ಕಾಂಗ್ರೆಸ್ ಪಕ್ಷವಿಲ್ಲದೆ ಮೈತ್ರಿ ರಚನೆ ಬಿಜೆಪಿಗೆ ಅನುಕೂಲ ಮಾಡಿದಂತೆ- ದೀದಿ ಹೇಳಿಕೆಗೆ ಶಿವಸೇನಾ ತಿರುಗೇಟು

ನವದೆಹಲಿ: ತೃಣಮೂಲ ಕಾಂಗ್ರೆಸ್ (ಟಿಎಂಸಿ) ಮುಖ್ಯಸ್ಥೆ ಮಮತಾಬ್ಯಾನರ್ಜಿ ಅವರು ಕಾಂಗ್ರೆಸ್ ಇಲ್ಲದೆ ಪ್ರತಿಪಕ್ಷಗಳ ಒಗ್ಗಟ್ಟಿಗೆ ಕರೆ ನೀಡುತ್ತಿದ್ದಂತೆ, ಶಿವಸೇನೆ ಶನಿವಾರದಂದು ಕಾಂಗ್ರೆಸ್ ಪಕ್ಷವಿಲ್ಲದೆ ಯುಪಿಎಗೆ ಸಮಾನಾಂತರವಾಗಿ ಮೈತ್ರಿ ರಚಿಸುವುದು ಆಡಳಿತ ಪಕ್ಷ ಬಿಜೆಪಿ ಮತ್ತು ಫ್ಯಾಸಿಸ್ಟ್ ಶಕ್ತಿಗಳಿಗೆ ಇನ್ನಷ್ಟು ಅನುಕೂಲ ಮಾಡುತ್ತದೆ ಎಂದು ಅವರು ಹೇಳಿದೆ.

ಇದನ್ನೂ ಓದಿ : Vicky Kaushal-Katrina Kaif ಮದುವೆಗೆ ಹಾಜರಾಗುವುದಿಲ್ಲ ಎಂದು ಹೇಳಿದ ಗಜರಾಜ್ ರಾವ್..!

ಶಿವಸೇನೆ ತನ್ನ ಮುಖವಾಣಿ 'ಸಾಮ್ನಾ'ದಲ್ಲಿ ಕಾಂಗ್ರೆಸ್ ನೇತೃತ್ವದ ಯುಪಿಎ ಬಯಸದವರು ತಮ್ಮ ನಿಲುವನ್ನು ಸ್ಪಷ್ಟಪಡಿಸಬೇಕು ಮತ್ತು ಸಾರ್ವಜನಿಕವಾಗಿ ಗೊಂದಲ ಸೃಷ್ಟಿಸಬಾರದು ಎಂದು ಹೇಳಿದೆ.ಸೋನಿಯಾ ಗಾಂಧಿ ಮತ್ತು ರಾಹುಲ್ ಗಾಂಧಿ ಅವರು ಯುಪಿಎ ಜೊತೆ ಏನು ಮಾಡಬೇಕೆಂಬುದರ ಬಗ್ಗೆ ಮಾತನಾಡಬೇಕು, ವಿರೋಧ ಪಕ್ಷಗಳ ಪ್ರಬಲ ಮೈತ್ರಿ ಬಯಸುವವರು ಯುಪಿಎ ಬಲಪಡಿಸಲು ಮುಂದಾಗಬೇಕು, ಕಾಂಗ್ರೆಸ್ ಜೊತೆ ಭಿನ್ನಾಭಿಪ್ರಾಯಗಳಿದ್ದರೂ, ಯುಪಿಎ ಇನ್ನೂ ಸಾಕಾರಗೊಳ್ಳಲಿ,'' ಎಂದು ಮಹಾರಾಷ್ಟ್ರದಲ್ಲಿ ಕಾಂಗ್ರೆಸ್ ಜೊತೆ ಮೈತ್ರಿ ಮಾಡಿಕೊಂಡಿರುವ ಶಿವಸೇನೆ ಹೇಳಿದೆ.

