Health Tips : ಉತ್ತಮ ಆರೋಗ್ಯಕ್ಕಾಗಿ ದಾಳಿಂಬೆ ಜ್ಯೂಸ್‌....!

ದಾಳಿಂಬೆ ಹಣ್ಣು ಅದರಲ್ಲೂ ದಾಳಿಂಬೆ ಹಣ್ಣಿನ ಜ್ಯೂಸ್‌ ಅಂದ್ರೆ ಎಲ್ಲರಿಗೂ ಇಷ್ಟ . ಕೆಂಪು ಬಣ್ಣದ ದಾಳಿಂಬೆ ಹಣ್ಣು ಅಥವಾ ಜ್ಯೂಸ್‌ ನೋಡಿದರೆ ಬಾಯಲ್ಲಿ ನೀರೂರದೇ ಇರದು. ಹಾಗೆಯೇ ದಾಳಿಂಬೆ ಹಣ್ಣಿನ ಸೇವನೆ ಆರೋಗ್ಯಕ್ಕೆ ಒಳ್ಳೆಯದನ್ನೂ ಮಾಡುತ್ತದೆ. ಅದರಂತೆ ದಾಳಿಂಬೆ ಹಣ್ಣಿನ ಸೇವನೆ ಮತ್ತು ಅದರ ಜ್ಯೂಸ್‌ ಕುಡಿಯುವುದರಿಂದ ಅನೇಕ  ಪ್ರಯೋಜನಗಳನ್ನು ತಿಳಿದುಕೊಳ್ಳೊಣ...

ದಾಳಿಂಬೆ ಉತ್ತಮ ರುಚಿಯನ್ನು ಹೊಂದಿರುತ್ತದೆ. ದಾಳಿಂಬೆಯು ಅಸಂಖ್ಯಾತ ಆರೋಗ್ಯ ಮತ್ತು ಸೌಂದರ್ಯ ಪ್ರಯೋಜನಗಳನ್ನು ಹೊಂದಿದೆ. ಅದರ ಜ್ಯೂಸ್ ಸಹ ಹಲವಾರು ಪ್ರಯೋಜನಗಳನ್ನು ಒಳಗೊಂಡಿದೆ. ದಾಳಿಂಬೆ ಜ್ಯೂಸ್‌  ಆರೋಗ್ಯ ಪ್ರಯೋಜನಗಳ ಪಟ್ಟಿಯಲ್ಲಿ ಸೇರಿದೆ. ಜೀವಸತ್ವಗಳು ಮತ್ತು ಖನಿಜಗಳ ಹೊರತಾಗಿ, ವಿವಿಧ ಹಣ್ಣುಗಳಲ್ಲಿ ವಿವಿಧ ಪೋಷಕಾಂಶಗಳು ಕಂಡುಬರುತ್ತವೆ. ಪೋಷಕಾಂಶವುಳ್ಳ ಹಣ್ಣುಗಳ ಪಟ್ಟಿಯಲ್ಲಿ ದಾಳಿಂಬೆ ಸೇರಿದೆ. ದಾಳಿಂಬೆ ತಿನ್ನಲು ರುಚಿಕರವಾದ ಮತ್ತು ಸಿಹಿಯಾದ ಹಣ್ಣು, ಆದರೆ ಇದು ಅನೇಕ ರೀತಿಯಲ್ಲಿ ನಮಗೆ ಪ್ರಯೋಜನಕಾರಿಯಾಗಿದೆ.ದಾಳಿಂಬೆ ಹಣ್ಣಿನಲ್ಲಿ ಪೌಷ್ಠಿಕಾಂಶಗಳು ಹೆಚ್ಚಿರುವುದರಿಂದ, ದೇಹಕ್ಕೆ ವಿಟಮಿನ್ ಸಿ, ವಿಟಮಿನ್ ಕೆ, ಮತ್ತು ಫೋಲಿಕ್ ಆಮ್ಲ ದೊರೆಯುತ್ತದೆ. ಇದು ಆರೋಗ್ಯಕರ ಮಗುವಿನ ಬೆಳವಣಿಗೆಯಲ್ಲಿ ಸಹಾಯ ಮಾಡುತ್ತದೆ ಎನ್ನುತ್ತದೆ ಸಂಶೋಧನೆಯಲ್ಲಿ ತಿಳಿದು ಬಂದಿದೆ.

ದಾಳಿಂಬೆಯ ಔಷಧೀಯ ಗುಣಗಳು:
ಮಧುಮೇಹ ನಿಯಂತ್ರಣ :
ಸಕ್ಕರೆ ಖಾಯಿಲೆ ಹೊಂದಿದವರು  ದಾಳಿಂಬೆ ರಸವನ್ನು ಕುಡಿಯಬೇಕು. ದಾಳಿಂಬೆ ಇನ್ಸುಲಿನ್ ಅನ್ನು ಕಡಿಮೆ ಮಾಡಲು ಮತ್ತು ರಕ್ತದಲ್ಲಿನ ಸಕ್ಕರೆಯನ್ನು ಕಡಿಮೆ ಮಾಡಲು ಉಪಯುಕ್ತವಾಗಿದೆ.

