ಜಿ-20 ಶೃಂಗಸಭೆ ಹಿನ್ನೆಲೆ ದೆಹಲಿಯಲ್ಲಿ ʼಮಿನಿ ಲಾಕ್‌ಡೌನ್ʼ..!

G-20 Summit : ಈ ಜಾಗತಿಕ ಸನ್ನಿವೇಶದಲ್ಲಿ ಜಿ-20 ಶೃಂಗಸಭೆಯಲ್ಲಿ ಭಾಗವಹಿಸಲಿರುವ 43 ದೇಶಗಳಿಗೆ ದೆಹಲಿ ಆತಿಥ್ಯವಹಿಸಲಿದ್ದು, ದೆಹಲಿ ನಗರದಲ್ಲಿ ಅಗತ್ಯಕ್ಕನುಸಾರವಾಗಿ ಕೆಲವೊಂದು ತಾತ್ಕಾಲಿಕ ಕಟ್ಟುಪಾಡುಗಳನ್ನು ಸಿದ್ಧಗೊಳಿಸಿದೆ. ಅವುಗಳಲ್ಲಿ ಟ್ರಾಫಿಕ್‌ನ ಸೂಚನೆಗಳಲ್ಲಿನ ಮಾದರಿಗಳ ಬದಲಾವಣೆಗಳು, ಅದರೊಂದಿಗೆ ತಯಾರಿಗೆ ಅವಶ್ಯಕ ಸರಕು ಮತ್ತು ಸೇವೆಗಳಿಗೂ ಏರ್ಪಾಡು ನಡೆಯುತ್ತಿದೆ.

ಈ ಹಿನ್ನೆಲೆ ಜಿ-20 ಶೃಂಗಸಭೆಯ ಯಶಸ್ವಿಯಾಗಿ ನಡೆಸುವ ನಿಟ್ಟಿನಲ್ಲಿ ಶೈಕ್ಷಣಿಕ ಸಂಸ್ಥೆಗಳು ಮತ್ತು ಸರ್ಕಾರಿ ಹಾಗೂ ಖಾಸಗಿ ಕಛೇರಿಗಳಿಗೆ ಸೆಪ್ಟೆಂಬರ್‌ 8 ರಿಂದ 10 ರವರೆಗೆ ರಜೆ ಘೋಷಿಸಲಾಗಿದೆ. ಯಾವುದೇ ಅಡಚಣೆಗಳಿಗೆ ಆಸ್ಪದ ಕೊಡದಂತೆ ಪ್ರಾಧಿಕಾರಗಳು ಕಾರ್ಯನಿರ್ವಹಿಸುತ್ತಿವೆ. ಅದಲ್ಲದೇ ಈ ಸಂದರ್ಭದಲ್ಲಿ ಅಗತ್ಯ ವಸ್ತುಗಳು, ದಿನಬಳಕೆಯ ಸಾಮಗ್ರಿಗಳು, ಔಷಧಿಯ ವಸ್ತುಗಳು ಎಲ್ಲವೂ ಎಂದಿನಂತೆ ಲಭ್ಯವಿದ್ದು, ತಾತ್ಕಾಲಿಕ ಕಟ್ಟುಪಾಡುಗಳಿಗೆ ಮಾತ್ರ ಸೀಮಿತವಾಗಿರುತ್ತದೆ.

ಇದನ್ನೂ ಓದಿ :ರಜನಿಕಾಂತ್ ಮಾತ್ರವಲ್ಲ, ಈ ಸಿನಿ ತಾರೆಯರಿಗೂ ಉಡುಗೊರೆಯಾಗಿ ಸಿಕ್ಕಿದೆ ಕೋಟ್ಯಾಂತರ ಮೌಲ್ಯದ ಕಾರು

ದೆಹಲಿಯ ಕೆಲವು ಪ್ರದೇಶಗಳನ್ನು ನಿರ್ಬಂಧಗೊಳಿಸಲಾಗಿರುತ್ತದೆ ಮತ್ತು ಅಕ್ಷರಧಾಮ, ಡಿಎನ್‌ಡಿ ರಸ್ತೆಗಳು ಎಂದಿನಂತೆ ಕಾರ್ಯನಿರ್ವಹಿಸುತ್ತವೆ. ಆದರೆ ಕೆಲವೊಂದು ರಸ್ತಗಳು ತಾತ್ಕಾಲಿಕವಾಗಿ ನಿರ್ಬಂಧವಾಗಿರುತ್ತವೆ. ಜಿ-20 ಶೃಂಗಸಭೆಯ ಯಶಸ್ವಿಯಾಗಿ ನಡೆಸುವ ನಿಟ್ಟಿನಲ್ಲಿ ಈ ಎಲ್ಲಾ ಅಗತ್ಯ ಕಟ್ಟುಪಾಡುಗಳನ್ನು ಹೇರಲಾಗಿದ್ದು, ದೆಹಲಿಯು ಅಂತರರಾಷ್ಟ್ರೀಯ ಮಟ್ಟದ ಸಂದರ್ಭಕ್ಕೆ ಸಾಕ್ಷಿಯಾಗಿ,ಜಿ-20 ಶೃಂಗಸಭೆಗೆ ಆತಿಥ್ಯವಹಿಸಲು ಸಿದ್ಧವಾಗಿದೆ.