83 ವರ್ಷದ ಸಾಮಾಜಿಕ ಕಾರ್ಯಕರ್ತ ಸ್ಟಾನ್ ಸ್ವಾಮಿ ಅಕ್ಟೋಬರ್ 23 ವರಗೆ ಜೈಲಿಗೆ

ನವದೆಹಲಿ: ಮಹಾರಾಷ್ಟ್ರದ ಕೋರೆಗಾಂವ್-ಭೀಮಾ ಗ್ರಾಮದಲ್ಲಿ 2018 ರ ಹಿಂಸಾಚಾರಕ್ಕೆ ಸಂಬಂಧಿಸಿದಂತೆ ರಾಷ್ಟ್ರೀಯ ತನಿಖಾ ಸಂಸ್ಥೆ (ಎನ್‌ಐಎ) ಬಂಧಿಸಿದ ಒಂದು ದಿನದ ನಂತರ 83 ವರ್ಷದ ಕಾರ್ಯಕರ್ತ ಫಾದರ್ ಸ್ಟಾನ್ ಸ್ವಾಮಿ ಅವರನ್ನು ಮುಂಬೈನ ವಿಶೇಷ ನ್ಯಾಯಾಲಯ ಇಂದು ಅಕ್ಟೋಬರ್ 23 ರವರೆಗೆ ಜೈಲಿಗೆ ಕಳುಹಿಸಿದೆ.

ಬುಡಕಟ್ಟು ಜನಾಂಗದವರೊಂದಿಗೆ ಕೆಲಸ ಮಾಡುವ ಜೆಸ್ಯೂಟ್ ಪಾದ್ರಿ ಫಾದರ್ ಸ್ಟಾನ್ ಸ್ವಾಮಿ ಅವರನ್ನು ಜಾರ್ಖಂಡ್ ರಾಜಧಾನಿ ರಾಂಚಿಯಲ್ಲಿರುವ ಅವರ ಮನೆಯಿಂದ ದೆಹಲಿಯ ಎನ್ಐಎ ಅಧಿಕಾರಿಗಳ ತಂಡ ಬಂಧಿಸಿದೆ. ತಡರಾತ್ರಿ ಬಂಧಿಸಲ್ಪಟ್ಟಿದ್ದು ಭಾರಿ ಆಕ್ರೋಶಕ್ಕೆ ಕಾರಣವಾಗಿದೆ.

ನಿಷೇಧಿತ ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾ-ಮಾವೋವಾದಿ (ಸಿಪಿಐ-ಮಾವೋವಾದಿ) ಚಟುವಟಿಕೆಗಳಲ್ಲಿ ಸ್ಟಾನ್ ಸ್ವಾಮಿ ಸಕ್ರಿಯವಾಗಿ ತೊಡಗಿಸಿಕೊಂಡಿದ್ದಾರೆ ಎಂದು ತನಿಖೆಯಿಂದ ತಿಳಿದುಬಂದಿದೆ ಎಂದು ಎನ್ಐಎ ಅಧಿಕಾರಿಗಳು ತಿಳಿಸಿದ್ದಾರೆ. ಸಿಪಿಐ-ಮಾವೋವಾದಿ ಚಟುವಟಿಕೆಗಳಿಗೆ ಹಣವನ್ನು ಸ್ವೀಕರಿಸಿದ್ದಾರೆ ಎಂದು ಆರೋಪಿಸಿದೆ.

