ನವದೆಹಲಿ: ರೈತರ ಅಭಿವೃದ್ಧಿಗೆ ಮೋದಿ ಸರ್ಕಾರ (Modi Govt) ಸ್ಥಿರವಾಗಿ ಕಾರ್ಯನಿರ್ವಹಿಸುತ್ತಿದೆ. 2025 ರ ವೇಳೆಗೆ ದೇಶಾದ್ಯಂತ ಸುಮಾರು 10 ಸಾವಿರ ಹೊಸ ರೈತ ಉತ್ಪಾದಕ ಸಂಸ್ಥೆ (ಎಫ್‌ಪಿಒ) ಸ್ಥಾಪಿಸುವ ಪ್ರಸ್ತಾಪವನ್ನು ಸರ್ಕಾರ ಹೊರಡಿಸಿದೆ. ಪ್ರಸ್ತಾವನೆಯನ್ನು ಅಂಗೀಕರಿಸಿದರೆ ರೈತರಿಗೆ ಸಾಕಷ್ಟು ಲಾಭ ಸಿಗುತ್ತದೆ, ಏಕೆಂದರೆ ಈ ಎಫ್‌ಪಿಒ ಸಹಾಯದಿಂದ ರೈತರಿಗೆ ಬೆಳೆ ಇಳುವರಿಯಿಂದ ಮಾರಾಟದವರೆಗೆ ಅನೇಕ ಸೌಲಭ್ಯಗಳನ್ನು ಒದಗಿಸಲಾಗುತ್ತದೆ. 2021 ರ ಬಜೆಟ್ನಲ್ಲಿ ಇದಕ್ಕಾಗಿ 6865 ರೂ. ಹಂಚಿಕೆ ಮಾಡಲಾಗಿದೆ.


COMMERCIAL BREAK
SCROLL TO CONTINUE READING

3 ವರ್ಷಕ್ಕೆ 18 ಲಕ್ಷ ರೂ. ಆರ್ಥಿಕ ಸಹಾಯ:
ಕಳೆದ ಬುಧವಾರ ಪಿಎಂ ಮೋದಿ ಸಂಸತ್ತಿನಲ್ಲಿ ಎಫ್‌ಪಿಒ (FPO) ಮೂಲಕ ರೈತರಿಗೆ ಮಾರುಕಟ್ಟೆ ಬಲ ಸಿಗಲಿದೆ ಎಂದು ಹೇಳಿದರು. ಅಂತಹ ಪ್ರತಿಯೊಂದು ಎಫ್‌ಪಿಒಗೆ ಮೂರು ವರ್ಷಗಳವರೆಗೆ 18 ಲಕ್ಷ ರೂ. ಆರ್ಥಿಕ ಸಹಾಯವೂ ಲಭ್ಯವಿದೆ ಎಂದು ಹೇಳಿದ್ದರು. ಈಗ ಬಜೆಟ್ ಹಂಚಿಕೆಯ ನಂತರ ರೈತರಿಗೆ ಹೆಚ್ಚಿನ ಲಾಭದ ಭರವಸೆ ಸಿಕ್ಕಂತಾಗಿದೆ.


ರೈತರಿಗೆ ಈ ಸೌಲಭ್ಯಗಳು ಸಿಗುತ್ತವೆ :
ಎಫ್‌ಪಿಒ ಸಹಾಯದಿಂದ, ಸ್ವಂತ ಜಮೀನು ಇಲ್ಲದ ರೈತರು (Farmers) ತಮ್ಮ ಆದಾಯವನ್ನು ಹೆಚ್ಚಿಸಲು ಸಹಾಯವಾಗಲಿದೆ. ವಾಸ್ತವವಾಗಿ, ಸಾಮೂಹಿಕ ಶಕ್ತಿಯು ಉತ್ತಮ ಇನ್ಪುಟ್, ತಂತ್ರಜ್ಞಾನ ಮತ್ತು ಆಧುನಿಕ ಮಾರ್ಕೆಟಿಂಗ್ ಮೂಲಕ ಮಾರುಕಟ್ಟೆಯನ್ನು ತಲುಪಲು ಮತ್ತು ಉತ್ತಮ ಬೆಲೆಗೆ ಬೆಳೆ ಮಾರಾಟ ಮಾಡಲು ಕೃಷಿಗೆ ಸಹಾಯ ಮಾಡುತ್ತದೆ. ಸರ್ಕಾರ ಕೈಗೊಳ್ಳುವ ಪ್ರಯತ್ನದಿಂದ 2022 ರ ವೇಳೆಗೆ ಕೃಷಿ ರಫ್ತು ದ್ವಿಗುಣಗೊಳಿಸುವ ಉದ್ದೇಶವಿದೆ ಎಂದು ಕೃಷಿ ಸಚಿವಾಲಯ ತಿಳಿಸಿದೆ.


