Covid-19: : ಓಮಿಕ್ರಾನ್‌ನ ಉಪ-ರೂಪಾಂತರಗಳಾದ BA.4, BA.5 ಎಷ್ಟು ಅಪಾಯಕಾರಿ?

ಓಮಿಕ್ರಾನ್ ಉಪ-ವೇರಿಯಂಟ್ BA.4 ಮತ್ತು BA.5: ಭಾರತ ಸೇರಿದಂತೆ ಪ್ರಪಂಚದಲ್ಲಿ ಕರೋನಾ ವೈರಸ್ ಸೋಂಕು ಮತ್ತೆ ಹೆಚ್ಚಾಗುತ್ತಿರುವುದು ಆತಂಕ ಸೃಷ್ಟಿಸಿದೆ. ಏತನ್ಮಧ್ಯೆ,  ಒಮಿಕ್ರಾನ್‌ನ ಉಪ-ವೇರಿಯಂಟ್ ಬಿಎ.4 ಮತ್ತು ಬಿಎ.5 ಗೆ ಸಂಬಂಧಿಸಿದಂತೆ  ಪ್ರಕರಣಗಳು ಭಾರತದಲ್ಲಿಯೂ ವರದಿಯಾಗಿವೆ. ಆದರೂ ಇದುವರೆಗೆ ಅದರ ಪ್ರಕರಣಗಳು ಮಹಾರಾಷ್ಟ್ರದಲ್ಲಿ ಮಾತ್ರ ವರದಿಯಾಗಿರುವುದು ಸಮಾಧಾನದ ವಿಷಯವಾಗಿದೆ. ಆದರೆ, ಸೋಂಕು ತಡೆಗಟ್ಟಲು ಅಗತ್ಯ ಕ್ರಮಗಳನ್ನು ತೆಗೆದುಕೊಳ್ಳದಿದ್ದರೆ, ಇತರ ರಾಜ್ಯಗಳಲ್ಲಿಯೂ ಇದರ ಪ್ರಕರಣಗಳು ಬರಬಹುದು ಎಂದು ತಜ್ಞರು ಆತಂಕ ವ್ಯಕ್ತಪಡಿಸಿದ್ದಾರೆ.

ಓಮಿಕ್ರಾನ್‌ನ ಉಪ-ವ್ಯತ್ಯಯಗಳಾದ ಬಿಎ.4 ಮತ್ತು ಬಿಎ.5 ಎಷ್ಟು ಅಪಾಯಕಾರಿ?
ಕರೋನಾ ವೈರಸ್‌ನ ಉಪ-ರೂಪಾಂತರಗಳಾದ ಬಿಎ.4 ಮತ್ತು ಬಿಎ.5  ಕೆಲವು ದೇಶಗಳಲ್ಲಿ ಕಳವಳವನ್ನು ಹುಟ್ಟುಹಾಕಿದೆ. ಆದಾಗ್ಯೂ, ಭಾರತದಲ್ಲಿ ಇದರ ಅಪಾಯ ಕಡಿಮೆ ಎಂದು ಹೇಳಲಾಗುತ್ತಿದೆ.  ವಾಸ್ತವವಾಗಿ, ಕರೋನಾ ಹೊಸ ತಳಿ ಒಮಿಕ್ರಾನ್‌ನ ರೂಪಾಂತರಗಳಾಗಿವೆ ಎಂದು ತಜ್ಞರು ಹೇಳುತ್ತಾರೆ. ಆದ್ದರಿಂದ ಭಾರತದಲ್ಲಿ ಅವುಗಳ ಪರಿಣಾಮವು ಕಡಿಮೆ ಗೋಚರಿಸುತ್ತದೆ, ಏಕೆಂದರೆ ಓಮಿಕ್ರಾನ್ ವಿರುದ್ಧ ರೋಗನಿರೋಧಕ ಶಕ್ತಿ ಈಗಾಗಲೇ ದೇಶದ ಜನರಲ್ಲಿ ಪ್ರಬಲವಾಗಿದೆ. ಆದಾಗ್ಯೂ, ಈ ರೂಪಾಂತರಗಳ ಬಗ್ಗೆ ಜಾಗರೂಕರಾಗಿರಬೇಕು ಎಂದು ತಜ್ಞರು ಸಲಹೆ ನೀಡಿದ್ದಾರೆ.