ಅಧಿಕಾರಿಗಳು ಅವರನ್ನು ಕರೆದೊಯ್ಯುವ ಮೊದಲು ಸುಮಾರು 20 ನಿಮಿಷಗಳನ್ನು ಅವರ ಮನೆಯಲ್ಲಿ ಕಳೆದರು ಎಂದು ವರದಿಯಾಗಿದೆ.ಸಿಪಿಐ (ಮಾವೋವಾದಿ) ಮತ್ತು ಸಾಹಿತ್ಯದ ದಾಖಲೆಗಳು ಮತ್ತು ಪ್ರಚಾರ ಸಾಮಗ್ರಿಗಳನ್ನು ಸ್ಟಾನ್ ಸ್ವಾಮಿಯಿಂದ ವಶಪಡಿಸಿಕೊಳ್ಳಲಾಗಿದೆ ಮತ್ತು ಕೋರೆಗಾಂವ್-ಭೀಮಾ ಪ್ರಕರಣದ ಇತರ ಆರೋಪಿಗಳೊಂದಿಗೆ ಅವರು ಸಂಪರ್ಕದಲ್ಲಿದ್ದಾರೆ ಎಂದು ತನಿಖಾ ಸಂಸ್ಥೆ ತಿಳಿಸಿದೆ.

ಈ ವಾರದ ಆರಂಭದಲ್ಲಿ ಸ್ಟಾನ್ ಸ್ವಾಮೀ ವಿಡಿಯೋವೊಂದನ್ನು ಪೋಸ್ಟ್ ಮಾಡಿದ್ದು, ಅವರು ತೀವ್ರ ಒತ್ತಡದಲ್ಲಿದ್ದಾರೆ ಮತ್ತು ಎನ್‌ಐಎ ಅವರನ್ನು 15 ಗಂಟೆಗಳ ಕಾಲ ಪ್ರಶ್ನಿಸಿದೆ ಎಂದು ಆರೋಪಿಸಿದ್ದರು.'ಎನ್ಐಎ ನನ್ನ ಹಿಂದೆ ಬೆನ್ನತ್ತಿದೆ. ಬಾಂಬೆಗೆ ಹೋಗಲು ನನಗೆ ಒತ್ತಡವಿದೆ..ನನ್ನನ್ನು ಎನ್ಐಎಯ ಮುಂಬೈ ಕಚೇರಿಗೆ ಕರೆಯಲಾಗುತ್ತಿದೆ. ನಾನು ಅಲ್ಲಿಗೆ ಹೋಗಲು ನಿರಾಕರಿಸುತ್ತೇನೆ.ನನಗೆ 83 ವರ್ಷ ಮತ್ತು ಆರೋಗ್ಯ ಸಮಸ್ಯೆಗಳಿವೆ. ನಾನಾಗಿಯೇ ಕೊರೊನಾಗೆ ಅಂಟಿಸಿಕೊಳ್ಳಲು ಇಷ್ಟವಿಲ್ಲ ಎಂದು ಹೇಳಿದರು.

ಈ ಪ್ರಕರಣವು ಡಿಸೆಂಬರ್ 31, 2017 ರಂದು ಪುಣೆ ಬಳಿಯ ಕೊರೆಗಾಂವ್-ಭೀಮಾದಲ್ಲಿ ನಡೆದ ಘಟನೆಯೊಂದಕ್ಕೆ ಸಂಬಂಧಿಸಿದೆ, ಅದರ ನಂತರ ಹಿಂಸಾಚಾರ ಮತ್ತು ಅಗ್ನಿಸ್ಪರ್ಶದಿಂದ ಒಬ್ಬ ವ್ಯಕ್ತಿ ಸಾವನ್ನಪ್ಪಿದ್ದಾನೆ. ಎಲ್ಗರ್ ಪರಿಷತ್ ಸಭೆಯಲ್ಲಿ ನಡೆದ ಕಾರ್ಯಕರ್ತರು ದ್ವೇಷದ ಭಾಷಣಗಳು ಮತ್ತು ಪ್ರಚೋದನಕಾರಿ ಹೇಳಿಕೆಗಳನ್ನು ನೀಡಿದ್ದರು ಮತ್ತು ಅದು ಮರುದಿನ ಹಿಂಸಾಚಾರಕ್ಕೆ ಕಾರಣವಾಯಿತು ಎಂದು ತನಿಖಾಧಿಕಾರಿಗಳು ಹೇಳುತ್ತಾರೆ.