ನವದೆಹಲಿ : ಕೊರೊನಾವೈರಸ್ ಮಹಾಮಾರಿಯಿಂದಾಗಿ ಉದ್ಯೋಗಿಗಳಿಗೆ ತೆರಿಗೆ ಸಂಬಂಧಿತ ಕೆಲಸದ ಗಡುವನ್ನು ವಿಸ್ತರಿಸಲಾಗಿದೆ.  ಇವುಗಳಲ್ಲಿ ಪ್ರಮುಖವಾದುದು ತೆರಿಗೆ ಉಳಿತಾಯ ಸಾಧನದಲ್ಲಿ ಹೂಡಿಕೆ ಮಾಡುವ ಗಡುವು. ಇದನ್ನು ಜೂನ್ 30 ರಿಂದ ಜುಲೈ 31ರವರೆಗೆ ವಿಸ್ತರಿಸಲಾಗಿದೆ. ಇದರೊಂದಿಗೆ ಸಿಬಿಡಿಟಿ ರಿಟರ್ನ್ಸ್ ಸಲ್ಲಿಸಲು ಕೊನೆಯ ದಿನಾಂಕ ನವೆಂಬರ್ 30ರವರೆಗೆ ವಿಸ್ತರಿಸಲಾಗಿದೆ.


COMMERCIAL BREAK
SCROLL TO CONTINUE READING

ಹಣಕಾಸು ವರ್ಷ 2019-20ರಲ್ಲಿ ತೆರಿಗೆ ಉಳಿಸಲು ನೀವು ಸುಕನ್ಯಾ ಸಮೃದ್ಧಿ ಯೋಜನೆ (ಎಸ್‌ಎಸ್‌ವೈ), ಪಿಪಿಎಫ್ (PPF), ಜೀವ ವಿಮಾ ಪಾಲಿಸಿ (Life insurance policy)ಯಲ್ಲಿ ಹೂಡಿಕೆ ಮಾಡಲು ಬಯಸಿದ್ದರೆ ನೀವು ಜುಲೈ 31ರವರೆಗೆ ಮಾಡಬಹುದು. 


ಮಧ್ಯಮ ವರ್ಗಕ್ಕೆ ಪರಿಹಾರ ನೀಡಲು, ಸ್ವ-ಮೌಲ್ಯಮಾಪನ ತೆರಿಗೆ ಪಾವತಿಸುವ ದಿನಾಂಕವನ್ನು 30 ನವೆಂಬರ್ 2020 ರವರೆಗೆ ವಿಸ್ತರಿಸಲಾಗಿದೆ. ಈ ಸಮಯದ ಮಿತಿಯನ್ನು ತೆರಿಗೆದಾರರಿಗೆ ಸ್ವಯಂ ಮೌಲ್ಯಮಾಪನ ತೆರಿಗೆ 1 ಲಕ್ಷ ರೂ.ವರೆಗೆ ವಿಸ್ತರಿಸಲಾಗಿದೆ. ಆದಾಗ್ಯೂ ತೆರಿಗೆ ವಿನಾಯಿತಿ 1 ಲಕ್ಷಕ್ಕಿಂತ ಕಡಿಮೆ ಇರುವ ಪ್ರಕರಣಗಳಿಗೆ ಬಡ್ಡಿ ವಿನಾಯಿತಿ ಸೀಮಿತವಾಗಿದೆ. ಪ್ಯಾನ್ ಕಾರ್ಡ್ ಅನ್ನು ಆಧಾರ್‌ಗೆ ಲಿಂಕ್ ಮಾಡುವ ಕೊನೆಯ ದಿನಾಂಕವನ್ನು 2021 ಮಾರ್ಚ್ 31 ರವರೆಗೆ ವಿಸ್ತರಿಸಲಾಗಿದೆ.


ಐಟಿ ಆಕ್ಟ್ 6 ಎಬಿ ಅಡಿಯಲ್ಲಿ ಆದಾಯ ತೆರಿಗೆ (Income Tax) ಇಲಾಖೆಯು ಸೆಕ್ಷನ್ 80 ಸಿ, 80 ಡಿ, 80 ಜಿ ಹೊಂದಿದೆ, ಇದರ ಅಡಿಯಲ್ಲಿ ವಿಮಾ ಪಾಲಿಸಿ (ಜೀವ ವಿಮೆ), ಪಿಪಿಎಫ್, ರಾಷ್ಟ್ರೀಯ ಉಳಿತಾಯ ಪತ್ರ (ಎನ್‌ಎಸ್‌ಸಿ) ಇತ್ಯಾದಿ ವೈದ್ಯಕೀಯ ವಿಮಾ ಪ್ರೀಮಿಯಂ ಮತ್ತು ದೇಣಿಗೆ ಇತ್ಯಾದಿಗಳಲ್ಲಿ ಹೂಡಿಕೆ, ಪಾವತಿಯ ಮೇಲೆ ತೆರಿಗೆ ವಿನಾಯಿತಿ ನೀಡಲಾಗುತ್ತದೆ, ಅಂತಹ ಹೂಡಿಕೆಗಳಿಗೆ 31 ಜುಲೈ 2020 ರವರೆಗೆ ಗಡುವು ನೀಡಲಾಗಿದೆ.


ಅಂಚೆ ಕಚೇರಿಯ ಸಾರ್ವಜನಿಕ ಭವಿಷ್ಯ ನಿಧಿ (ಪಿಪಿಎಫ್), 5 ವರ್ಷದ ಅಂಚೆ ಕಚೇರಿ ಠೇವಣಿ ಯೋಜನೆ, ರಾಷ್ಟ್ರೀಯ ಉಳಿತಾಯ ಪ್ರಮಾಣಪತ್ರ (ಎನ್‌ಎಸ್‌ಸಿ), ಸುಕನ್ಯಾ ಸಮೃದ್ಧಿ ಯೋಜನೆ ಮತ್ತು ಹಿರಿಯ ನಾಗರಿಕ ಉಳಿತಾಯ ಯೋಜನೆ (ಎಸ್‌ಸಿಎಸ್‌ಎಸ್) ಬಹಳ ಜನಪ್ರಿಯ ಸಣ್ಣ ಪ್ರಮಾಣದ ಉಳಿತಾಯ ಯೋಜನೆಗಳು. ಈ ಯೋಜನೆಗಳ ಬಡ್ಡಿ ಮೊತ್ತವು ತೆರಿಗೆ ಮುಕ್ತವಾಗಿದೆ.


ಸುಕನ್ಯಾ ಸಮೃದ್ಧಿ ಯೋಜನೆ (Sukanya Samriddhi Yojana) 7.6 ರಷ್ಟು ಬಡ್ಡಿ ಪಡೆಯುತ್ತಿದೆ. ಈ ಯೋಜನೆಯಡಿಯಲ್ಲಿ ಪೋಷಕರು ಒಂದು ಅಥವಾ ಹೆಚ್ಚಿನ ಹೆಣ್ಣುಮಕ್ಕಳಿಗೆ ಖಾತೆ ತೆರೆಯಬಹುದು. ಖಾತೆದಾರರು 18 ವರ್ಷ ವಯಸ್ಸಿನವರೆಗೆ ಇದರಲ್ಲಿ ಹೂಡಿಕೆ ಮಾಡಬಹುದು. ಯೋಜನೆಯಡಿ ಮಗಳ ವಯಸ್ಸು 10 ವರ್ಷಕ್ಕಿಂತ ಕಡಿಮೆ ಇರಬೇಕು.