Kejriwal Vs Delhi LG: ನನ್ನ ಹೆಂಡತಿ ಕೂಡ ಗವರ್ನರ್ ಅಷ್ಟು ಸಿಟ್ಟು ಮಾಡಿಕೊಂಡಿಲ್ಲವೆಂದ ಕೇಜ್ರಿವಾಲ್

ನವದೆಹಲಿ: ಲೆಫ್ಟಿನೆಂಟ್‌ ಗವರ್ನರ್‌ (LG) ವಿ.ಕೆ.ಸೆಕ್ಸೇನಾ ಅವರು ನನ್ನೊಂದಿಗೆ ಸಿಟ್ಟು ಮಾಡಿಕೊಂಡಷ್ಟು, ನನ್ನ ಹೆಂಡತಿಯೂ ಸಿಟ್ಟು ಮಾಡಿಕೊಂಡಿಲ್ಲ ಅಂತಾ ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್‌ ವ್ಯಂಗ್ಯವಾಡಿದ್ದಾರೆ.   

ದೆಹಲಿ ಸರ್ಕಾರದೊಂದಿಗೆ ವಿ.ಜಿ.ಸೆಕ್ಸೇನಾ ಅವರು ಸಾಕಷ್ಟು ವಿಚಾರಗಳಲ್ಲಿ ಭಿನ್ನಾಭಿಪ್ರಾಯ ಹೊಂದಿದ್ದಾರೆ. ಹೀಗಾಗಿ ಸೆಕ್ಸೇನಾ ಕುರಿತು ಕೇಜ್ರಿವಾಲ್‌ ಹಿಂದಿಯಲ್ಲಿ ಟ್ವೀಟ್ ಮಾಡುವ ಮೂಲಕ ಕಿಚಾಯಿಸಿದ್ದಾರೆ.

ಇದನ್ನೂ ಓದಿ: ಅತ್ಯಂತ ಅಗ್ಗವಾಗಿ ಸ್ಯಾಮ್‌ಸಂಗ್‌ನ Flip & Fold ಸ್ಮಾರ್ಟ್‌ಫೋನ್ ಮಾರಾಟ!?

ಆಮ್‌ ಆದ್ಮಿ ಪಕ್ಷದ (AAP) ರಾಷ್ಟ್ರೀಯ ಸಂಚಾಲಕರೂ ಆಗಿರುವ ಕೇಜ್ರಿವಾಲ್ ತಮ್ಮ ಟ್ವೀಟ್‍ನಲ್ಲಿ, ‘ಲೆಫ್ಟಿನೆಂಟ್‌ ಗವರ್ನರ್‌ ಸಾಹೇಬರು ಪ್ರತಿದಿನ ನನ್ನ ಮೇಲೆ ಸಿಟ್ಟು ಮಾಡಿಕೊಂಡಷ್ಟು, ನನ್ನ ಹೆಂಡತಿಯೂ ಸಿಟ್ಟು ಮಾಡಿಕೊಂಡಿಲ್ಲ. ಎಲ್‌ಜಿ ಅವರು ಕಳೆದ 6 ತಿಂಗಳಲ್ಲಿ ನನಗೆ ಬರೆದಷ್ಟು ‘ಪ್ರೇಮ ಪತ್ರ’ಗಳನ್ನು ನನ್ನ ಹೆಂಡತಿಯೂ ಬರೆದಿಲ್ಲ. ಎಲ್‌ಜಿ ಸಾಹೇಬರೇ ಚೂರು ಆರಾಮಾಗಿರಿ. ಚೂರು ಆರಾಮಾಗಿ ಇರುವಂತೆ ನಿಮ್ಮ ಸೂಪರ್‌ ಬಾಸ್‍ಗೂ ಹೇಳಿ’ ಎಂದು ತಮಾಷೆಯಿಂದಲೇ ಟೀಕಿಸಿದ್ದಾರೆ.

ಮೂಲಸೌಕರ್ಯ ಯೋಜನೆಗಳು ವಿಳಂಬವಾಗುತ್ತಿವೆ ಎಂದು ಉಲ್ಲೇಖಿಸಿ, ಮರಗಳನ್ನು ಕಡಿಯಲು ತ್ವರಿತವಾಗಿ ಅನುಮತಿ ನೀಡುವಂತೆ ಕಳೆದ ವಾರ ಸಕ್ಸೇನಾ ಕೇಜ್ರಿವಾಲ್‌ಗೆ ಪತ್ರ ಬರೆದಿದ್ದರು. ಕೇಜ್ರಿವಾಲ್‌ಗೆ ಬಣ್ಣ ಬದಲಾಯಿಸುವ ಹಳೆಯ ಅಭ್ಯಾಸವಿದೆ ಎಂದು ದೆಹಲಿ ಬಿಜೆಪಿ ಮುಖ್ಯಸ್ಥ ಆದೇಶ್ ಗುಪ್ತಾ ಆರೋಪಿಸಿದ್ದಾರೆ. ಹೀಗಾಗಿ ಇದೀಗ ದೆಹಲಿ ಸರ್ಕಾರದಲ್ಲಿ ಅರವಿಂದ್ ಕೇಜ್ರಿವಾಲ್ Vs ವಿ.ಕೆ.ಸೆಕ್ಸೇನಾ ಜಟಾಪಟಿ ಮುಂದುವರೆದಿದೆ.