ಜ್ಞಾಪಕ ಶಕ್ತಿ ಹೆಚ್ಚಳ :
ಪ್ರತಿ ದಿನ ದಾಳಿಂಬೆ ಜ್ಯೂಸ್‌ ಕುಡಿಯುದರಿಂದ  ರಸವನ್ನು ಸೇವಿಸಿದರೆ ನಮ್ಮ ಸ್ಮರಣೆಯನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಹಾಗಾಗಿ ಚಿಕ್ಕ ಮಕ್ಕಳಿಗೆ ಇದರ ಸೇವನೆ ತುಂಬಾ ಉತ್ತಮವಾಗಿರುತ್ತದೆ.

ಇದನ್ನೂ ಓದಿ:  ಕೊಬ್ಬು ಕರಗಿಸುವಿಕೆಯ ಜೊತೆಗೆ ರೋಗನಿರೋಧ ಶಕ್ತಿ ಹೆಚ್ಚಿಸಲು ಈ ಸೊಪ್ಪು ರಾಮಬಾಣ

ಹೃದಯ  ಸಂಬಂಧಿ ಕಾಯಿಲೆಗೆ :
ರಕ್ತನಾಳದ ಕಾಯಿಲೆಗಳ ಅಪಾಯವನ್ನು ಕಡಿಮೆ ಮಾಡುತ್ತದೆ. ದಾಳಿಂಬೆಯು ಪ್ಯೂನಿಕಲಾಜಿನ್ಸ್ ಅಥವಾ ಎಲಾಜಿಟಾನಿನ್ ಎಂಬ ಉತ್ತಮ ಪ್ರಮಾಣದ ಪಾಲಿಫಿನಾಲ್ ಸಂಯುಕ್ತಗಳನ್ನು ಹೊಂದಿದೆ. ಈ ಉತ್ಕರ್ಷಣ ನಿರೋಧಕಗಳು ನಿಮ್ಮ ಹೃದಯರಕ್ತನಾಳದ ವ್ಯವಸ್ಥೆಗೆ ಪ್ರಯೋಜನವನ್ನು ನೀಡುತ್ತವೆ, ಕೊಲೆಸ್ಟ್ರಾಲ್ ಮತ್ತು ಪ್ಲೇಕ್ ಅನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಮೂಳೆಗಳ ಆರೋಗ್ಯಕ್ಕೆ:
ದಾಳಿಂಬೆ ಆಂಟಿಆಕ್ಸಿಡೆಂಟ್‌ಗಳನ್ನು ಹೊಂದಿದ್ದು ಅದು ಉರಿಯೂತದ ಗುಣಲಕ್ಷಣಗಳನ್ನು ಹೊಂದಿದೆ. ಈ ಉತ್ಕರ್ಷಣ ನಿರೋಧಕಗಳು ಅಸ್ಥಿಸಂಧಿವಾತವನ್ನು ಕಡಿಮೆ ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. 

ಇದನ್ನೂ ಓದಿ: ಎಲೆ ಕೋಸು ಹೂ ಕೋಸುಗಳಲ್ಲಿ ಅಡಗಿರುವ ಹುಳುಗಳನ್ನು ಚಿಟಕಿಯಲ್ಲಿ ಹೊರತೆಗೆಯಲು ಹೀಗೆ ಮಾಡಿ

ದಾಳಿಂಬೆ ಜ್ಯೂಸ್ ಅಡ್ಡ ಪರಿಣಾಮಗಳು: 
ದಾಳಿಂಬೆ ಜ್ಯೂಸ್ ಹಲವಾರು ಪ್ರಮುಖ ಆರೋಗ್ಯ ಪ್ರಯೋಜನಗಳನ್ನು ನೀಡಬಹುದಾದರೂ, ಇದು ಕೆಲವು ಅಡ್ಡ ಪರಿಣಾಮಗಳನ್ನು ಹೊಂದಿರುತ್ತದೆ. ದಾಳಿಂಬೆ ಅಲರ್ಜಿಯನ್ನು ಹೊಂದಿರುವ ಜನರು ಇದನ್ನು ಸೇವಿಸಬಾರದು.

ಸೂಚನೆ: ಇಲ್ಲಿ ನೀಡಲಾದ ಮಾಹಿತಿಯು ಮನೆಮದ್ದುಗಳು ಮತ್ತು ಸಾಮಾನ್ಯ ಜ್ಞಾನವನ್ನು ಆಧರಿಸಿದೆ. ಅದನ್ನು ಅಳವಡಿಸಿಕೊಳ್ಳುವ ಮೊದಲು ವೈದ್ಯಕೀಯ ಸಲಹೆಯನ್ನು ಪಡೆಯಿರಿ. Zee ಮೀಡಿಯಾ ಇದನ್ನು ಖಚಿತಪಡಿಸುವುದಿಲ್ಲ.