Ease of Living Index: ಅತಿ ಹೆಚ್ಚು ವಾಸಯೋಗ್ಯ ನಗರಗಳ ಪಟ್ಟಿಯಲ್ಲಿ ಅಗ್ರಸ್ಥಾನ ಪಡೆದ ಬೆಂಗಳೂರು

ಬೆಂಗಳೂರು : ಕೇಂದ್ರ ಸರ್ಕಾರ ಬಿಡುಗಡೆ ಮಾಡಿರುವ 'ಈಸಿ ಆಫ್ ಲಿವಿಂಗ್ ಇಂಡೆಕ್ಸ್'ನಲ್ಲಿ  (Ease of Living Index 2020) 111 ನಗರಗಳ ಪಟ್ಟಿಯಲ್ಲಿ ಭಾರತದ ಟೆಕ್ ಸಿಟಿ ಎಂದು ಕರೆಯಲ್ಪಡುವ ಬೆಂಗಳೂರು (Bengluru) ಅಗ್ರಸ್ಥಾನ ಪಡೆದಿದೆ. ಇದಲ್ಲದೆ ಪುಣೆ, ಅಹಮದಾಬಾದ್, ಚೆನ್ನೈ, ಸೂರತ್, ನವೀ ಮುಂಬೈ, ಕೊಯಮತ್ತೂರು ಮತ್ತು ವಡೋದ್ರಾ ನಂತರದ ಸ್ಥಾನಗಳಲ್ಲಿವೆ.

ಹೌದು, 1 ಮಿಲಿಯನ್‌ಗಿಂತ ಹೆಚ್ಚು ಜನಸಂಖ್ಯೆ ಹೊಂದಿರುವ ನಗರಗಳಲ್ಲಿ ವಾಸಿಸುವ ದೇಶದ ಅತ್ಯುತ್ತಮ ನಗರವಾಗಿ ಬೆಂಗಳೂರು (Bengaluru) ಹೊರಹೊಮ್ಮಿದೆ. ಮತ್ತೊಂದೆಡೆ, 10 ಲಕ್ಷಕ್ಕಿಂತ ಕಡಿಮೆ ಜನಸಂಖ್ಯೆ ಹೊಂದಿರುವ ನಗರಗಳಲ್ಲಿ ಶಿಮ್ಲಾ ಅಗ್ರಸ್ಥಾನದಲ್ಲಿದೆ. ಕೇಂದ್ರ ವಸತಿ ಮತ್ತು ನಗರ ವ್ಯವಹಾರಗಳ ಸಚಿವಾಲಯವು ಈಸ್ ಆಫ್ ಲಿವಿಂಗ್ ಇಂಡೆಕ್ಸ್ ಶ್ರೇಯಾಂಕ -2020 (Ease of Living Index 2020) ಅನ್ನು ಗುರುವಾರ ಬಿಡುಗಡೆ ಮಾಡಿತು. ಕೇಂದ್ರ ವಸತಿ ಮತ್ತು ನಗರ ವ್ಯವಹಾರಗಳ ಸಚಿವ ಹರ್ದೀಪ್ ಸಿಂಗ್ ಪುರಿ ಈ ವರದಿಯನ್ನು ಬಿಡುಗಡೆ ಮಾಡಿದ್ದಾರೆ. ವಿಶೇಷವೆಂದರೆ ದೇಶದ ರಾಜಧಾನಿಯಾದ ದೆಹಲಿಗೆ ಈ ಎರಡು ವಿಭಾಗಗಳಲ್ಲಿ 10 ನೇ ಸ್ಥಾನವನ್ನು ಸಹ ತಲುಪಲು ಸಾಧ್ಯವಾಗಲಿಲ್ಲ. ದೆಹಲಿಯನ್ನು 13 ನೇ ಸ್ಥಾನಕ್ಕೆ ಇಳಿಸಲಾಯಿತು.

ದೇಶದ 111 ನಗರಗಳನ್ನು ಸಮೀಕ್ಷೆಯಲ್ಲಿ ಸೇರಿಸಲಾಗಿದೆ :
ವಾಸಿಸಲು ಅತ್ಯುತ್ತಮ ನಗರಗಳ ಶ್ರೇಯಾಂಕದಲ್ಲಿ ದೇಶದ 111 ನಗರಗಳು ಭಾಗವಹಿಸಿದ್ದವು. ನಗರಗಳನ್ನು ಎರಡು ವರ್ಗಗಳಾಗಿ ವಿಂಗಡಿಸಲಾಗಿದೆ. ಮೊದಲ ವರ್ಗದಲ್ಲಿ 1 ಮಿಲಿಯನ್‌ಗಿಂತ ಹೆಚ್ಚು ಜನಸಂಖ್ಯೆ ಇರುವ ನಗರಗಳು ಸೇರಿದ್ದರೆ, ಎರಡನೇ ವರ್ಗದಲ್ಲಿ 1 ಮಿಲಿಯನ್‌ಗಿಂತ ಕಡಿಮೆ ಜನಸಂಖ್ಯೆ ಇರುವ ನಗರಗಳು ಸೇರಿವೆ. ಈ ನಗರಗಳಲ್ಲಿ ಅಲ್ಲಿನ ಜನರ ಜೀವನ ಗುಣಮಟ್ಟ ಮತ್ತು ನಗರದ ಅಭಿವೃದ್ಧಿ ಕಾರ್ಯಗಳ ಆಧಾರದ ಮೇಲೆ ಈ ಪಟ್ಟಿಯನ್ನು ಪ್ರಕಟಿಸಲಾಗಿದೆ ಎನ್ನಲಾಗಿದೆ. 