ಇದನ್ನೂ ಓದಿ- Monkeypox Virus Alert : ಕೊರೋನಾಗಿಂತ ತುಂಬಾ ಅಪಾಯಕಾರಿ ಈ ವೈರಸ್ : ICMR ನೀಡಿದೆ ಎಚ್ಚರಿಕೆ

ಜನರಲ್ಲಿ  ಓಮಿಕ್ರಾನ್‌ನ  ಬಿಎ.4 ಮತ್ತು ಬಿಎ.5 ವಿಭಿನ್ನ ಲಕ್ಷಣಗಳು:
ಸೋಂಕಿತ ರೋಗಿಗಳ ರೋಗಲಕ್ಷಣಗಳ ಮೇಲೆ ನಿಗಾ ಇಡುವುದು ಬಹಳ ಮುಖ್ಯ ಎಂದು ತಜ್ಞರು ಹೇಳುತ್ತಾರೆ, ಏಕೆಂದರೆ  ಬಿಎ.4 ಮತ್ತು ಬಿಎ.5  ರ ಲಕ್ಷಣಗಳು ವಿಭಿನ್ನ ಜನರಲ್ಲಿ ವಿಭಿನ್ನವಾಗಿ ಕಂಡುಬರುತ್ತವೆ. ಒಮಿಕ್ರಾನ್ ಉಪ-ವ್ಯತ್ಯಯಗಳಾದ  ಬಿಎ.4 ಮತ್ತು ಬಿಎ.5  ಸೋಂಕಿಗೆ ಒಳಗಾದಾಗ ಜ್ವರ, ತಲೆನೋವು, ವಾಂತಿ ಮತ್ತು ಹೊಟ್ಟೆ ನೋವು, ಗಂಟಲು ನೋವು, ಕೆಮ್ಮು ಮುಂತಾದ ಸಾಮಾನ್ಯ ಲಕ್ಷಣಗಳು ಕಂಡುಬರಬಹುದು.

ಇದನ್ನೂ ಓದಿ- Zee Kannada News Explainer: ಕೊರೊನಾಗಿಂತ ಅಪಾಯಕಾರಿಯಾಗಿದೆಯೇ ಮಂಕಿಪಾಕ್ಸ್? ಇಲ್ಲಿದೆ ವಿಸ್ತೃತ ವರದಿ

ಬಿಎ.4 ಮತ್ತು ಬಿಎ.5  ಕುರಿತು ಡಬ್ಲ್ಯೂಹೆಚ್ಒ ಏನು ಹೇಳಿದೆ?
ವಿಶ್ವ ಆರೋಗ್ಯ ಸಂಸ್ಥೆಯು (ಡಬ್ಲ್ಯೂಹೆಚ್ಒ) ಓಮಿಕ್ರಾನ್‌ನ ಉಪ-ರೂಪಾಂತರಗಳಾದ ಬಿಎ.4 ಮತ್ತು ಬಿಎ.5   ಅನ್ನು ಸೌಮ್ಯವೆಂದು ಪರಿಗಣಿಸಿದೆ ಮತ್ತು 'ಕಾಳಜಿಯ ರೂಪಾಂತರಗಳು' ಅಲ್ಲ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದೆ. ಈ ಎರಡು ಉಪ-ವ್ಯತ್ಯಯಗಳ ರೋಗಲಕ್ಷಣಗಳು ತೀವ್ರವಾಗಿಲ್ಲ ಮತ್ತು ಹಿಂದಿನ ರೂಪಾಂತರಗಳಂತೆ ಅವು ಸಾಂಕ್ರಾಮಿಕವಲ್ಲ ಎಂದು ಡಬ್ಲ್ಯೂಹೆಚ್ಒ ಹೇಳುತ್ತದೆ. ಆದಾಗ್ಯೂ, ಈ ಬಗ್ಗೆ ಯಾರೂ ಮೈಮರೆಯುವಂತಿಲ್ಲ. ಆಯಾ ದೇಶಗಳು ಕರೋನಾ ಸೋಂಕಿತರ ಬಗ್ಗೆ  ಮೇಲ್ವಿಚಾರಣೆ ಮಾಡುವ ಅವಶ್ಯಕತೆಯಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಸಲಹೆ ನೀಡಿದೆ.