ಈ 4 ಗಿಡಗಳನ್ನು ಮನೆಯಲ್ಲಿ ನೆಟ್ಟರೆ ಸೊಳ್ಳೆಗಳು ಹತ್ತಿರವೂ ಸುಳಿಯುವುದಿಲ್ಲ!

Mosquito repllent plants : ಮಲೇರಿಯಾ, ಡೆಂಗ್ಯೂ ಮತ್ತು ಚಿಕೂನ್‌ಗುನ್ಯಾದಂತಹ ರೋಗಗಳು ಸೊಳ್ಳೆಗಳಿಂದ ಹರಡುತ್ತವೆ. ಪ್ರತಿ ವರ್ಷ ಈ ಸೊಳ್ಳೆಗಳು ಹರಡುವ ರೋಗಗಳಿಂದ  ಅನೇಕ ಜನರು ಸಾಯುತ್ತಾರೆ.ಸಂಜೆಯ ವೇಳೆಗೆ ಈ ಸೊಳ್ಳೆಗಳು ಮನೆಯ ಬಾಗಿಲು, ಕಿಟಕಿಗಳ ಮೂಲಕ ಮನೆಯೊಳಗೆ ಬರುತ್ತವೆ. ಒಮ್ಮೆ ಮನೆಯೊಳಗೇ ಬಂದ ಸೊಳ್ಳೆಗಳು  ನಂತರ ವಿಪರೀತ ಕಾಟ ಕೊಡಲು ಆರಂಭಿಸುತ್ತವೆ. ಈ ಸೊಳ್ಳೆಗಳು ಮನೆ ಮಂದಿಗೆ ಕಚ್ಚುವ ಮೂಲಕ ಅನಾರೋಗ್ಯಕ್ಕೆ ಗುರಿ ಮಾಡುತ್ತವೆ.  

ಸೊಳ್ಳೆಗಳನ್ನು ತಡೆಯಲು ಮನೆಯಲ್ಲಿ ಈ ಗಿಡಗಳನ್ನು ನೆಡಿ :
ಸೊಳ್ಳೆಗಳನ್ನು ತಡೆಯಲು ಜನರು ಸೊಳ್ಳೆ ಬತ್ತಿ, ಸೊಳ್ಳೆ ಪರದೆ, ಕಾಯಿಲ್, ಸ್ಪ್ರೆ ಗಳನ್ನೂ ಬಳಸುತ್ತಾರೆ. ಆದರೆ,ಅವುಗಳಲ್ಲಿ ಕೆಮಿಕಲ್ ಗಳಿರುವುದರಿಂದ ಜನರಿಗೆ ಹಾನಿಕಾರಕವಾಗಿ ಪರಿಣಮಿಸುತ್ತದೆ. ಅಲ್ಲದೆ,ಮಕ್ಕಳು ಮತ್ತು ಅಸ್ತಮಾ ರೋಗಿಗಳಿಗೆ ಉಸಿರಾಟದ ತೊಂದರೆ ಉಂಟು ಮಾಡುತ್ತದೆ. ಈ ಉತ್ಪನ್ನಗಳ ಬದಲಿಗೆ, ಸೊಳ್ಳೆಗಳನ್ನು ದೂರವಿಡಲು  ಮನೆಯ ಸುತ್ತ ಈ ಗಿಡಗಳನ್ನು ನೆಡಬಹುದು. ಈ ಗಿಡಗಳು ಇದ್ದಲ್ಲಿ ಸೊಳ್ಳೆಗಳು ಹತ್ತಿರವೂ ಸುಳಿಯುವುದಿಲ್ಲ. 

ಇದನ್ನೂ ಓದಿ : Chia Seeds Water: ಪ್ರತಿದಿನ ಒಂದು ಗ್ಲಾಸ್‌ ಚಿಯಾ ಸೀಡ್ಸ್‌ ನೀರನ್ನು ಕುಡಿಯುವುದರಿಂದ ದೇಹದ ಆರೋಗ್ಯಕ್ಕಾಗುವ ಪ್ರಯೋಜನಗಳೇನು ಗೊತ್ತೇ??

ಪುದಿನಾ :  
ಪುದೀನಾ ಗಿಡ ನಿಮ್ಮ ಮನೆಯಿಂದ ಸೊಳ್ಳೆಗಳನ್ನು ದೂರವಿಡುತ್ತದೆ. ಒಂದು ಅಧ್ಯಯನದ ಪ್ರಕಾರ, ಪುದೀನಾದಲ್ಲಿ ಕಂಡುಬರುವ ನೈಸರ್ಗಿಕ ತೈಲವು ಸೊಳ್ಳೆಗಳ ವಿರುದ್ಧ ಔಷಧದಂತೆ ಕೆಲಸ ಮಾಡುತ್ತದೆ.ಆದ್ದರಿಂದಲೇ ಸೊಳ್ಳೆಗಳು ಪುದೀನಾ ಗಿಡವಿದ್ದರೆ  ಹತ್ತಿರವೂ ಬರುವುದಿಲ್ಲ. 

ರೋಸ್ಮರಿ : 
ಸೊಳ್ಳೆಗಳಿಂದ ನಿಮ್ಮನ್ನು ರಕ್ಷಿಸಿಕೊಳ್ಳಲು ರೋಸ್ಮರಿಯನ್ನು ಸಹ ನೆಡಬಹುದು. ರೋಸ್ಮರಿ ಗಿಡ ಮತ್ತು ಅದರ ಹೂವುಗಳು ಹೊರ ಸೂಸುವ ವಾಸನೆಯಿಂದಾಗಿ ಸೊಳ್ಳೆಗಳು ಇದು ಇದ್ದಲ್ಲಿ ಬರುವುದೇ ಇಲ್ಲ. 

ಲ್ಯಾವೆಂಡರ್ :
ಈ ಸುಂದರವಾದ ಸಸ್ಯವನ್ನು ಅನೇಕ ಆರೋಗ್ಯ ಸಮಸ್ಯೆಗಳಿಗೆ  ಔಷಧಿಯಾಗಿ ಬಳಸಲಾಗುತ್ತದೆ.ಲ್ಯಾವೆಂಡರ್ ಹೂವುಗಳಿಂದ ಹೊರ ಬರುವ ವಾಸನೆಯು ಮನೆಯಿಂದ ಸೊಳ್ಳೆಗಳನ್ನು ದೂರವಿರಿಸುವ ಕೆಲಸ ಮಾಡುತ್ತದೆ.

ಇದನ್ನೂ ಓದಿ : Uric Acid: ಯೂರಿಕ್ ಆಸಿಡ್ ಹೆಚ್ಚಿರುವವರಿಗೆ ಈ 5 ಆಹಾರಗಳು ವಿಷಕ್ಕೆ ಸಮ..!

ಲೆಮನ್ ಗ್ರಾಸ್ : 
ಸೊಳ್ಳೆಗಳು ಮನೆಯೊಳಗೆ ಬರದಂತೆ ತಡೆಯಲು, ಲೆಮನ್ ಗ್ರಾಸ್ ಅನ್ನು ಕೂಡ ನೆಡಬಹುದು. ಸೊಳ್ಳೆಗಳಿಗೆ ಈ ಗಿಡದ ವಾಸನೆ ಇಷ್ಟವಾಗುವುದಿಲ್ಲ.  ಹಾಗಾಗಿಯೇ ಲೆಮೊನ್ಗ್ರಾಸ್ ಗಿಡ ಇರುವ ಕಡೆ ಸೊಳ್ಳೆಗಳು ಬರುವುದಿಲ್ಲ