ಜಾತಕವನ್ನು ಓದಿದ ಬಳಿಕ ಆತ್ಮಹತ್ಯೆ ಮಾಡಿಕೊಳ್ಳಲು ನದಿಗೆ ಹಾರಿದ ವ್ಯಕ್ತಿ, ಮುಂದೆ...

ಉಜ್ಜಯಿನಿ: ಉಜ್ಜಯಿನಿಯಿಂದ ಅಪರೂಪದ ಪ್ರಕರಣವೊಂದು ಹೊರಬಂದಿದ್ದು ಅಲ್ಲಿ ಯುವಕನೋರ್ವ ಶಿಪ್ರಾ ನದಿಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಎರಡು ದಿನಗಳ ನಂತರ ಅವರ ಕಿರಿಯ ಸಹೋದರ ಕೂಡ ಅದೇ ಜಾಗದಲ್ಲಿ ಹಾರಿ ಸಾವನ್ನಪ್ಪಿದ್ದಾನೆ. ಇಬ್ಬರೂ ಸಹೋದರರ ಆತ್ಮಹತ್ಯೆ (Suicide) ಯ ರಹಸ್ಯವನ್ನು ಭೇದಿಸಲು ಮುಂದಾದ ಪೊಲೀಸರಿಗೆ ಸಿಕ್ಕಿದ್ದು ಮೃತರ ಹಿರಿಯ ಸಹೋದರ ಪ್ರವೀಣ್ ಅವರ ಜಾತಕ. ಇದು ಈ ವಿಷಯವನ್ನು ಮೂಢ ನಂಬಿಕೆಯ ಕಡೆಗೆ ಕೊಂಡೊಯ್ಯುತ್ತದೆ.

ವಾಸ್ತವವಾಗಿ ಉಜ್ಜಯಿನಿಯ ಸೈಯಿದಮ್ ಕಾಲೋನಿಯಲ್ಲಿ ವಾಸಿಸುವ ಔಷಧ ವ್ಯಾಪಾರಿ ಪ್ರವೀಣ್ ಚೌಹಾಣ್ ಅಕ್ಟೋಬರ್ 10ರಂದು ಶಿಪ್ರಾ ನದಿಯ ಸೇತುವೆಯಿಂದ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಕೇವಲ ಎರಡು ದಿನಗಳ ನಂತರ ಅಕ್ಟೋಬರ್ 12ರಂದು ಕಿರಿಯ ಸಹೋದರ ಪಿಯೂಷ್ ಕೂಡ ಅದೇ ಸ್ಥಳದಿಂದ ಹಾರಿ ಆತ್ಮಹತ್ಯೆ ಮಾಡಿಕೊಂಡರು.

ಹಿರಿಯ ಸಹೋದರನ ಸೂಸೈಡ್ ನೋಟ್:
ಹಿರಿಯ ಸಹೋದರ ಪ್ರವೀಣ್ ಅವರು ಸಾಯುವ ಮುನ್ನ ಆತ್ಮಹತ್ಯೆ ಪತ್ರ ಬರೆದಿದ್ದಾರೆ ಎಂದು ಹೇಳಲಾಗುತ್ತಿದೆ. ಇದರಲ್ಲಿ 15 ಲಕ್ಷ ರೂಪಾಯಿ ಮುಳುಗಿರುವ ವಿಷಯ ಬರೆಯಲಾಗಿದೆ. ಅದೇ ಸಮಯದಲ್ಲಿ ಪ್ರವೀಣ್ ಅಂತಿಮವಾಗಿ ಈಗ ಏನೂ ಉಳಿದಿಲ್ಲ, ಜೈ ಶ್ರೀ ಮಹಾಕಾಳ್ ಎಂದು ಬರೆದಿದ್ದಾರೆ ಎನ್ನಲಾಗಿದೆ.

ಅದೇ ಸಮಯದಲ್ಲಿ ಜಾತಕವೊಂದು ಪೊಲೀಸರ ಕೈಗೆ ಸಿಕ್ಕಿದ್ದು ಅದರಲ್ಲಿ ವ್ಯಕ್ತಿಯು ಎಷ್ಟೇ ಪ್ರಯತ್ನಿಸಿದರೂ, ಪ್ರತಿ ಸ್ಥಿತಿಯಲ್ಲೂ ಆತ್ಮಹತ್ಯೆಗೆ ಮನವಾಲುತ್ತದೆ ಎಂದು ಬರೆಯಲಾಗಿದೆ. ಅದರ ನಂತರ ಈ ಆತ್ಮಹತ್ಯೆಯಲ್ಲಿ ಜಾತಕ ಸಂಪರ್ಕವನ್ನು ಸಹ ತೆಗೆದುಕೊಳ್ಳಲಾಗುತ್ತಿದೆ ಎಂದು ತಿಳಿದುಬಂದಿದೆ.

ಕಿರಿಯ ಸಹೋದರ ತನ್ನ ನೋವನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾನೆ!
ಇಲ್ಲಿ ನಿನ್ನೆ, ಕಿರಿಯ ಸಹೋದರ ಪಿಯೂಷ್ ಕೂಡ ಆತ್ಮಹತ್ಯೆಗೆ ಮುನ್ನ ಸೋಷಿಯಲ್ ಮೀಡಿಯಾದಲ್ಲಿ ಸಹೋದರ ನಾನು  ನಿಮ್ಮನ್ನು ಹುಡುಕುತ್ತಿದ್ದೆ ಆದರೆ ನೀವು ನನಗೆ ಎಲ್ಲೂ ಸಿಗಲಿಲ್ಲ. ಏನು ಮಾಡಬೇಕೆಂದು ಅರ್ಥವಾಗುತ್ತಿಲ್ಲ, ನಾನು ಬರುತ್ತಿದ್ದೇನೆ... ಎಂದು ತಿಳಿಸಿದ್ದಾರೆ.

ಈ ವೇಳೆ ತನ್ನ ತಂದೆಗೂ ಕೆಲ ಸಾಲುಗಳನ್ನು ಬರೆದಿರುವ ಈತ "ನಾನೂ ಹೋಗುತ್ತಿದ್ದೇನೆ. ನೀವೂ ಬನ್ನಿ" ಎಂದು ಬರೆದಿದ್ದಾನೆ. ಈ ಎಲ್ಲಾ ಸಂಗತಿಗಳನ್ನು ಒಟ್ಟುಗೂಡಿಸಿ ನೋಡುವುದಾದರೆ ಇದು ಆತ್ಮಹತ್ಯೆಯ ಬಗ್ಗೆ ಕುಟುಂಬದ ಮೂಢ ನಂಬಿಕೆಯನ್ನು ತೋರಿಸುತ್ತಿವೆ. ಇದೀಗ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು ಮೂಢ ನಂಬಿಕೆಗೆ ಸಂಬಂಧಿಸಿದಂತೆ ತನಿಖೆ ನಡೆಸುತ್ತಿದ್ದಾರೆ.

ಪ್ರಸ್ತುತ ಅಪರಿಚಿತ ಜನರ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಮೂಢನಂಬಿಕೆಗೆ ಸಂಬಂಧಿಸಿದಂತೆ ತನಿಖೆ ಕೂಡ ನಡೆಯುತ್ತಿದೆ ಎಂದು ಹೆಚ್ಚುವರಿ ಎಸ್‌ಪಿ ರೂಪೇಶ್ ದ್ವಿವೇದಿ ತಿಳಿಸಿದ್ದಾರೆ.