ಕೇವಲ ಐವರು ಮತದಾರನ್ನು ಹೊಂದಿರುವ ದೇಶದ ಅತೀ ಚಿಕ್ಕ ಮತಗಟ್ಟೆ ಯಾವುದು ಗೊತ್ತಾ?

smallest polling booth in the country: ಅತೀ ಚಿಕ್ಕ ಮತಗಟ್ಟೆ ಬಗ್ಗೆ ನೀವು ಎಂದಾದರೂ ಕೇಳಿದ್ದೀರಾ? ಇಲ್ಲಿರೋದು ಕೇವಲ 5 ಮಂದಿ ಮತದಾರರು ಮಾತ್ರ. ಇದು ಛತ್ತೀಸ್‌ಗಢದ ಭರತ್‌ಪುರ ಸಂಹತ್‌’ನಲ್ಲಿ ಶೆರದಂಡ್ ಎಂಬ ಗ್ರಾಮ. ಇಲ್ಲಿರೋದು ಕೇವಲ ಮೂರು ಮನೆಗಳು, ಆ ಮೂರು ಮನೆಗಳಲ್ಲಿ ಇರೋದು ಕೇವಲ ಐವರು ಮತದಾರರು.

ಇದು ಛತ್ತೀಸ್‌ಗಢ ರಾಜ್ಯದಲ್ಲಿ ಸ್ಥಾಪಿಸಲಾದ 143 ನೇ ಮತಗಟ್ಟೆಯಾಗಿದೆ. ಐದು ಜನರಿಗೆ ಮಾತ್ರ ಈ ಮತಗಟ್ಟೆಯನ್ನು ನಿರ್ಮಿಸಲಾಗಿದೆ.

ಇದನ್ನೂ ಓದಿ: ಗಾಯಕ್ಕೆ ತುತ್ತಾದ ನಾಯಕ ವಿಶ್ವಕಪ್’ನಿಂದ ರೂಲ್ಡೌಟ್! ಇನ್ಮುಂದೆ ಬಲಗೈ ಮಧ್ಯಮ ವೇಗಿ ಕ್ಯಾಪ್ಟನ್

ಸದ್ಯ ಛತ್ತೀಸ್‌ಗಢ ವಿಧಾನಸಭೆ ಚುನಾವಣೆಗೆ ಸಜ್ಜಾಗಿದೆ. ಭೂಪೇಶ್ ಬಘೇಲ್ ನೇತೃತ್ವದಲ್ಲಿ ಕಾಂಗ್ರೆಸ್ ಪಕ್ಷವು ಈ ರಾಜ್ಯದಲ್ಲಿ ಮತ್ತೆ ಅಧಿಕಾರಕ್ಕೆ ಬರಲು ಶ್ರಮಿಸಲಿದೆ. ಕಾಂಗ್ರೆಸ್ ಪಕ್ಷವನ್ನು ಮೂಲೆಗುಂಪು ಮಾಡಿ ಇಲ್ಲಿ ಅಧಿಕಾರಕ್ಕೆ ಬರಲು ಬಿಜೆಪಿ ದೃಢ ಸಂಕಲ್ಪ ಮಾಡಿದೆ. ಅದಕ್ಕಾಗಿ ಸರ್ವ ಪ್ರಯತ್ನಗಳೂ ನಡೆಯುತ್ತಿವೆ.

2008ರಲ್ಲಿ ಇಬ್ಬರೇ ಮತದಾರರು:

2008ರಲ್ಲಿ ಭರತ್‌ಪುರ ಸಂಹತ್‌’ನ ಶೆರದಂಡ್ ಗ್ರಾಮದಲ್ಲಿ ಕೇವಲ ಇಬ್ಬರು ಮತದಾರರಿಗೆ ಮತಗಟ್ಟೆಯನ್ನು ಸ್ಥಾಪಿಸಲಾಗಿತ್ತು. ಅದೂ ಕೂಡ ಗುಡಿಸಲಿನಲ್ಲಿ. ಆಗ ಈ ಗ್ರಾಮದ ಬಗ್ಗೆ ಜಗತ್ತಿಗೆ ತಿಳಿಯಿತು. ಇದು ಕೊರಿಯಾ ಜಿಲ್ಲೆಯ ಸೋನ್ಹಾಟ್ ಬ್ಲಾಕ್, ಚಂದ್ರ ಗ್ರಾಮ ಪಂಚಾಯತ್‌’ನ ಅವಲಂಬಿತ ಗ್ರಾಮವಾಗಿದೆ. ದಟ್ಟ ಕಾಡಿನಲ್ಲಿರುವ ಈ ಪ್ರದೇಶದಲ್ಲಿ ಕೇವಲ ಮೂರು ಮನೆಗಳಿವೆ.

