಗ್ಯಕ್ಕೆ ಹಲವಾರು ಪ್ರಯೋಜನಗಳನ್ನು ಪಡೆಯಬಹುದು. ನೀವು ಈ ಬೀಜಗಳನ್ನು ಬಿಸಿಲಿನಲ್ಲಿ ಒಣಗಿಸಿ ಮತ್ತು ಅವುಗಳನ್ನು ಪುಡಿ ಮಾಡಬಹುದು. ಈ ಪುಡಿಯನ್ನು ಆಹಾರದಲ್ಲಿ ಬೆರೆಸಬಹುದು ಅಥವಾ ಮಸಾಲೆಯಾಗಿ ಬಳಸಬಹುದು.

ಪಪ್ಪಾಯಿ ಬೀಜಗಳನ್ನು ತಿನ್ನುವುದರ ಪ್ರಯೋಜನಗಳು

1. ಉತ್ತಮ ಜೀರ್ಣಕ್ರಿಯೆ: ಪಪ್ಪಾಯಿ ಬೀಜಗಳು ಪಪೈನ್ ಎಂದು ಕರೆಯಲ್ಪಡುವ ವಿಶೇಷ ರೀತಿಯ ಕಿಣ್ವವನ್ನು ಹೊಂದಿರುತ್ತವೆ. ಇದರ ಸಹಾಯದಿಂದ ಜೀರ್ಣಕ್ರಿಯೆಯನ್ನು ಸುಧಾರಿಸಬಹುದು. ಊಟದ ನಂತರ ನೀವು ಒಂದು ಚಮಚ ಪಪ್ಪಾಯಿ ಬೀಜಗಳನ್ನು ತಿನ್ನಬೇಕು. ಹೀಗೆ ಮಾಡುವುದರಿಂದ ಮಲಬದ್ಧತೆ, ಗ್ಯಾಸ್, ಹೊಟ್ಟೆ ಉಬ್ಬರ ಮುಂತಾದ ಸಮಸ್ಯೆಗಳು ಬರುವುದಿಲ್ಲ.

ಇದನ್ನೂ ಓದಿ: Green tea vs black tea: ನಿಮ್ಮ ಆರೋಗ್ಯಕ್ಕೆ ಯಾವ ಚಹಾ ಉತ್ತಮ ಎಂದು ತಿಳಿಯಿರಿ

2. ರೋಗನಿರೋಧಕ ಶಕ್ತಿ ಹೆಚ್ಚಾಗುತ್ತದೆ: ಪಪ್ಪಾಯಿ ಬೀಜಗಳನ್ನು ವಿಟಮಿನ್ ‘ಸಿ’ ಯ ಸಮೃದ್ಧ ಮೂಲವೆಂದು ಪರಿಗಣಿಸಲಾಗುತ್ತದೆ. ಇದು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಪ್ರಸಿದ್ಧವಾದ ಪೋಷಕಾಂಶವಾಗಿದೆ. ಈ ಬೀಜಗಳನ್ನು ತಿನ್ನುವುದರಿಂದ ಶೀತ, ಕೆಮ್ಮು, ಶೀತ ಜ್ವರ ಮತ್ತು ವೈರಲ್ ಕಾಯಿಲೆಗಳ ಅಪಾಯವನ್ನು ಕಡಿಮೆ ಮಾಡುತ್ತದೆ.  

3. ತೂಕ ಕಡಿಮೆಯಾಗುತ್ತದೆ: ಪಪ್ಪಾಯಿ ಬೀಜಗಳನ್ನು ತಿನ್ನುವುದರಿಂದ ತೂಕ ಹೆಚ್ಚಾಗುವುದನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಇದು ಹೆಚ್ಚಿನ ಪ್ರಮಾಣದ ಫೈಬರ್ ಅನ್ನು ಹೊಂದಿರುತ್ತದೆ. ಇದರಿಂದಾಗಿ ನೀವು ದೀರ್ಘಕಾಲ ಹಸಿವು ಅನುಭವಿಸುವುದಿಲ್ಲ. ನೀವು ಅತಿಯಾಗಿ ತಿನ್ನುವುದು ತಪ್ಪುತ್ತದೆ.

4. ಕ್ಯಾನ್ಸರ್ ತಡೆಗಟ್ಟುವಿಕೆ: ಕ್ಯಾನ್ಸರ್ ಬಹಳ ಅಪಾಯಕಾರಿ ಕಾಯಿಲೆಯಾಗಿದ್ದು, ಇದು ಕೆಲವೊಮ್ಮೆ ಜೀವವನ್ನೇ ತೆಗೆದುಕೊಳ್ಳುತ್ತದೆ. ಇದನ್ನು ತಪ್ಪಿಸಲು ನೀವು ನಿಯಮಿತವಾಗಿ ಪಪ್ಪಾಯಿ ಬೀಜಗಳನ್ನು ತಿನ್ನಬೇಕು. ಇದರ ಬೀಜಗಳಲ್ಲಿ ಕ್ಯಾನ್ಸರ್ ವಿರೋಧಿ ಗುಣಗಳು ಕಂಡುಬರುತ್ತವೆ ಎಂದು ಅನೇಕ ಸಂಶೋಧನೆಗಳಲ್ಲಿ ಸಾಬೀತಾಗಿದೆ. ಇದು ಕೆಲವು ಕ್ಯಾನ್ಸರ್ ಕೋಶಗಳ ಬೆಳವಣಿಗೆಯನ್ನು ನಿಲ್ಲಿಸುತ್ತದೆ.

ಇದನ್ನೂ ಓದಿ: ಎಚ್ಚರ ! ಗರ್ಭಾವಸ್ಥೆಯಲ್ಲಿ ಈ ಆಹಾರಗಳು ವಿಷದಂತೆ ಕೆಲಸ ಮಾಡುತ್ತದೆ

(ಗಮನಿಸಿರಿ: ಇಲ್ಲಿ ನೀಡಲಾಗಿರುವ ಮಾಹಿತಿಯಲ್ಲಿ ನೀಡಿರುವ ಸಲಹೆ ಪಾಲಿಸುವ ಮೊದಲು ನೀಡು ಕಡ್ಡಾಯವಾಗಿ ವೈದ್ಯರ ಸಲಹೆ ಪಡೆದುಕೊಳ್ಳಬೇಕು.)