ಮಮತಾ ಬ್ಯಾನರ್ಜಿಯವರ ಯುಪಿಎ ಇಲ್ಲ ಎಂಬ ಟೀಕೆಗೆ ಪ್ರತಿಕ್ರಿಯಿಸಿರುವ ಶಿವಸೇನೆ "ಯುಪಿಎಯಂತೆ ಎನ್‌ಡಿಎ ಅಸ್ತಿತ್ವದಲ್ಲಿಲ್ಲ, ಬಿಜೆಪಿಗೆ ಎನ್‌ಡಿಎ ಅಗತ್ಯವಿಲ್ಲ, ಆದರೆ ವಿರೋಧ ಪಕ್ಷಗಳಿಗೆ ಯುಪಿಎ ಬೇಕು.ಯುಪಿಎಗೆ ಸಮಾನಾಂತರವಾಗಿ ಮೈತ್ರಿ ರಚಿಸುವುದು ಬಿಜೆಪಿಯನ್ನು ಬಲವರ್ಧನೆ ಮಾಡಿದಂತೆ ಎಂದು ಹೇಳಿದೆ.

ಇದನ್ನೂ ಓದಿ : ಕಾಂಗ್ರೆಸ್ ಪಕ್ಷವನ್ನು ಇಕ್ಕಟ್ಟಿಗೆ ಸಿಲುಕಿಸಲಿದೆಯೇ ಇಮ್ರಾನ್ ಖಾನ್ ಬಗ್ಗೆ ಸಿಧು ನೀಡಿದ ಹೇಳಿಕೆ?

ಮುಂದೆ, ಪ್ರಬಲ ಪ್ರತಿಪಕ್ಷವನ್ನು ಬಯಸುವವರು ಮುಂದೆ ಬಂದು ಕಾಂಗ್ರೆಸ್ ಸೇರಿದಂತೆ ಯುಪಿಎಯನ್ನು ಬಲಪಡಿಸಬೇಕು ಎಂದು ಶಿವಸೇನೆ ಹೇಳಿದೆ.ಬಿಜೆಪಿಯ ಮಾಜಿ ಮಿತ್ರಪಕ್ಷವಾದ ಶಿವಸೇನೆಯು ವಿರೋಧ ಪಕ್ಷಗಳು ಕಾಂಗ್ರೆಸ್ ಅನ್ನು ಗುರಿಯಾಗಿಸಬೇಡಿ ಎಂದು ಒತ್ತಾಯಿಸಿದೆ. "ಕಾಂಗ್ರೆಸ್ ನಾಯಕರಾದ ಸೋನಿಯಾ ಗಾಂಧಿ ಮತ್ತು ರಾಹುಲ್ ಗಾಂಧಿ ಅವರು ನಾಯಕತ್ವ ವಹಿಸಬೇಕು ಮತ್ತು ಯುಪಿಎ ಬಲಪಡಿಸಲು ಮುಂದಾಗಬೇಕು" ಎಂದು ಸಾಮ್ನಾ ತನ್ನ ಸಂಪಾದಕೀಯದಲ್ಲಿ ಹೇಳಿದೆ.

ಇದನ್ನೂ ಓದಿ :ವಿಮಾನದಲ್ಲಿಯೇ ಅಮೇರಿಕಾ ಪ್ರಯಾಣಿಕನ ಸಾವು, ದೆಹಲಿಗೆ ಹಿಂತಿರುಗಿದ ಏರ್ ಇಂಡಿಯಾ

ಬ್ಯಾನರ್ಜಿ ಅವರ ಇತ್ತೀಚಿನ ಮುಂಬೈ ಭೇಟಿಯ ಕುರಿತು ಪ್ರತಿಕ್ರಿಯಿಸಿದ ಶಿವಸೇನೆ, ವಿರೋಧ ಪಕ್ಷಗಳಲ್ಲಿ ಒಗ್ಗಟ್ಟು ಇಲ್ಲದಿದ್ದರೆ, ಬಿಜೆಪಿಗೆ ರಾಷ್ಟ್ರೀಯ ಪರ್ಯಾಯವನ್ನು ರಚಿಸುವ ಮಾತು ನಿಲ್ಲಿಸಬೇಕು ಎಂದು ಹೇಳಿದೆ."ಮಮತಾ ಬ್ಯಾನರ್ಜಿ ಅವರ ಮುಂಬೈ ಭೇಟಿಯ ನಂತರ, ವಿರೋಧ ಪಕ್ಷಗಳು ಕಾರ್ಯರೂಪಕ್ಕೆ ಬಂದಿವೆ.