ಒಂದು ಮನೆಯಲ್ಲಿ ಅರವತ್ತು ವರ್ಷದ ವೃದ್ಧ ಮಹಿಪಾಲ್ ರಾಮ್ ಎಂಬವರು ವಾಸ ಮಾಡುತ್ತಿದ್ದಾರೆ. ಮತ್ತೊಂದು ಮನೆಯಲ್ಲಿ ರಾಮಪ್ರಸಾದ್ ಚೆರ್ವಾ ಎಂಬ ವ್ಯಕ್ತಿ ತನ್ನ ಪತ್ನಿ ಸಿಂಗಾರೋ ಮತ್ತು ನಾಲ್ವರು ಮಕ್ಕಳೊಂದಿಗೆ ವಾಸವಾಗಿದ್ದಾರೆ. ಮೂರನೇ ಮನೆಯಲ್ಲಿ ದಸ್ರು ರಾಮು ಎಂಬ ವ್ಯಕ್ತಿ ತನ್ನ ಪತ್ನಿ ಸುಮಿತ್ರಾ, ಮಗಳು ಮತ್ತು ಇನ್ನೊಬ್ಬ ಮಗನೊಂದಿಗೆ ವಾಸಿಸುತ್ತಿದ್ದಾರೆ.

143ನೇ ಮತಗಟ್ಟೆ:

ಈ ಮತಗಟ್ಟೆಯಲ್ಲಿ ಕೇವಲ ಐವರು ಮತದಾರರಿದ್ದಾರೆ. ಅವರಲ್ಲಿ ಮೂರು ಗಂಡು ಮತ್ತು ಎರಡು ಹೆಣ್ಣು. ಈ ಐವರು ಮತದಾರರ ಪೈಕಿ ದಸ್ರು ರಾಮು ಐದು ವರ್ಷಗಳ ಹಿಂದೆ ಜಶ್‌ಪುರದಿಂದ ಇಲ್ಲಿಗೆ ಬಂದು ನೆಲೆಸಿದ್ದರು. ಇನ್ನು ಇದು ರಾಜ್ಯದಲ್ಲಿ ಸ್ಥಾಪನೆಯಾದ 143ನೇ ಮತಗಟ್ಟೆಯಾಗಿದೆ. ಈ ಐದು ಜನರಿಗೆ ಮಾತ್ರ ವ್ಯವಸ್ಥೆ ಮಾಡಲಾಗಿತ್ತು. 2008ರಿಂದ ಗುಡಿಸಲಿನಲ್ಲಿ ಮತದಾನ ಮಾಡಲಾಗುತ್ತಿದ್ದು, ಸದ್ಯ ಇಲ್ಲಿ ಕಾಂಕ್ರೀಟ್ ಕಟ್ಟಡ ನಿರ್ಮಿಸಲಾಗಿದೆ.

ಇದನ್ನೂ ಓದಿ: ಮುಂದಿನ 4 ದಿನ ಈ ಭಾಗಗಳಲ್ಲಿ ಧಾರಾಕಾರ ಮಳೆ! ಮಿಂಚು-ಗುಡುಗು ಸಹಿತ ಚಂಡಮಾರುತ ಸುಳಿಗೆ ಸಿಲುಕುವ ಭೀತಿ

ಇಲ್ಲಿ ಚುನಾವಣೆ ನಡೆಸಲು ಎರಡು ದಿನ ಮುಂಚಿತವಾಗಿ ಮತಗಟ್ಟೆ ತಂಡ ಇಲ್ಲಿಗೆ ಆಗಮಿಸುತ್ತದೆ. ಮತದಾನ ಪ್ರಕ್ರಿಯೆ ಮುಗಿಯುವವರೆಗೆ ಎರಡು ದಿನಗಳ ಕಾಲ ಇಲ್ಲಿಯೇ ಇರುತ್ತಾರೆ ಅಧಿಕಾರಿಗಳು. ಪ್ರತಿ ಬಾರಿ ಮತದಾನ ನಡೆದಾಗಲೂ ಇಲ್ಲಿ ಶೇ.100ರಷ್ಟು ಮತದಾನ ದಾಖಲಾಗಿರುವುದು ಗಮನಾರ್ಹ. ಅಲ್ಲದೆ, ಈ ವಿಧಾನಸಭೆಯ ಕ್ಯಾಂಟೊಗಳಲ್ಲಿ 12 ಮತದಾರರಿದ್ದಾರೆ. ರೇವಾಲದಲ್ಲಿಯೂ 23 ಮತದಾರರಿದ್ದಾರೆ.