ಇದನ್ನೂ ಓದಿ - New Parking Policy : ಇನ್ನು ಮನೆ ಮುಂದೆ ಕಾರು ಪಾರ್ಕಿಂಗ್ ಮಾಡಲು ಬೇಕು ಪರ್ಮಿಶನ್.!

2020 ರಲ್ಲಿ ನಡೆಸಿದ ಮೌಲ್ಯಮಾಪನ ವ್ಯಾಯಾಮದಲ್ಲಿ ಒಟ್ಟು 111 ನಗರಗಳು ಭಾಗವಹಿಸಿದ್ದವು. ಸೂಚ್ಯಂಕದ ಮೊದಲ ಆವೃತ್ತಿಯನ್ನು 2018 ರಲ್ಲಿ ಪ್ರಾರಂಭಿಸಲಾಯಿತು.

ಈಸಿ ಆಫ್ ಲಿವಿಂಗ್ ಇಂಡೆಕ್ಸ್‌ನಲ್ಲಿ, ಆಡಳಿತ, ಗುರುತು ಮತ್ತು ಸಂಸ್ಕೃತಿ, ಶಿಕ್ಷಣ (Education), ಆರೋಗ್ಯ, ಸುರಕ್ಷತೆ, ಆರ್ಥಿಕತೆ, ಕೈಗೆಟುಕುವ ವಸತಿ, ಭೂ ಬಳಕೆ ಯೋಜನೆ, ಸಾರ್ವಜನಿಕ ಮುಕ್ತ ಸ್ಥಳಗಳು, ಸಾರಿಗೆ ಮತ್ತು ಚಲನಶೀಲತೆ ಸೇರಿದಂತೆ 15 ಮೌಲ್ಯಮಾಪನ ಮಾನದಂಡಗಳ ಆಧಾರದ ಮೇಲೆ ನಗರಗಳು ಸ್ಥಾನ ಪಡೆದಿವೆ. ಆಶ್ವಾಸಿತ ನೀರು ಸರಬರಾಜು, ತ್ಯಾಜ್ಯ-ನೀರು ನಿರ್ವಹಣೆ, ಘನತ್ಯಾಜ್ಯ ನಿರ್ವಹಣೆ, ವಿದ್ಯುತ್ ಮತ್ತು ಪರಿಸರದ ಗುಣಮಟ್ಟ ಎಲ್ಲವನ್ನೂ ಇದು ಒಳಗೊಂಡಿದೆ.

ಸಮೀಕ್ಷೆಯನ್ನು ಜನವರಿ 19, 2020 ರಿಂದ ಮಾರ್ಚ್ 2020 ರವರೆಗೆ ನಡೆಸಲಾಯಿತು. ಈ ಸಮೀಕ್ಷೆಯಲ್ಲಿ 32 ಲಕ್ಷ 20 ಸಾವಿರ ಜನರು ತಮ್ಮ ಅಭಿಪ್ರಾಯವನ್ನು ತಿಳಿಸಿದ್ದಾರೆ. ಈ ಅಭಿಪ್ರಾಯವನ್ನು ಆನ್‌ಲೈನ್ ಪ್ರತಿಕ್ರಿಯೆ, ಕ್ಯೂಆರ್ ಕೋಡ್, ಮುಖಾಮುಖಿ ಸೇರಿದಂತೆ ವಿವಿಧ ಮಾಧ್ಯಮಗಳ ಮೂಲಕ ತೆಗೆದುಕೊಳ್ಳಲಾಗಿದೆ. ಅದರ ನಂತರ ಎಲ್ಲಾ 111 ನಗರಗಳನ್ನು ಪರಿಶೀಲಿಸಲಾಯಿತು ಮತ್ತು ಅವುಗಳ ಶ್ರೇಯಾಂಕಗಳನ್ನು ನೀಡಲಾಯಿತು.

ಇದನ್ನೂ ಓದಿ - Air travel new guidelines: ವಾಯುಯಾನ ನಿಯಮಗಳಲ್ಲಿ ಭಾರೀ ಬದಲಾವಣೆ

1 ಮಿಲಿಯನ್‌ಗಿಂತ ಹೆಚ್ಚು ಜನಸಂಖ್ಯೆ ಹೊಂದಿರುವ ನಗರಗಳ ಶ್ರೇಯಾಂಕ ಪಟ್ಟಿ ;

ನಗರ	ಸ್ಕೋರ್
ಬೆಂಗಳೂರು	66.70
ಪುಣೆ	66.27
ಅಹಮದಾಬಾದ್	64.87
ಚೆನ್ನೈ	62.61
ಸೂರತ್	61.73
ನವೀ ಮುಂಬೈ	61.60
ಕೊಯಮತ್ತೂರು	59.72
ವಡೋದರಾ	59.24
ಇಂದೋರ್	58.58
ಗ್ರೇಟರ್ ಮುಂಬೈ	58.23

1 ಮಿಲಿಯನ್‌ಗಿಂತ ಕಡಿಮೆ ಜನಸಂಖ್ಯೆ ಹೊಂದಿರುವ ನಗರಗಳ ಶ್ರೇಯಾಂಕ

ನಗರ	ಸ್ಕೋರ್
ಶಿಮ್ಲಾ	60.90
ಭುವನೇಶ್ವರ	59.85
ಸಿಲ್ವಾಸ್ಸ	58.43
ಕಾಕಿನಾಡ	56.84
ಸೇಲಂ	56.40
ವೆಲ್ಲೂರು	56.38
ಗಾಂಧಿನಗರ	56.25
ಗುರುಗ್ರಾಮ್	56.00
ದಾವಣಗೆರೆ	55.25
ತಿರುಚಿರಾಪಳ್ಳಿ	55.24