Covid Patients: ಕರೋನಾದಿಂದ ಚೇತರಿಸಿಕಂಡ ಬಳಿಕ ಎಷ್ಟು ದಿನಗಳವರೆಗೆ ಶಸ್ತ್ರಚಿಕಿತ್ಸೆಗೆ ಒಳಗಾಗಬಾರದು? ಇಲ್ಲಿದೆ ICMR ಸಲಹೆ

ನವದೆಹಲಿ: ಕರೋನಾ ಅವಧಿಯಲ್ಲಿ, ಇತರ ಕಾಯಿಲೆಗಳಿಗೆ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಜನರು ಸಾಕಷ್ಟು ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ. ಒಂದು ಆಸ್ಪತ್ರೆಯ ಕೋವಿಡ್ ರೋಗಿಗಳ (Covid Patients) ಚಿಕಿತ್ಸೆಯತ್ತ ಗಮನ ಹರಿಸುತ್ತಿದ್ದರೆ, ಎರಡನೆಯದು ಸೋಂಕಿನ ಅಪಾಯ. ವೈದ್ಯರು ಸಹ ಚಿಕಿತ್ಸೆಗಾಗಿ ಆಸ್ಪತ್ರೆಗೆ ಬರುವ ರೋಗಿಗಳಿಗೆ ಮೊದಲು ಕರೋನಾ ಟೆಸ್ಟ್ (Corona Test) ಮಾಡಿಸುವಂತೆ ಕೇಳುತ್ತಾರೆ. ಈ ಮಧ್ಯೆ ಕರೋನಾದಿಂದ ಚೇತರಿಸಿಕೊಂಡ ವ್ಯಕ್ತಿ ಎಷ್ಟು ದಿನಗಳ ಬಳಿಕ ಶಸ್ತ್ರಚಿಕಿತ್ಸೆಗೆ ಒಳಗಾಗಬಹುದು ಎಂಬುದು ಹಲವರನ್ನು ಕಾಡುತ್ತಿರುವ ಪ್ರಶ್ನೆಯಾಗಿದೆ. ಐಸಿಎಂಆರ್ (ICMR) ಇದಕ್ಕೆ ಅಗತ್ಯವಾದ ಸಲಹೆಯನ್ನು ನೀಡಿದೆ.

ಕರೋನಾದಿಂದ ಚೇತರಿಸಿಕೊಂಡ ರೋಗಿಗಳಿಗೆ, ಸುಮಾರು 102 ದಿನಗಳ ನಂತರ ಮಾತ್ರ ಮತ್ತೆ ಪರೀಕ್ಷೆಗೆ ಒಳಗಾಗುವಂತೆ ಐಸಿಎಂಆರ್ (ICMR) ಸೂಚಿಸಿದೆ. ಇದಲ್ಲದೆ ಕರೋನಾದಿಂದ ಚೇತರಿಸಿಕೊಳ್ಳುವ ರೋಗಿಯು ಕನಿಷ್ಠ 6 ವಾರಗಳ ನಂತರ ಶಸ್ತ್ರಚಿಕಿತ್ಸೆಗೆ ಒಳಗಾಗಬೇಕು ಎಂದು ಐಸಿಎಂಆರ್ ಮತ್ತು ರಾಷ್ಟ್ರೀಯ ಕಾರ್ಯಪಡೆಯ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಆದಾಗ್ಯೂ, ತುರ್ತು ಸಂದರ್ಭದಲ್ಲಿ ಶಸ್ತ್ರಚಿಕಿತ್ಸೆ ಮಾಡಬಹುದು ಎಂದು ತಿಳಿಸಲಾಗಿದೆ.

ಪರೀಕ್ಷೆ ತಪ್ಪಾಗಬಹುದು ?
ಟೈಮ್ಸ್ ಆಫ್ ಇಂಡಿಯಾದ ಸುದ್ದಿಯ ಪ್ರಕಾರ, ರಾಷ್ಟ್ರೀಯ ಕಾರ್ಯಪಡೆಯ ಸಂಜಯ್ ಪೂಜಾರಿ ಅವರು 102 ದಿನಗಳ ಚೇತರಿಕೆಯ ನಂತರವೇ ಕರೋನದ ಲಕ್ಷಣಗಳು ಪತ್ತೆಯಾಗುತ್ತವೆ. ಅಂತಹ ಪರಿಸ್ಥಿತಿಯಲ್ಲಿ, ಕರೋನಾ ತನಿಖೆಯ ಫಲಿತಾಂಶಗಳು ಕಡಿಮೆ ಸಮಯದಲ್ಲಿ ಮತ್ತೆ ತಪ್ಪಾಗಬಹುದು ಎನ್ನಲಾಗಿದೆ. ಇದರೊಂದಿಗೆ, ಕರೋನಾ ಸೋಂಕಿತ (Corona Patients) ರೋಗಿಗಳು ಸೋಂಕಿನಿಂದ ಚೇತರಿಸಿಕೊಂಡ ಕನಿಷ್ಠ 6 ವಾರಗಳ ನಂತರವೇ ಯಾವುದೇ ಶಸ್ತ್ರಚಿಕಿತ್ಸೆಗೆ ಒಳಗಾಗಬಹುದು ಎನ್ನಲಾಗಿದೆ.

