Chief Justice Of India: ಚರ್ಚೆಯೇ ಇಲ್ಲದೆ ಸಂಸತ್ತಿನಲ್ಲಿ ಕಾನೂನಿನ ಅಂಗೀಕಾರ, ಇಂತಹ ಕಾನೂನುಗಳಲ್ಲಿ ಸ್ಪಷ್ಟತೆಯ ಕೊರತೆ ಎಂದ CJI

ನವದೆಹಲಿ - ಮುಖ್ಯ ನ್ಯಾಯಮೂರ್ತಿ (Chief Justice Of India) ಎನ್.ವಿ.ರಮಣ (NV Ramana) ಅವರು ಕಾನೂನನ್ನು ಅಂಗೀಕರಿಸುವ ಮೊದಲು ಸಂಸತ್ತಿನಲ್ಲಿ (Parliament) ನಡೆಯುತ್ತಿರುವ ಕಡಿಮೆ ಚರ್ಚೆಯ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದಾರೆ. ಸ್ವಾತಂತ್ರ್ಯ ದಿನಾಚರಣೆಯ (Independence Day) ಸಂದರ್ಭದಲ್ಲಿ ಸುಪ್ರೀಂ ಕೋರ್ಟ್‌ನಲ್ಲಿ (Supreme Corut) ಧ್ವಜಾರೋಹಣ ನೆರವೇರಿಸಿ ಮಾತನಾಡಿರುವ ಮುಖ್ಯ ನ್ಯಾಯಮೂರ್ತಿಗಳು, ಸದನದಲ್ಲಿ ಚರ್ಚೆಯ ಗುಣಮಟ್ಟದ ಬಗ್ಗೆ ವಿಷಾದ ವ್ಯಕ್ತಪಡಿಸಿದ್ದಾರೆ. ಸರಿಯಾದ ಚರ್ಚೆಯಿಲ್ಲದೆ ಅಂಗೀಕರಿಸಿದ ಕಾನೂನಿನಲ್ಲಿ ಸ್ಪಷ್ಟತೆ ಇರುವುದಿಲ್ಲ ಎಂದು ಅವರು ಹೇಳಿದ್ದಾರೆ. ಇವುಗಳ ಕುರಿತು ಪ್ರಕರಣಗಳು ದಾಖಲಾಗುತ್ತಲೇ ಇರಲಿವೆ.

ಇದನ್ನೂ ಓದಿ-PM Gatishakti Scheme: ಪ್ರಧಾನಿ ಗತಿಶಕ್ತಿ ಯೋಜನೆ ಘೋಷಿಸಿದ ಪ್ರಧಾನಿ ಮೋದಿ, ಏನಿದರ ವಿಶೇಷತೆ?

ಕಾನೂನು ರಚನೆಯ ಸಂದರ್ಭದಲ್ಲಿ ಸಂಸತ್ತಿನ ಭಾವನೆ ಏನಾಗಿತ್ತು ಎಂಬುದು ನ್ಯಾಯಾಧೀಶರಿಗೂ ಅರ್ಥವಾಗುವುದಿಲ್ಲ
ಕಾನೂನಿಗೆ ಅನುಮೋದನೆ ನೀಡುವಾಗ ಚರ್ಚೆಯ ಕೊರತೆಯ ಕಾರಣ, ಕಾನೂನು ರಚನೆಯ ಸಂದರ್ಭದಲ್ಲಿ ಸಂಸತ್ತಿನ ಅಭಿಪ್ರಾಯ ಏನಾಗಿತ್ತು ಎಂಬುದನ್ನು ಅರ್ಥಮಾಡಿಕೊಳ್ಳಲು ನ್ಯಾಯಾಧೀಶರು ಕೂಡ ವಿಫಲರಾಗುತ್ತಾರೆ. ಆದರೆ, ಈ ಮೊದಲು ಹಾಗೆ ಇರಲಿಲ್ಲ. ಯಾವುದೇ ಕಾನೂನಿನ ಕುರಿತಾದ ವಿವಾದದ ಮೇಲೆ ವಿಚಾರಣೆ ನಡೆಸುವ ಸಂದರ್ಭದಲ್ಲಿ ಸಂಸತ್ತಿನ ಆಭಿಪ್ರಾಯ ನ್ಯಾಯಾಧೀಶರ ಪಾಲಿಗೆ ಮಹತ್ವದ್ದಾಗಿತ್ತು. ಒಂದು ವೇಳೆ ಸಂಸತ್ತಿನ ಅಭಿಪ್ರಾಯ ಸರಿಯಾಗಿ ತಿಳಿಯದೆ ಇದ್ದ ಸಂದರ್ಭದಲ್ಲಿ ನ್ಯಾಯಾಧೀಶರಿಗೂ ಕೂಡ  ಕಠಿಣತೆ ಎದುರಾಗುತ್ತದೆ ಎಂದು ಅವರು ಹೇಳಿದ್ದಾರೆ. 

ಇದನ್ನೂ ಓದಿ-Independence Day 2021: ‘ಅಮೃತ’ ಹೊಸ ಯೋಜನೆಗಳನ್ನು ಘೋಷಿಸಿದ ಸಿಎಂ ಬಸವರಾಜ್ ಬೊಮ್ಮಾಯಿ

ಕಾನೂನಿನ ತಜ್ಞರ ಉಪಸ್ಥಿತಿಯಲ್ಲಿ ಚರ್ಚೆ ಮತಷ್ಟು ಉತ್ತಮಗೊಳ್ಳಲಿದೆ
ಈ ಸಂದರ್ಭದಲ್ಲಿ ಅವರು ವಕೀಲರ ಸಮುದಾಯವನ್ನು ಉದ್ದೇಶಿಸಿ ಮಾತನಾಡುತ್ತ, ನ್ಯಾಯವಾದಿಗಳು ಕೂಡ ತಮ್ಮನ್ನು ತಾವು ಕೇವಲ ವಕಾಲತ್ತಿಗೆ ಮಾತ್ರ ಸೀಮಿತಗೊಳಿಸಬಾರದು. ರಾಜಕೀಯ ರೂಪದಲ್ಲಿ ಸಕ್ರೀಯವಾಗಿ ಸಂಸತ್ತಿನವರೆಗೆ ತಲುಪಲು ಪ್ರಯತ್ನಿಸಬೇಕು ಎಂದು ಅವರು ಆಹ್ವಾನಿಸಿದ್ದಾರೆ. ಏಕೆಂದರೆ, ಕಾನೂನಿನ ತಜ್ಞರ ಉಪಸ್ಥಿತಿಯಲ್ಲಿ ಉತ್ತಮ ಚರ್ಚೆ ನಡೆಯುವ ಸಾಧ್ಯತೆ ಇರುತ್ತದೆ ಮತ್ತು ಜನರಿಗಾಗಿ ಸ್ಪಷ್ಟ ಕಾನೂನುಗಳು ಅನುಮೋದನೆಗೊಳ್ಳಲಿವೆ ಎಂದು ಸಿಜೆಐ ಹೇಳಿದ್ದಾರೆ.