ಇದನ್ನೂ ಓದಿ : ಮೊದಲ ಮಗುವಿನ ನಿರೀಕ್ಷೆಯಲ್ಲಿ ನಟಿ ಅಮೂಲ್ಯ.. Baby bump ಪೋಟೋ ಹಂಚಿಕೊಂಡ ತಾರೆ

ಬಿಜೆಪಿಗೆ ಪ್ರಬಲ ಪರ್ಯಾಯವನ್ನು ರಚಿಸುವ ಬಗ್ಗೆ ಒಮ್ಮತವಿದೆ, ಆದರೆ ಯಾರನ್ನು ಕರೆದುಕೊಂಡು ಹೋಗಬೇಕು ಮತ್ತು ಯಾರನ್ನು ದೂರ ಇಡಬೇಕು ಎಂಬುದರ ಕುರಿತು ಸಾಕಷ್ಟು ಚರ್ಚೆಗಳು ನಡೆಯುತ್ತಿವೆ.ಈ ಮೈತ್ರಿಯಿಂದ ಯಾವುದೇ ಒಮ್ಮತವಿಲ್ಲದಿದ್ದರೆ, ಬಿಜೆಪಿಯನ್ನು ತೆಗೆದುಕೊಳ್ಳುವ ಬಗ್ಗೆ ಯಾರೂ ಮಾತನಾಡಬಾರದು, ನಾಯಕತ್ವವು ಗೌಣ ವಿಷಯವಾಗಿದೆ, ಆದರೆ ಕನಿಷ್ಠ ಪಕ್ಷ ಒಗ್ಗೂಡುವ ಬಗ್ಗೆ ನಿರ್ಧಾರವಾಗಬೇಕು ಎಂದು ಶಿವಸೇನೆ ಹೇಳಿದೆ.

“ಪ್ರಧಾನಿ ನರೇಂದ್ರ ಮೋದಿ ಮತ್ತು ಬಿಜೆಪಿ ಅವರ ಅಜೆಂಡಾದ ಭಾಗವಾಗಿರುವುದರಿಂದ ಕಾಂಗ್ರೆಸ್ ಸೋಲಿಗೆ ಶ್ರಮಿಸಿದರೆ ಅದನ್ನು ಅರ್ಥಮಾಡಿಕೊಳ್ಳಬಹುದು, ಆದರೆ ಮೋದಿ ಮತ್ತು ಬಿಜೆಪಿ ವಿರುದ್ಧ ಇರುವವರು ಸಹ ಕಾಂಗ್ರೆಸ್‌ಗೆ ಕೆಟ್ಟದ್ದನ್ನು ಬಯಸಿದರೆ ಅದು ದೊಡ್ಡ ಅಪಾಯ" ಎಂದು ಹೇಳಿದೆ.

ಕಳೆದ ದಶಕದಲ್ಲಿ ಕಾಂಗ್ರೆಸ್‌ನ ಅವನತಿ ಕಳವಳಕ್ಕೆ ಕಾರಣವಾಗಿದ್ದರೂ, ಪಕ್ಷವನ್ನು ಮತ್ತಷ್ಟು ಕೆಳಕ್ಕೆ ತಳ್ಳುವ ಮತ್ತು ಅದರ ಜಾಗವನ್ನು ಆಕ್ರಮಿಸಿಕೊಳ್ಳುವ ಯೋಜನೆಗಳು ಅಪಾಯಕಾರಿ ಎಂದು ಸಂಪಾದಕೀಯ ಹೇಳಿದೆ.