CNG Retrofit: ಹಳೆ ಕಾರಿಗೂ ಕೂಡ CNG ಅಳವಡಿಸಲು ಕೇಂದ್ರ ಸರ್ಕಾರದ ಅನುಮತಿ

ನವದೆಹಲಿ: CNG Retrofit - ಕೇಂದ್ರ ಸರ್ಕಾರವು ಕಾರು ಮಾಲೀಕರಿಗೆ  ಸಿಹಿಸುದ್ದಿಯೊಂದನ್ನು ಪ್ರಕಟಿಸಿದೆ. ಅಧಿಸೂಚನೆಯ ಮೂಲಕ, ಬಿಎಸ್ 6 ವಾಹನಗಳನ್ನು ಸಿಎನ್‌ಜಿ ಅಥವಾ ಎಲ್‌ಪಿಜಿಗೆ (Cng Cars) ಮರುಹೊಂದಿಸಲು ಸರ್ಕಾರ ಅನುಮತಿ ನೀಡಿದೆ. ಈಗ ಎಲ್ಲಾ ವಾಹನ ಮಾಲೀಕರು ತಮ್ಮ ಹಳೆಯ ವಾಹನಗಳನ್ನು CNG ನಲ್ಲಿ ಓಡಿಸಬಹುದು, BS6 ವಾಹನಗಳಿಗೆ ಮಾತ್ರ ಈ ವಿನಾಯಿತಿ ನೀಡಲಾಗಿದೆ ಎಂಬುದನ್ನು ನೆನಪಿಡಿ. 3.5 ಟನ್‌ಗಿಂತ ಕಡಿಮೆ ತೂಕದ ಕಾರುಗಳನ್ನು ಮಾತ್ರ ಮರುಹೊಂದಿಸಬಹುದು ಎಂದು ಸರ್ಕಾರದ ಅಧಿಸೂಚನೆಯಲ್ಲಿ ಸ್ಪಷ್ಟಪಡಿಸಿದೆ

ಇದನ್ನೂ ಓದಿ-New Road Saftey Norms Soon: ರಸ್ತೆ ಅಪಘಾತದಲ್ಲಿ ಇನ್ಮುಂದೆ ಜನರ ಪ್ರಾಣ ಹೋಗಲ್ಲ, ಕೇಂದ್ರ ಸರ್ಕಾರದ ಸಿದ್ಧತೆ ಇದು

ಪ್ರಸ್ತುತ, BS6 ವಾಹನಗಳಿಗೆ ಮಾತ್ರ CNG ರೆಟ್ರೊ ಫಿಟ್ಟಿಂಗ್ ಅನ್ನು ಅನುಮತಿಸಲಾಗಿದೆ
ಸರ್ಕಾರಿ ಮೂಲಗಳು ನೀಡಿರುವ ಮಾಹಿತಿಯನ್ನು ನಂಬುವುದಾದರೆ, ಕಳೆದ ಹಲವು ವರ್ಷಗಳಿಂದ ಈ ಕುರಿತು ಬೇಡಿಕೆ ಇತ್ತು ಮತ್ತು ಅನೇಕ ಜನರು CNG ಗಾಗಿ ಮರುಹೊಂದಿಸುವ ಬಗ್ಗೆ ಮಾಹಿತಿಯನ್ನು ತೆಗೆದುಕೊಳ್ಳುತ್ತಿದ್ದಾರೆ. ಪ್ರಸ್ತುತ, ಭಾರತದಲ್ಲಿ BS6 ಕಂಪ್ಲೈಂಟ್ ವಾಹನಗಳನ್ನು ಮಾತ್ರ ಮಾರಾಟ ಮಾಡಲಾಗುತ್ತಿದೆ, ಇದು ಏಪ್ರಿಲ್ 2020 ರಲ್ಲಿ ನಿಯಮಗಳು ಜಾರಿಗೆ ಬಂದ ನಂತರ ಜಾರಿಗೆ ಬಂದಿವೆ. ಪ್ರಸ್ತುತ, ಭಾರತ್ ಸ್ಟೇಜ್ 6 ಅಂದರೆ ಬಿಎಸ್ 6 ಮಾನದಂಡಗಳಿರುವ ವಾಹನಗಳಿಗೆ ಮಾತ್ರ ಸಿಎನ್‌ಜಿ ರಿಟ್ರೋಫಿಟ್ ಮಾಡಲು ಸರ್ಕಾರ ಅನುಮತಿ ನೀಡಿದೆ.

ಇದನ್ನೂ ಓದಿ-1,600 ಕೋಟಿ ರೂ. ವೆಚ್ಚದ ಹೆದ್ದಾರಿ ಯೋಜನೆಗೆ ಒಪ್ಪಿಗೆ: ಗಡ್ಕರಿಗೆ ಸಂಸದ ಪ್ರತಾಪ್ ಸಿಂಹ ಧನ್ಯವಾದ

ಅನುಮೋದನೆ ದೊರತರೆ 3 ವರ್ಷಗಳವರೆಗೆ ಅದನ್ನು ನೀವು ಬಳಸಬಹುದು
ರಸ್ತೆ ಸಾರಿಗೆ ಮತ್ತು ಹೆದ್ದಾರಿಗಳ ಸಚಿವಾಲಯವು (Morth) ಈ ಅಧಿಸೂಚನೆಯಲ್ಲಿ ರೆಟ್ರೊಫಿಟಿಂಗ್ ಅನ್ನು ಅನುಮೋದಿಸುವುದು ಇಂದಿನ ಬೇಡಿಕೆಯಾಗಿದೆ ಎಂದು ಹೇಳಿದೆ. CNG ಕಾರುಗಳು ಪರಿಸರಕ್ಕೆ ಹಾನಿ ಮಾಡುವುದಿಲ್ಲ, ಆದರೆ ಪೆಟ್ರೋಲ್-ಡೀಸೆಲ್ ಚಾಲಿತ ವಾಹನಗಳು ಪರಿಸರಕ್ಕೆ ತುಂಬಾ ಹಾನಿಕಾರಕವೆಂದು ಸಾಬೀತಾಗಿದೆ. ಸಿಎನ್‌ಜಿ ರೆಟ್ರೊ ಫಿಟ್‌ಮೆಂಟ್‌ಗಾಗಿ ವಾಹನವನ್ನು ಒಮ್ಮೆ ಅನುಮೋದಿಸಿದರೆ, ಅದನ್ನು ನೀವು 3 ವರ್ಷಗಳವರೆಗೆ ಬಳಸಬಹುದು. ಇದರ ನಂತರ, ನೀವು ಅದನ್ನು ಮುಂದಕ್ಕೆ ಕೊಂಡೊಯ್ಯಲು ಬಯಸಿದರೆ, ಈ ಅನುಮೋದನೆಯನ್ನು ಪ್ರತಿ 3 ವರ್ಷಗಳಿಗೊಮ್ಮೆ ನವೀಕರಿಸಬೇಕಾಗುತ್ತದೆ. ವಿಶೇಷವಾಗಿ ತಯಾರಿಸಿದ ವಾಹನಗಳು ಮಾತ್ರ ಈ ಅನುಮೋದನೆಯನ್ನು ಪಡೆಯುತ್ತವೆ ಎಂಬುದನ್ನು ನೆನಪಿಡಿ.