7th Pay Commission : ಕೇಂದ್ರದ ಈ ನೌಕರರಿಗೆ ಸಿಕ್ಕಿದೆ ಡಬಲ್ ಬೋನಸ್! DA 9.3% ಹೆಚ್ಚಳ, ಸಂಬಳದಲ್ಲಿ ಭಾರೀ ಹೆಚ್ಚಾಗುತ್ತದೆ!

ನವದೆಹಲಿ : ಬಿಎಸ್‌ಎನ್‌ಎಲ್ ನೌಕರರಿಗೆ ಭರ್ಜರಿ ಸಿಹಿ ಸುದ್ದಿ ಸಿಕ್ಕಿದೆ. ಛತ್ ಹಬ್ಬದ ಪ್ರಯುಕ್ತ ಕೇಂದ್ರ ಸರ್ಕಾರ ತನ್ನ ನೌಕರರಿಗೆ ಭರ್ಜರಿ ಗಿಫ್ಟ್ ನೀಡಿದೆ. ವಾಸ್ತವವಾಗಿ, ಛತ್ (ಛತ್ ಪೂಜಾ) ಸಂದರ್ಭದಲ್ಲಿ BSNL ಉದ್ಯೋಗಿಗಳ ಸಂಬಳದಲ್ಲಿ ಬಂಪರ್ ಹೆಚ್ಚಳವಾಗಿದೆ.

ಬಿಎಸ್‌ಎನ್‌ಎಲ್ ಉದ್ಯೋಗಿಗಳಿಗೆ ತುಟ್ಟಿಭತ್ಯೆ ಹೆಚ್ಚಳ ಮಾಡಲಾಗಿದೆ. ಹೆಚ್ಚಿದ ತುಟ್ಟಿಭತ್ಯೆ (DA Hike) ಅಕ್ಟೋಬರ್ 1 ರಿಂದ ಅನ್ವಯವಾಗುತ್ತದೆ ಮತ್ತು ನವೆಂಬರ್ 2021 ರ ವೇತನದಲ್ಲಿ ಪಾವತಿಸಲಾಗುತ್ತದೆ. ಉದ್ಯೋಗಿಗಳಿಗೆ ಮನೆ ಬಾಡಿಗೆ ಭತ್ಯೆಯಲ್ಲಿ (HRA Hike) ಹೆಚ್ಚಳವಾಗಲಿದೆ. ಸರ್ಕಾರದ ಈ ಘೋಷಣೆಯ ನಂತರ ಬಿಎಸ್‌ಎನ್‌ಎಲ್ ಉದ್ಯೋಗಿಗಳಿಗೆ ಡಬಲ್ ಲಾಭ ಸಿಗಲಿದೆ.

ಇದನ್ನೂ ಓದಿ : Jammu-Kashmir : ಕಾಶ್ಮೀರದಲ್ಲಿ ಉಗ್ರರ ವಿರುದ್ಧ ಯೋಧರ ಕಾರ್ಯಾಚರಣೆ, ಎನ್‌ಕೌಂಟರ್‌ನಲ್ಲಿ 3 ಭಯೋತ್ಪಾದಕರ ಹತ್ಯೆ!

ತುಟ್ಟಿಭತ್ಯೆ ಎಷ್ಟು ಹೆಚ್ಚಾಗಿದೆ?