ಇದನ್ನೂ ಓದಿ- Vaccination ಹಾಕಿಸಿಲ್ಲ ಅಂದ್ರೆ ಸಂಬಳವಿಲ್ಲ: ಸರ್ಕಾರಿ ನೌಕರರಿಗೆ ವಿಚಿತ್ರ ನಿಯಮ

ಕರೋನಾದಿಂದ ಚೇತರಿಸಿಕೊಳ್ಳುವ ರೋಗಿಗಳ ಮೇಲೆ ಶಸ್ತ್ರಚಿಕಿತ್ಸೆಯ ಪರಿಣಾಮವು ಬದಲಾಗಬಹುದು ಮತ್ತು ಅವರ ಆರೋಗ್ಯದ ಮೇಲೆ ಅವಲಂಬಿತವಾಗಿರುತ್ತದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಅಂತಹ ರೋಗಿಗಳಲ್ಲಿ ಉಸಿರಾಟದ ತೊಂದರೆ, ಹೃದಯ ನೋವು ಮತ್ತು ಆಯಾಸ ಸಾಮಾನ್ಯವಾಗಿದೆ. ಕರೋನಾದಿಂದ ಚೇತರಿಸಿಕೊಂಡ 60 ದಿನಗಳವರೆಗೆ ಇವುಗಳನ್ನು ಕಾಣಬಹುದು ಎಂದು ಹೇಳಲಾಗಿದೆ.

ಕರೋನಾ ಚೇತರಿಕೆ ರೋಗಿಯನ್ನು 102 ದಿನಗಳಲ್ಲಿ ಮರುಪರಿಶೀಲಿಸುವುದು ಕೇವಲ ಹಣ ವ್ಯರ್ಥ ಮತ್ತು ಇದು ಆತಂಕವನ್ನು ಉಂಟುಮಾಡುತ್ತದೆ ಎಂದು ಪೂನಾ ಸರ್ಜಿಕಲ್ ಸೊಸೈಟಿ ಅಧ್ಯಕ್ಷ ಸಂಜಯ್ ಕೋಲ್ಟೆ ಹೇಳಿದ್ದಾರೆ. ಆರ್‌ಟಿಪಿಸಿಆರ್ (RTPCR) ಪರೀಕ್ಷೆಗೆ ಒಳಗಾಗಲು ರೋಗಿಗಳನ್ನು ಕೇಳುವ ಬದಲು ಶಸ್ತ್ರಚಿಕಿತ್ಸಕರು ಸಹ ಸಾರ್ವತ್ರಿಕ ಅಭ್ಯಾಸವನ್ನು ಅನುಸರಿಸಬೇಕು ಎಂದು ಅವರು ಹೇಳಿದರು.

ಇದನ್ನೂ ಓದಿ-  Corona Vaccine: ಕರೋನಾ ಲಸಿಕೆ ಪಡೆದು 10 ಕೋಟಿ ಗೆಲ್ಲುವ ಅವಕಾಶ

ಶಸ್ತ್ರಚಿಕಿತ್ಸೆಗಾಗಿ ಎಷ್ಟು ಸಮಯ ಕಾಯಬೇಕು?
ಚೇತರಿಸಿಕೊಂಡ ರೋಗಿಗಳು ಕರೋನದ ಲಕ್ಷಣಗಳನ್ನು ಹೊಂದಿಲ್ಲದಿದ್ದರೆ ಅಥವಾ ತುಂಬಾ ಸೌಮ್ಯವಾದ ರೋಗಲಕ್ಷಣಗಳನ್ನು ಹೊಂದಿದ್ದರೆ, ನಂತರ ಅವರು 4 ವಾರಗಳ ನಂತರ ಶಸ್ತ್ರಚಿಕಿತ್ಸೆಗೆ ಒಳಗಾಗಬೇಕು. ತೀವ್ರ ರೋಗಲಕ್ಷಣಗಳನ್ನು ಹೊಂದಿದ್ದು ಆಸ್ಪತ್ರೆಗೆ ದಾಖಲಾಗದೆ ಕರೋನಾದಿಂದ ಚೇತರಿಸಿಕೊಳ್ಳುವ ರೋಗಿಗಳಿಗೆ 6 ವಾರಗಳ ನಂತರ ಶಸ್ತ್ರಚಿಕಿತ್ಸೆಗೆ ಸಲಹೆ ನೀಡಲಾಗುತ್ತಿದೆ. ಇದಲ್ಲದೆ, ಕರೋನದ ತೀವ್ರ ರೋಗಲಕ್ಷಣಗಳ ನಂತರ ರೋಗಿಯು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಾಗಿದ್ದರೆ ಮತ್ತು ಮಧುಮೇಹ ಸಮಸ್ಯೆಯಿದ್ದರೆ,  ಶಸ್ತ್ರಚಿಕಿತ್ಸೆಗೆ ಕನಿಷ್ಠ 10 ವಾರಗಳವರೆಗೆ ಕಾಯಬೇಕು ಎಂದು ಹೇಳಲಾಗುತ್ತಿದೆ.

ನೆನಪಿಡಿ: ಕರೋನಾದಿಂದ ಚೇತರಿಸಿಕೊಂಡ ನಂತರ ಮತ್ತೆ ಕರೋನಾ ಟೆಸ್ಟ್  ಮಾಡಿಸಲು 102 ದಿನಗಳವರೆಗೆ ಕಾಯಬೇಕು. ಈ ಸಮಯದ ನಂತರವೂ ಮತ್ತೆ ಕರೋನಾ ಪಾಸಿಟಿವ್  ಬಂದರೆ ಅದು ಹೊಸ ಸೋಂಕಿನ ಪರಿಣಾಮವಾಗಿರಬಹುದು.