ಚಳಿಗಾಲದಲ್ಲಿ ಅತಿಯಾಗಿ ಕಾಡುವ ಸಂಧಿವಾತದ ನೋವನ್ನು ಕಡಿಮೆ ಮಾಡುವ ಸರಳ ವಿಧಾನವಿದು ! ಒಂದು ದಿನವೂ ಕಾಡದು ಬೇನೆ

ಬೆಂಗಳೂರು : ಚಳಿಗಾಲ ಸಮೀಪಿಸುತ್ತಿದ್ದಂತೆ, ಸಂಧಿವಾತದಿಂದ ಬಳಲುತ್ತಿರುವರ ಸಮಸ್ಯೆ ಹೆಚ್ಚಾಗುತ್ತದೆ. ಶೀತ ಹವಾಮಾನವು ಕೀಲು, ಮಂಡಿ ನೋವನ್ನು ತೀವ್ರಗೊಳಿಸುತ್ತದೆ. ಈ ಸಮಯದಲ್ಲಿ ನಡೆದಾಡಲು ಕಷ್ಟವಾಗುತ್ತದೆ. ದೈನಂದಿನ ಕೆಲಸಗಳನ್ನು ಮಾಡುವುದು ಕೂಡಾ ಸಾಧ್ಯವಾಗುವುದಿಲ್ಲ. ಶೀತದಿಂದಾಗಿ ರಕ್ತನಾಳಗಳು ಕುಗ್ಗುತ್ತವೆ. ಇದು ಕೀಲುಗಳಲ್ಲಿ ರಕ್ತದ ಹರಿವನ್ನು ಕಡಿಮೆಯಾಗುವಂತೆ  ಮಾಡುತ್ತದೆ. ಇದರಿಂದ ನೋವು ಹೆಚ್ಚಾಗುತ್ತದೆ.  

ಆದರೆ, ಇದಕ್ಕೆ ಭಯಪಡುವ ಅಗತ್ಯವಿಲ್ಲ. ಕೆಲವು ಸುಲಭ ಮತ್ತು ಪರಿಣಾಮಕಾರಿ ಕ್ರಮಗಳನ್ನು ಅಳವಡಿಸಿಕೊಳ್ಳುವ ಮೂಲಕ, ಚಳಿಗಾಲದಲ್ಲಿ ಸಂಧಿವಾತ ನೋವಿನಿಂದ ಪರಿಹಾರವನ್ನು ಪಡೆಯಬಹುದು. ಎಲ್ಲರಂತೆ ಸಹಜ ಜೀವನವನ್ನು ಚಳಿಗಾಲದಲ್ಲಿಯೂ ನಡೆಸಬಹುದು.

ಇದನ್ನೂ ಓದಿ : ಈ ಎಲೆಯನ್ನು ಜಗಿದು ತಿನ್ನಿ.. ರಕ್ತನಾಳಗಳಲ್ಲಿ ಅಂಟಿಕುಳಿತ ಕೆಟ್ಟ ಕೊಲೆಸ್ಟ್ರಾಲ್ ಅನ್ನು ಸುಟ್ಟು ಹಾಕುವುದು!

ಕೀಲುಗಳನ್ನು ಬಿಸಿ ನೀರಿನ ಶಾಖ : 
ಸಂಧಿವಾತದ ನೋವನ್ನು ನಿಯಂತ್ರಿಸಲು, ಕೀಲುಗಳನ್ನು ಶೀತದಿಂದ ರಕ್ಷಿಸುವುದು ಅತ್ಯಂತ ಮುಖ್ಯವಾಗಿರುತ್ತದೆ. ಇದಕ್ಕಾಗಿ ಬೆಚ್ಚಗಿನ ಬಟ್ಟೆಗಳನ್ನು ಧರಿಸಿ ಮತ್ತು ಶೀತವನ್ನು ತಪ್ಪಿಸಲು ಹೀಟರ್ ಅಥವಾ ಬಿಸಿನೀರಿನ ಶಾಖವನ್ನು ಬಳಸಬಹುದು. ಬಿಸಿ ನೀರಿನಿಂದ  ಸ್ನಾನ ಮಾಡುವುದರಿಂದಲೂ ಕೀಲುಗಳ ಬಿಗಿತದಿಂದ ಮುಕ್ತಿ ದೊರೆಯುತ್ತದೆ.

ನಿಯಮಿತ ವ್ಯಾಯಾಮ :
ಶೀತ ವಾತಾವರಣದಲ್ಲಿಯೂ ಸಹ ದೈಹಿಕ ಚಟುವಟಿಕೆಯನ್ನು ಕಾಪಾಡಿಕೊಳ್ಳುವುದು ಬಹಳ ಮುಖ್ಯ. ಸ್ಟ್ರೆಚಿಂಗ್, ಯೋಗ ಮತ್ತು ನಡಿಗೆಯಂತಹ ಲಘು ವ್ಯಾಯಾಮಗಳನ್ನು ಮಾಡುವುದರಿಂದ ಕೀಲುಗಳ ಚಲನಶೀಲತೆಯನ್ನು ಕಾಪಾಡಿಕೊಳ್ಳುತ್ತದೆ ಮತ್ತು ನೋವನ್ನು ಕಡಿಮೆ ಮಾಡುತ್ತದೆ. ಆದರೆ ಈ ಸಮಯದಲ್ಲಿ ಹೆಚ್ಚು ಕಠಿಣವಾದ ವ್ಯಾಯಾಮವನ್ನು ಮಾಡಬಾರದು. 

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ. 

ಆಹಾರದ ಬಗ್ಗೆ ಕಾಳಜಿ ವಹಿಸಿ:
ಚಳಿಗಾಲದಲ್ಲಿ ಆರೋಗ್ಯಕರ ಆಹಾರವು ಸಂಧಿವಾತದ ನೋವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಉರಿಯೂತ ನಿವಾರಕ ಆಹಾರಗಳಾದ ಅರಿಶಿನ, ಶುಂಠಿ, ಮೀನು ಮತ್ತು ಒಮೆಗಾ-3 ಕೊಬ್ಬಿನಾಮ್ಲ ಭರಿತ ಆಹಾರಗಳನ್ನು  ಸೇವಿಸಬೇಕು. ಅಲ್ಲದೆ, ವಿಟಮಿನ್ ಡಿ ಸಮೃದ್ಧವಾಗಿರುವ ಆಹಾರವನ್ನು ಸೇವಿಸುವುದರಿಂದ ಮೂಳೆಗಳು ಬಲಗೊಳ್ಳುತ್ತವೆ.

ಒತ್ತಡವನ್ನು ಕಡಿಮೆ ಮಾಡಿ:
ಒತ್ತಡವು ಸಂಧಿವಾತ ನೋವನ್ನು ಇನ್ನಷ್ಟು ಹದಗೆಡಿಸುತ್ತದೆ. ಧ್ಯಾನ ಮತ್ತು ವಿಶ್ರಾಂತಿ ತಂತ್ರಗಳನ್ನು ಅಳವಡಿಸಿಕೊಳ್ಳುವ ಮೂಲಕ ಮಾನಸಿಕ ಶಾಂತಿಯನ್ನು ಕಾಪಾಡಿಕೊಳ್ಳಬಹುದು. ಸಾಕಷ್ಟು ನಿದ್ರೆ ಮಾಡುವುದರಿಂದಲೂ ನೋವು ಮತ್ತು ಊತವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.