BSNL ಉದ್ಯೋಗಿಗಳ(BSNL EMPLOYEE) ತುಟ್ಟಿಭತ್ಯೆಯನ್ನು ಶೇ. 170 ರಿಂದ 179.3 ರಷ್ಟು ಹೆಚ್ಚಿಸಲಾಗಿದೆ. ಬೋರ್ಡ್ ಮಟ್ಟದಲ್ಲಿ ಮತ್ತು ಮಂಡಳಿಯ ಕೆಳಗಿರುವ ಎಲ್ಲಾ ಉದ್ಯೋಗಿಗಳಿಗೆ ಹೊಸ ದರಗಳಲ್ಲಿ ತುಟ್ಟಿ ಭತ್ಯೆ (DA Hike) ಪಾವತಿಸಲಾಗುವುದು. ಡಿಎಯಲ್ಲಿ 2007 ರ ವೇತನ ಪರಿಷ್ಕರಣೆ ಆಧಾರದ ಮೇಲೆ ವೇತನ ಪಡೆಯುವ ನೌಕರರು ಹೆಚ್ಚಿದ ಸಂಬಳದ ಲಾಭವನ್ನು ಪಡೆಯುತ್ತಾರೆ.

ಅಕ್ಟೋಬರ್‌ನಲ್ಲಿ ಡಿಎ ಹೆಚ್ಚಿಸಲಾಗಿದೆ

BSNL ಉದ್ಯೋಗಿಗಳಿಗೆ DA ಅನ್ನು ಜುಲೈ-ಸೆಪ್ಟೆಂಬರ್ 2021 ರಿಂದ ಶೇ. 170.5 ರಿಂದ 173.8 ಕ್ಕೆ ಹೆಚ್ಚಿಸಲಾಗಿದೆ. ಆ ಬಳಿಕ ಅಕ್ಟೋಬರ್ 1ರಂದು ಶೇ.179.3ಕ್ಕೆ ಏರಿಕೆಯಾಗಿದೆ. ಇತ್ತೀಚೆಗೆ, ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್ (BSNL) ನ ಒಟ್ಟು 1,49,577 ಉದ್ಯೋಗಿಗಳಲ್ಲಿ, 78,323 ಉದ್ಯೋಗಿಗಳಿಗೆ ಸ್ವಯಂ ನಿವೃತ್ತಿ (VRS-Voluntary Retirement Service) ನೀಡಲಾಗಿದೆ.

ಇದನ್ನೂ ಓದಿ : Today Petrol price : ವಾಹನ ಸವಾರರೆ ಗಮನಕ್ಕೆ : ಇಲ್ಲಿದೆ ಇಂದಿನ ಪೆಟ್ರೋಲ್-ಡೀಸೆಲ್ ಬೆಲೆ, ನಿಮ್ಮ ನಗರದ ಬೆಲೆ ಇಲ್ಲಿ ಪರಿಶೀಲಿಸಿ

ಶೇ.31 ರಷ್ಟು ಡಿಎ ಹೆಚ್ಚಳ

ಈ ಹಿಂದೆಯೂ ಕೇಂದ್ರ ನೌಕರರ(Central Government Employee) ತುಟ್ಟಿಭತ್ಯೆಯನ್ನು ಶೇ.11ರಷ್ಟು ಹೆಚ್ಚಿಸಲಾಗಿತ್ತು ಎಂದು ನಿಮಗೆ ಹೇಳೋಣ. ಇದಾದ ನಂತರ ಮತ್ತೆ ಅಕ್ಟೋಬರ್ ನಲ್ಲಿ ಶೇ.3ರಷ್ಟು ಡಿಎ ಹೆಚ್ಚಳವಾದ ನಂತರ ಒಟ್ಟು ಡಿಎ ಶೇ.31ರಷ್ಟಿತ್ತು. ಡಿಎ ಮತ್ತು ಡಿಆರ್‌ನಲ್ಲಿನ ಈ ಹೆಚ್ಚಳವನ್ನು 1 ಜುಲೈ 2021 ರಿಂದ ಜಾರಿಗೆ ತರಲಾಗಿದೆ. ಇದರಿಂದ 47.14 ಲಕ್ಷ ಕೇಂದ್ರ ಸರ್ಕಾರಿ ನೌಕರರು ಮತ್ತು 68.62 ಲಕ್ಷ ಪಿಂಚಣಿದಾರರಿಗೆ(Pensioners) ಅನುಕೂಲವಾಗಲಿದೆ.