ಇದನ್ನೂ ಓದಿ - Rahul Gandhi: 'ಕೃಷಿ ಕಾಯ್ದೆ ಹಿಂಪಡೆಯದೇ ರೈತರು ಹಿಂದೆ ಸರಿಯುವುದಿಲ್ಲ, ಸರ್ಕಾರವೇ ಹಿಮ್ಮಡಿ ಇಡಬೇಕು'


ಭಾರತೀಯ ಕೃಷಿ 'ಸ್ವಾವಲಂಬಿ ಕೃಷಿಗೆ' ಬದಲಾಗುತ್ತದೆ :
ಸಚಿವಾಲಯ ನೀಡಿದ ಮಾಹಿತಿಯ ಪ್ರಕಾರ, ಭಾರತೀಯ ಕೃಷಿ (Agriculture) ಯನ್ನು 'ಸ್ವಾವಲಂಬಿ ಕೃಷಿಯಾಗಿ' ಪರಿವರ್ತಿಸಲು ಎಫ್‌ಪಿಒಗಳು ಉತ್ತಮ ಆಯ್ಕೆಯಾಗಿದೆ. ಇದು ಗ್ರಾಮೀಣ ಆರ್ಥಿಕತೆಯನ್ನು ಸುಧಾರಿಸುತ್ತದೆ ಮತ್ತು ಗ್ರಾಮೀಣ ಯುವಕರಿಗೆ ಉದ್ಯೋಗಾವಕಾಶಗಳು ಸಿಗುತ್ತವೆ ಎಂದು ನಂಬಲಾಗಿದೆ.


ಎಫ್‌ಪಿಒಗಳು ಎಂದರೇನು ?
2011-12ರಲ್ಲಿ ಎಫ್‌ಪಿಒ ಪ್ರಾರಂಭಿಸಲಾಯಿತು. ಇವು ರೈತರ ಸಂಘಗಳಾಗಿವೆ, ಅವುಗಳು ರೈತ ಉತ್ಪಾದಕ ಕಂಪನಿ ಅಥವಾ ಕಂಪನಿ ಕಾಯಿದೆಯಡಿ ನೋಂದಾಯಿತ ರೈತ ಸಹಕಾರಿ ಸಂಘವನ್ನು ಹೊಂದಿರಬಹುದು. ಈ ಕಂಪನಿಗಳ ಷೇರುದಾರರು ಸಹ ರೈತರು. ಎಫ್‌ಪಿಒ ಸಹಾಯದಿಂದ ರೈತ ತನ್ನ ಬೆಳೆಯನ್ನು ವ್ಯಾಪಾರಿಗಳಿಗೆ ಮಾರುತ್ತಾನೆ. ಅಲ್ಲದೆ, ಅವರ ಉತ್ಪನ್ನದ ಗುಣಮಟ್ಟದ ಇನ್ಪುಟ್, ಸಂಕ್ಷಿಪ್ತಗೊಳಿಸುವಿಕೆ, ಸ್ವಚ್ಛಗೊಳಿಸುವಿಕೆ ಮತ್ತು ಪ್ಯಾಕೇಜಿಂಗ್ ಸಹಾಯವನ್ನು ಒದಗಿಸುವುದು ಈ ಸಂಸ್ಥೆಯ ಜವಾಬ್ದಾರಿಯಾಗಿದೆ. ಇದು ರೈತರಿಗೆ ತಮ್ಮ ಉತ್ಪನ್ನಗಳಿಗೆ ಉತ್ತಮ ಬೆಲೆ ನೀಡುತ್ತದೆ.


ಇದನ್ನೂ ಓದಿ - 2.5 ಕೋಟಿ ರೈತರಿಗೆ ಸಿಗಲಿದೆ Kissan Credit Card.! ಈ ಕ್ರೆಡಿಟ್ ಕಾರ್ಡ್ ಲಾಭ ತಿಳಿಯಿರಿ


ಎಫ್‌ಪಿಒ ಎಲ್ಲಿ ಮಾಡಲಾಗುವುದು :
ಮಾಹಿತಿಯ ಪ್ರಕಾರ, ಕೃಷಿ ಮತ್ತು ಅರಣ್ಯ ಉತ್ಪನ್ನಗಳು ದೊಡ್ಡ ಪ್ರಮಾಣದಲ್ಲಿ ಇರುವ ಸ್ಥಳದಲ್ಲಿ ಈ ಎಫ್‌ಪಿಒಗಳನ್ನು ಅಭಿವೃದ್ಧಿಪಡಿಸಲಾಗುವುದು. ಹೊಸ ಕೃಷಿ ಉತ್ಪನ್ನಗಳ ವ್ಯಾಪಾರ ಮತ್ತು ವಾಣಿಜ್ಯ ಕಾಯ್ದೆ 2020 ರಲ್ಲಿ, ಈಗ ಎಫ್‌ಪಿಒ ಅನ್ನು 'ರೈತ' ಎಂದು ಪರಿಗಣಿಸಲಾಗಿದೆ.


ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe 
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.