ದೇಹದಲ್ಲಿ ಕಾಣಿಸುವ ಈ 5 ಲಕ್ಷಣಗಳು ಸಾರಿ ಹೇಳುತ್ತವೆ ನಿಮ್ಮ ಲಿವರ್ ನಲ್ಲಿ ಸಮಸ್ಯೆ ಇದೆ ಎನ್ನುವುದನ್ನು

Liver Cirrhosis Symptoms : ಲಿವರ್ ಸಿರೋಸಿಸ್ ಎನ್ನುವುದು ಯಕೃತ್ತಿನ ಮೇಲೆ ಗಾಯಗಳು ಉಂಟಾಗುವ ಸ್ಥಿತಿಯಾಗಿದೆ.ಇದು ಪಿತ್ತಜನಕಾಂಗದ ಗಂಭೀರ ಸಮಸ್ಯೆಗಳಲ್ಲಿ ಒಂದು. ಪಿತ್ತಜನಕಾಂಗದ ಸಿರೋಸಿಸ್ ಗೆ ಮುಖ್ಯ ಕಾರಣವೆಂದರೆ ಹೆಪಟೈಟಿಸ್ ಅಥವಾ ದೀರ್ಘಕಾಲದ ಮದ್ಯ ವ್ಯಸನದಂತಹ ಯಕೃತ್ತಿನ ಸಂಬಂಧಿತ ಕಾಯಿಲೆಗಳು.ಮಿತಿಮೀರಿ ಕುಡಿಯುವ ಸಂದರ್ಭದಲ್ಲಿ ಯಕೃತ್ತಿನ ಸಿರೋಸಿಸ್ ಅಪಾಯ ಹೆಚ್ಚು.ಈ ಲೇಖನದಲ್ಲಿ ಲಿವರ್ ಸಿರೋಸಿಸ್ ಅನ್ನು ಗುರುತಿಸಲು ಕೆಲವು ರೋಗಲಕ್ಷಣಗಳ ಬಗ್ಗೆ ನಾವು ನಿಮಗೆ ಹೇಳುತ್ತೇವೆ. 

ಚರ್ಮ ಹಳದಿ ಬಣ್ಣಕ್ಕೆ ತಿರುಗುತ್ತದೆ :   
ಹಳದಿ ಚರ್ಮ ಅಥವಾ ಹಳದಿ ಕಣ್ಣುಗಳು ಲಿವರ್ ಸಿರೋಸಿಸ್ ನ  ಚಿಹ್ನೆಯಾಗಿರಬಹುದು.ನಿಮ್ಮ ಚರ್ಮ,ಉಗುರುಗಳು ಅಥವಾ ನಿಮ್ಮ ಕಣ್ಣುಗಳ ಬಿಳಿ ಭಾಗವು ಹಳದಿ ಬಣ್ಣಕ್ಕೆ ತಿರುಗಿದ್ದರೆ ತಕ್ಷಣ ತಜ್ಞರನ್ನು ಸಂಪರ್ಕಿಸಿ.ಇದರಿಂದ ಯಾವುದೇ ರೀತಿಯ ಸಮಸ್ಯೆ ಇದ್ದಲ್ಲಿ ನಿಮ್ಮ ಚಿಕಿತ್ಸೆಯನ್ನು ಸಮಯಕ್ಕೆ ಸರಿಯಾಗಿ ಮಾಡಬಹುದು.

ಇದನ್ನೂ ಓದಿ : ಯುರಿಕ್ ಆಸಿಡ್, ಮಧುಮೇಹ ಎರಡಕ್ಕೂ ಮದ್ದು ಹಾಗಲಕಾಯಿ, ಇದನ್ನು ಸೇವಿಸುವ ವಿಧಾನ ತಿಳಿದಿರಬೇಕಷ್ಟೆ!

ಹಸಿವಾಗದೆ ಇರುವುದು : 
ಯಕೃತ್ತಿನ ಸಿರೋಸಿಸ್ ಕಾರಣ, ಹಸಿವು ಕಡಿಮೆಯಾಗುತ್ತದೆ. ಏನೂ ತಿನ್ನದೇ ಇದ್ದರೂ ಹಸಿವಾಗುವುದೇ ಇಲ್ಲ. ಹೀಗಾಗಿ ಏನನ್ನೂ ತಿನ್ನಬೇಕು ಅನ್ನಿಸುವುದಿಲ್ಲ, ನಿಮಗೂ ಹೀಗಾಗುತ್ತಿದ್ದರೆ ಯಕೃತ್ತಿನ ಕಾರ್ಯವನ್ನು ಒಮ್ಮೆ ಪರೀಕ್ಷಿಸಿ. 

 ವಿಪರೀತ ದಣಿವು :
ಯಕೃತ್ತಿನ ಸಿರೋಸಿಸ್ ನಂಥಹ ಸ್ಥಿತಿಯಲ್ಲಿ,ಯಕೃತ್ತು ಕೆಟ್ಟದಾಗಿ ಹಾನಿಗೊಳಗಾಗುತ್ತದೆ.ಇದರಿಂದಾಗಿ ರೋಗಿಯ ಯಕೃತ್ತು ಸರಿಯಾಗಿ ಕಾರ್ಯನಿರ್ವಹಿಸಲು ಸಾಧ್ಯವಾಗುವುದಿಲ್ಲ.ಆಗ ರೋಗಿಗಳಿಗೆ ವಿಪರೀತ ದಣಿವಾಗುವುದು.  

ದೇಹದಲ್ಲಿ ಊತ ಮತ್ತು ತುರಿಕೆ : 
ದೇಹದಲ್ಲಿ ಕಾಣಿಸಿಕೊಳ್ಳುವ ಊತ ಮತ್ತು ತುರಿಕೆ ಕೂಡಾ ಲಿವರ್ ಸಿರೋಸಿಸ್ ಅನ್ನು ಸೂಚಿಸುತ್ತದೆ.ಇಂಥಹ ಲಕ್ಷಣಗಳನ್ನು ದೀರ್ಘಕಾಲದವರೆಗೆ ನಿರ್ಲಕ್ಷಿಸಬಾರದು. ಇದರಿಂದ ಪರಿಸ್ಥಿತಿ ಗಂಭೀರವಾಗಬಹುದು. 

ಇದನ್ನೂ ಓದಿ :ಟೀ ಪ್ರಿಯರೇ ಎಚ್ಚರ: ಕಲರ್ ಕ್ಯಾಂಡಿ, ಗೋಬಿ ಬಳಿಕ ಬ್ರಾಂಡ್ ಟೀ ಪುಡಿಗಳಿಂದಲೂ ಕಾದಿದೆ ಅಪಾಯ!

ವಾಕರಿಕೆ ಮತ್ತು ವಾಂತಿ :
ಲಿವರ್ ಸಂಬಂಧಿತ ಸಮಸ್ಯೆಗಳಿಂದಾಗಿ ರೋಗಿಗಳ ಆಹಾರ ಸರಿಯಾಗಿ ಜೀರ್ಣವಾಗುವುದಿಲ್ಲ.ತಿನ್ನಲು ಮತ್ತು ಕುಡಿಯಲು ತೊಂದರೆಗಳನ್ನು ಎದುರಿಸುತ್ತಾರೆ.ಕೆಲವೊಮ್ಮೆ ವಾಕರಿಕೆ ಮತ್ತು ವಾಂತಿ ಸಸ್ಯೆ ಕಾಡುತ್ತದೆ.